App Store

Google Play

{{seriesTitle}} - سلسلة الكتب

Details page - Device banner - 894x1036

خطوة إلى عالم لا حدود له من القصص

الاستماع والقراءة

Mukta Chaitanya

मुलांबरोबर घडणारे सायबर गुन्हे कशा प्रकारचे आहेत?

मुलं यात का आणि कशी अडकतात? मुलांच्या सायबर सुरक्षेची जबाबदारी नक्की कोणाची असते? शाळांनी ऑनलाईन वर्ग घेताना सायबर सुरक्षेचा विचार केलेला असतो का? या आणि अशा महत्वाच्या मुद्द्यांवर मुक्ता चैतन्य यांच्याशी संवाद साधतायेत प्रसिद्ध सायबर लॉ तज्ञ वैशाली भागवत.

Storytel Original IN

Screen Time with Mukta

Screen time with Mukta - Cyber safety

सायबर हायजिन म्हणजे काय? सायबर एटीकेट्स म्हणजे काय? मुलांना शिकवताना ते पालकांनी सुद्धा शिकणं का गरजेचं आहे? डिजिटल डिटॉक्स का केलं पाहिजे आणि डिजिटल वेलबीईंगचा म्हणजे डिजिटल आरोग्याचा विचार का गरजेचं आहे या आणि अशा महत्वाच्या प्रश्नांवर ओपन सोर्स टेक्नलॉजी ट्रेनर आणि स्पीकर प्रसाद शिरगावकर आणि मुक्ता चैतन्य यांची गप्पांची मैफल!

Screen Time with Mukta - Cyber Hygiene and Etiquettes

शेरेन्टींग म्हणजे काय? पालक शेरेन्टींग का करतात? पालकांची मानसिकता काय आहे? मुलांच्या आयुष्यात शिरणारं सायबर बुलिंग मुलांचं नेमकं कशाप्रकारे नुकसान करू शकतं? शेरेटिंगच्या निमित्ताने पालक आणि बुलिंगच्या माध्यमातून मुलं पिअर प्रेशर आणि स्पर्धेचे बळी ठरतायेत का? मुलांची प्रायव्हसी आणि मुलांची परवानगी याचा विचार मोठ्यांचं जग करतंय का? शेरेन्टींग आणि बुलिंगच्या जळजळीत वास्तवावर प्रसिद्ध सायबर मानसोपचारतज्ञ निराली भाटिया यांच्याशी मुक्ता चैतन्य यांनी मारलेल्या सखोल गप्पा!

Screen time with Mukta - Cyber bullying

पालक आणि मुलंही सगळेच स्क्रीन आणि अन्न यांच्या विचित्र ट्रॅपमध्ये अडकलेले आहेत. एकत्र जेवण करणं, गप्पा मारत जेवण करणं टीव्ही आल्यानंतर कमी कमी होत गेलेलंच होतं पण आता इंटरनेटमुळे आणि त्यातही प्रत्येकाकडे स्वतःची गॅजेट्स आल्यामुळे मनोरंजन एकलकोंडं झालं आहे का? मुलांच्या मनात अन्नाचा रंग, गंध, चव यांच्या नोंदी होणं स्क्रीन टाईममुळे बंद झालं आहे का? एकत्र जेवण्याचे आणि जेवताना स्क्रीन न बघण्याचे फायदे काय असतात? आपण काय खातो आणि काय बघतो याचा एकमेकांशी असलेला संबंध तोडायला हवाय का? अशा एरवी न बोलल्या जाणाऱ्या महत्वाच्या विषयावर मुक्ता चैतन्य यांनी डाएट आणि फिटनेस कॅन्सल्टंट गंधाली गुर्जर यांच्याशी मारलेल्या रोखठोक गप्पा

Screen time with Mukta - Screen, Anna Aani Aapan

पालकांबरोबर मुलंही त्यांचा आनंद ऑनलाईन शोधू लागली आहेत का? ऑनलाईन इमोशनल डिपेन्डन्सी का येते? सेल्फी आणि लाईन्सचा मोह हा काय प्रकार आहे? ऑनलाईन नात्यांमधून होणारी गुंतवणूक आणि त्याचे परिणाम काय असू शकतात? भावनिक एक्सप्लॉयटेशन आणि आभासी जगातून मिळणारं कौतुक, रेकग्निशन, स्तुती या सगळ्याचा कसा जवळचा संबंध आहे? सतत ऑनलाईन असण्यातूनही डिप्रेशन येऊ शकतं का? मुळात खऱ्या आयुष्यातल्या भावनिक आणि मानसिक प्रश्नांची उत्तरं शोधायला जेव्हा माणसं ऑनलाईन जातात तेव्हा नेमकं होतं काय? या प्रश्नांचा शोध घेतलाय मुक्ता चैतन्य यांनी प्रसिद्ध समुपदेशक गौरी जानवेकर यांच्याबरोबर!

