जिगरबाज...

एक जीवघेणा अपघात...त्यानंतर सहा महिन्यांच्या उपचारांच्या काळात ६२ कोटींच्या उलाढालीला बसलेले आर्थिक धक्के...पाठोपाठ आलेल्या कोरोना आणि त्यादरम्यान गुंतवणूकदारांनी काढून घेतलेले अंग...`एनपीए`मध्ये गेलेले अकाउंट आणि खुंटलेले सगळे मार्ग...त्यातून दोन वेळा केलेला आत्महत्येचा प्रयत्न आणि तोही अयशस्वी झाल्यानंतर आता `इतरांना जगवण्यासाठी जगायचे` या निर्धाराने मालकाच्या खुर्चीत साक्षात महालक्षीची प्रतिष्ठापना करुन स्वतःला कामाला वाहून घेणे आणि बाजारात महालक्ष्मी फूड प्रॉडक्टस् ची पूर्वीची पत निर्माण करणे...योगेश माधव सरपोतदार यांची ही वाटचाल रोमहर्षक आहे.