Chumm mit i Schnee

Papa, es schneit! D Lena luegt zum Fänschter us. Ändlech schneits. Geng meh u meh Flocke chöme drhär. So schöni Flocke... wi Flüümli?...wi Fäderli? Wi Naselümpe, meint dr Papa. Er luegt ufe Biudschirm vo sim Läptop, scho dr ganz Morge. Chunsch mit mir use? fragt d Lena. Lueg, s isch scho aus wiiss: d Büsch si wiiss u d Böim si wiiss, dr Briefchaschte het es wiisses Dächli u d Zuunpföschte hei wiissi Hüetli u dr Huet vom Herr Schneebärger het es wiisses Bärgli obedruf! Tuet mr leid, Lena, abr itz hani ke Zit, i bi im hinderlig. I mues dä Pricht umbedingt no schnäu fertig mache, süsch verliereni dr Fade. U itz loufts mr grad wi am Schnüerli. Fragsch afe öper vo dine Fründe? I chume chli schpeter nache.

© 2019 Lauitor Verlag (كتاب صوتي): 9783952387733

تاريخ النشر

كتاب صوتي: 25 ديسمبر 2019