Screen time with Mukta - Virtual Like Trap

पॉर्न मुलांपर्यंत पोचतं कसं? पालक आणि मुलं दोघंही पॉर्न चे ग्राहक आहेत का? गेमिंग आणि पॉर्न या दोन इंडस्ट्री एकत्र होतायेत, म्हणजे काय? पॉर्नचं व्यसन मुलांना लागतंय का? या व्यसनाचे मनोसामाजिक, व्यक्तिमत्वावर, लैंगिक समजुतींवर आणि स्त्री पुरुषांच्या भूमिकांवर काय परिणाम होऊ शकतात? मुलांच्या सर्वांगीण वाढीवर काय परिणाम होऊ शकतात? या कधीही उघडपणे न बोलल्या जाणाऱ्या विषयावर रिस्पॉन्सिबल नेटिझम संस्थेच्या संस्थापिका सोनाली पाटणकर यांच्याशी मुक्ता चैतन्य यांनी साधलेला महत्वपूर्ण संवाद!

Screen time with Mukta - Mula Porn Baghatat ?

मुलांकडे स्वतःची गॅजेट्स वयाच्या नवव्या, दहाव्या वर्षी येतात. पालक कौतुकाने त्यावर अनेक OTT चॅनल्स घालून देतात पण मुलांनी काय बघावं आणि काय नाही याबाबत मात्र पुरता गोंधळ आहे. मुलांशी OTT वरून दिसणाऱ्या बोल्ड सीन्स बद्दल चर्चा कशी करायची? मुळात मुलांना स्वतःच्या गॅजेट्समध्ये स्वतंत्र OTT ऍक्सेस देणं योग्य आहे का? पालकांबरोबर आता मुलंही बिंज वॉचिंग करायला लागली आहेत, अशात टीव्हीची जागा पालक आणि मुलांच्या आयुष्यात OTT घेऊ बघतंय का? तसं असेल तर मनोरंजनाचा एकूण पॅटर्न बदलतोय का? आणि कसा? याविषयी प्रसिद्ध समीक्षक आणि अभ्यासक गणेश मतकरी यांच्याशी मुक्ता चैतन्य यांनी साधलेला विशेष संवाद!

Ganesh Matkari

Screen time with Mukta-Mulancha Digital Manoranjan

सायबर गुन्ह्यांमध्ये मुलं अडकतात तेव्हा सायबर सेलची मदत का आणि कशी घेता येऊ शकते याविषयी तपाशिलवार माहितीसह, सायबर पोलिसांच्या जगातला फेरफटका..सायबर पोलिसांचं काम कसं चालतं, आभासी जगात लपलेले गुन्हेगार कसे शोधले जातात याविषयी मुक्ता चैतन्य यांनी मुंबई सायबर क्राईम ब्रांचच्या डीसीपी डॉ. रश्मी करंदीकर यांच्याशी मारलेल्या चित्तथरारक गप्पा!

Dr. Rashmi Karandikar

Screen time with Mukta-Encounter with Cyber Police

सायबर स्पेसमध्ये आणि खऱ्या जगण्यात ही आपल्याला काही गोष्टी सोडून द्याव्या लागणार आहे. मला सागळ्यातलं सगळं माहीत आहे आणि मला सगळं हवं आहे यापलीकडे आपल्याला जावं लागेल, आपल्या मुलांना मिसिंग आऊट असण्यातली गंमत सांगावी लागेल. थोडा पॉज घेऊन स्वतःला सायबर शिस्त लावली लागेल तरच या जगातून येऊ घातलेल्या नव्या समस्यांना आपण तोंड देऊ शकू. मुलांना सायबर शिक्षित करू शकू..
जॉय ऑफ मिसिंग आऊट नक्की काय आहे याविषयी मुक्ता चैतन्य आणि मानसोपचारतज्ञ डॉ. हमीद दाभोळकर यांच्या मनमोकळ्या गप्पा!

