കോട്ടയം പുഷ്പനാഥ് എഴുതിയ മാന്ത്രിക നോവലുകളിൽ ഒന്നാണ് സൂര്യ രഥം. ഒരു രാത്രിയിൽ ഒരു രോഗിയെ ചികിത്സിക്കാൻ ആളൊഴിഞ്ഞ ഒരു സ്ഥലത്തെ ബംഗ്ലാവിൽ എത്തുന്ന ഡോക്ടർ. അവിടെ അയാൾ കണ്ട വ്യത്യസ്തരായ രണ്ടു യുവതികൾ. രത്നപ്രഭാദേവിയും അവരുടെ മകളും. പക്ഷെ അവരുടെ പ്രവർത്തിയിലും പെരുമാറ്റത്തിലും എന്തൊക്കയോ ദുരൂഹതകൾ നിറഞ്ഞുനിന്നിരുന്നു. അതിനു ശേഷം ഹോസ്പിറ്റലിലും ക്വാർട്ടേഴ്സിലും നടക്കുന്ന വിചിത്ര സംഭവങ്ങളും ദുർമരണങ്ങളും. ഇതിൻ്റെ പൊരുൾ തേടി ഇറങ്ങി തിരിക്കുന്ന ഡോക്ടർ. അത്യാവശ്യം നല്ല പ്ലോട്ട് ആയിരുന്നെങ്കിലും ക്ലൈമാക്സിൽ എത്തിക്കാൻ എഴുത്തുകാരന് വല്ലാത്ത തിടുക്കം ഉള്ളത് പോലെ തോന്നി. അതുകൊണ്ട് തന്നെ ഉത്തരം കിട്ടാത്ത ചില ചോദ്യങ്ങൾ ബാക്കിയാക്കി ആണ് ഈ പുസ്തകം അവസാനിക്കുന്നത്.

Awesome narration.... Kottayam Pushpanadhan is a brilliant...