Hamid Dabholkar

Screen time with Mukta-JOMO

इंटरनेटची दुनिया जादुई आहे. या जगाला जशी काळी बाजू आहे तसेच या जगात वावरण्याचे अनेक फायदेही आहेत. कल्पना, इनोव्हेशन, कनेक्टिव्हिटी आणि संवाद या जमेच्या बाजू आहेत ज्यांचा सुयोग्य वापर आज गरजेचा आहे. इंटरनेट, सोशल मीडिया आणि स्मार्ट फोनला आधुनिक जगातल्या क्रांती मानलं जातं. ही माध्यमं तुम्ही आय हेतूने वापरता यावर त्याचे परिणाम काय होतील हे अवलंबून असतं. म्हणूनच व्हर्चुअल जगाच्या फायद्यांचा, सकारात्मक वापराचा विचारही आवश्यक आहे. त्याविषयीही बोललं गेलं पाहिजे. सायबर अभ्यासक उन्मेष जोशी यांच्याशी मुक्ता चैतन्य यांनी मारलेल्या या मनमोकळ्या गप्पा.

Unmesh Joshi

Screen time with Mukta-Net Positive

कोरोना महामारी आली आणि अचानक ऑनलाईन शिक्षणाचं मोठं आव्हान मुलं, पालक आणि शाळांच्या समोर उभं राहिलं. तोवर ऑनलाईन शिक्षणाचा विचार कुणीच गांभीर्याने केलेला नव्हता. अशावेळी महानगरांपासून गाव खेड्यापर्यंत मुलांनी ऑनलाईन शिक्षण कसं घेतलं? काय अडचणी आल्या? हातात सतत मोबाईल असणं इथपासून ते ऑनलाईन शिक्षणासाठी गॅजेट्स नसणं, कनेक्टिव्हीटी नसणं या सगळ्याचा मुलांच्या मानसिकतेवर काय परिणाम होतो आहे? शिक्षणाची मानसिकता, ऑनलाईन शिकवण्यासाठी आवश्यक असलेली स्किल्स त्यांच्याकडे आहेत का? त्याचबरोबर शाळांनी काय अभिनव पद्धतीने ऑनलाईन शिक्षण देऊ केले, येत्या काळात ऑनलाईन शिक्षण आणि मुलं या समीकरणाकडे कसं बघायला हवं? या अतिशय कळीच्या विषयावर शिक्षक, स्तंभ लेखक आणि अभ्यासक भाऊसाहेब चासकर यांच्याशी मुक्ता चैतन्य यांनी साधलेला विशेष संवाद !

Covid , Mula ani Internet

कोरोना महामारी आल्यापासून मुलांना स्वतःची गॅजेट्स मिळाली आहेत. ऑनलाईन जग त्यांच्यासाठी आधीच खुलं होतं पण आता स्वतःचं, हक्काचं गॅजेट किंवा गॅजेट वापरायचा वेळ मिळाल्यावर मुलांना ऑनलाईन वावर पूर्वीपेक्षा खूप जास्त वाढलेला आहे. आपोआपच गेमिंग, चॅटिंग आणि बिंज वॉचिंगचं प्रमाणही वाढलेलं आहे. या सगळ्याचा थेट परिणाम मुलांच्या झोपेवर होतोय का? अपुऱ्या झोपेचा आणि ताणाचा संबंध असतो का? मुलांमध्ये दिसणाऱ्या डिप्रेशनची मुळं अपुऱ्या झोपेत आणि इंटरनेट डिपेन्डसी मध्ये आहेत का? या रोजच्याच पण दुर्लक्षित विषयाचा आढावा मुक्ता चैतन्य यांनी घेतला आहे प्रसिद्ध मानसोपचार तज्ज्ञ डॉ. कौस्तुभ जोग यांच्यासह.

Mulanchya Zopecha Sauda

टीन्स, व्हर्चुअल जग आणि बॉडी इमेज ही गुंतागुंत फार विचित्र आहे. व्हर्चुअल जगात आपण कसे दिसतो, लोक आपल्याविषयी काय बोलतात याविषयी मुलं फार संवेदनशील असतात. बॉडी शेमिंग, फॅशन आणि मेकअप हॅक्स वापरण्याचं पिअर प्रेशर, सौंदर्याच्या प्रमाण व्याख्या आणि त्यात बसण्याची मोठ्यांच्या जगाची धडपड; जी मुलं बघत असतात या सगळ्याच परिणामही टीनेजर्सवर होतो. बॉडी इमेज म्हणजे नक्की काय? ऑनलाईन जगाचा बॉडी इमेजशी काय आणि कसा संबंध असतो आणि त्याचा मुलांवर होणारा परिणाम याविषयी मुक्ता चैतन्य यांनी मानसोपचारतज्ज्ञ डॉ. मानसी देशमुख यांच्याशी मारलेल्या विशेष गप्पा!

Me Sundar Aahe?

सोशल मीडिया इन्फल्युएन्सर्स कोण असतात? ग्राहकांच्या निर्णयात त्यांचा किती सहभाग असतो? इन्फल्युएन्सर्स ग्राहकांची मतं मॅनिप्युलेट करू शकतात का? करतात का? सोशल मीडिया इन्फल्युएन्सर्स मार्केटिंग म्हणजे काय? इन्फल्युएन्सर्स हा सोशल मिडियावरचा फार महत्वाचा घटक बनलेला आहे. ब्रँड्स साठी तर आहेच पण टीनेजर फॉलोअर्ससाठीही! आपला आवडता इन्फल्युएन्सर्स जे काही सांगेल ते ऐकण्याकडे अनेकदा टीनेजर्सचा कल असतो. म्हणूनच हा विषय नक्की काय आहे, या इन्फल्युएन्सर्सचा थेट आपल्याशी आणि आपल्या मुलांशी काय संबंध असतो या अतिशय नव्या विषयावर मुक्ता चैतन्य यांनी विशेष संवाद साधला आहे बी बिरबल या सोशल मीडिया मार्केटिंग कंपनीच्या संचालक गंधार संगोराम यांच्याशी.

Influencers cha Online Bazaar

व्हर्चुअल जगात वावरताना एक डेटा वापरण्याचे पैसे सोडले तर ग्राहक इतर कशासाठीचे ही पैसे देत नाही. पण म्हणून या जगात काहीच फुकट मिळत नाही. माणसांची खासगी माहिती याला आज अनन्य साधारण महत्व आहे. सोशल मीडिया आणि इंटरनेट वर असलेली माहिती खरंच आपल्याला मॅनिप्युलेट करते का? सोशल मीडियाच्या गुहेत शिरण्यापूर्वी आपण आपल्या मुलांना कुठल्या गोष्टी सांगितल्याच पाहिजेत. इंटरनेट वापरणं हा जर मूलभूत हक्क असेल तर आपली कर्तव्ये काय आहेत याविषयी टेक्नॉलॉजी आणि सोशल मीडिया आणि आंत्रप्रिनर समीर आठल्ये यांच्याशी मुक्ता चैतन्य यांनी मारलेल्या मनमोकळ्या गप्पा!

Social Media Chya Guhet

हल्ली टीनेजर्सना सहज पॉर्न बघणं उपलब्ध झालं आहे आणि त्यातून अशा क्लिप्स सातत्याने बघण्याची सवय मुलांना लागते असं म्हटलं जातं. मग प्रश्न उभा राहतो पॉर्न ऍडिक्शन म्हणजे काय? टिनेजर्स मधल्या पॉर्न ऍडिक्शनचा थेट संबंध व्यक्तिमत्वाशी आणि त्यातल्या बदलांशी असतो का? भारतात पॉर्न बूम आहे असं मानलं जातं, याकडे कसं बघायचं? लैंगिक शिक्षण नाही आणि पॉर्न हातात असणं हे भयानक कॉकटेल का आहे?
या आणि अशा अतिशय नाजूक मुद्द्यावर मुक्ता चैतन्य यांनी प्रसिद्ध सेक्सोलॉजिस्ट डॉ. प्रसन्न गद्रे यांच्याशी रोखठोक मारलेल्या गप्पा!

Porn Cha Vyasan Lagta Kasa?

जन्माला आल्यापासून ज्या मुलांच्या आजूबाजूला गॅजेट्स आहेत, अगदी चिमुरड्या वयात जी पिढी इंटरनेट, स्मार्ट फोन वापरायला शिकली आहे, वयाच्या 13 व्या वर्षांपासून जे टीनेजर्स सोशल मीडियावर आहेत त्यांच्या जगण्याचा पोत मागच्या कुठल्याही पिढ्यांपेक्षा वेगळा असणार आहे. अशावेळी या जनरेशन झी कडे 'काय ही आजची पिढी' अशा नजरेतून बघण्यापेक्षा त्यांच्याच नजरेतून बघितलं तर? कदाचित या आजच्या पिढीच्या जगण्यातलं वेगळेपण बाकी सगळ्या पिढ्यांनाही दिसू शकेल..याचाच शोध घेण्यासाठी मुक्ता चैतन्य यांनी जेनरेशन झी ची प्रतिनिधी म्हणून सुहानी धडफळे हिच्याशी दिलखुलास गप्पा मारल्या आहेत.

Generation Z

इंटरनेटच्या आभासी जगात मोठ्याप्रमाणावर हिंसा बघितली जाते. विकली जाते आणि युजर्स कळत नकळत हिंसेचा वापर करत असतात. लैंगिक छळापासून ट्रोलिंगपर्यंत आणि गेमिंगपासून सायबर बुलिंगपर्यंत सगळीकडे हिंसा बघायला मिळते. या प्रत्यक्ष आणि अप्रत्यक्ष हिंसेचा टिनेजर्सवर नेमका काय आणि कसा परिणाम होतो? ऑनलाइन अब्युज बघणं आणि करणं यामागची मानसिकता काय असते. हिंसेकडे कसं बघितलं पाहिजे? जसं मुलांशी लैंगिकतेबद्दल बोललं पाहिजे तसंच हिंसेबद्दल बोलणं का आवश्यक आहे, व्हर्चुअल जगातल्या हिंसेचा आपल्या समाजाच्या एकूण अस्वस्थतेशी संबंध असू शकतो आणि कसा? या सगळ्याच्या मनोसामाजिक आणि भावनिक परिणामांचे काय? अशा महत्वाच्या प्रश्नांचा उहापोह प्रसिद्ध मानसोपचारतज्ज्ञ डॉ. शिरीषा साठे आणि मुक्ता चैतन्य यांनी केला आहे.

Virtual Jagatali Hinsa

सेक्सटिंग म्हणजे काय? ओळखीच्या किंवा अनोळखी व्यक्तींबरोबर लैंगिक संवाद साधावासा, स्वतःचे नग्न, अर्ध नग्न फोटो, व्हिडीओ शेअर करावेसे का वाटतात? दुसऱ्याचे बघण्याचा मोह का होतो? सेक्सटिंग हे व्यसन आहे का? सेक्स ऍडिक्शनचा भाग असू शकतं का? सेक्सटिंग फक्त टिनेजर्समध्ये चालतं की सर्व वयोगटांमध्ये दिसून येतं? यातल्या मानसिक आणि भावनिक गुंतवणुकीचं काय? की तशी काही नसतेच? सेक्सटिंग करणाऱ्या व्यक्तींच्या मना मेंदूत नेमकं सुरु काय असतं? याचा मागोवा मुक्ता चैतन्य यांनी समुपदेशक लीना कुलकर्णी यांच्या समवेत घेतला आहे.

Sexting

मुलांचा, टिनेजर्सचा आणि संपूर्ण कुटुंबाचाच स्क्रीन टाईम प्रचंड वाढलेला आहे. तो जरुरीपेक्षा जास्त होताच पण कोरोनानंतर ऑनलाईन शाळा आणि वर्क फ्रॉम होम सुरु झाल्यानंतर तर तो प्रचंड प्रमाणात वाढलेला आहे. स्क्रीन टाईम कमी केला पाहिजे हे आता सगळ्यांनाच मान्य आहे पण ते करायचं कसं हे मात्र समजत नाही. या पॉड कास्टमधून स्क्रीन टाईम मॅनेजमेंटच्या सध्या सोप्या टिप्सची माहिती तर मिळेलच पण तंत्रज्ञानाचा वापरही स्क्रीन टाईम कमी करण्यासाठी कसा करता येऊ शकतो याची माहिती मुक्ता चैतन्य यांनी मानसरोगतज्ज्ञ आणि डिजिटल मीडियाचे अभ्यासक डॉ. मुकुल जोशी यांच्याशी झालेल्या गप्पामधून समजून घेतली आहे.

Screen Time with Mukta - سلسلة الكتب

Screen Time with Mukta - سلسلة الكتب

Screen Time with Mukta كتب بالترتيب

الاستماع والقراءة