Kalla er niðurdregin og illa stemmd, fær aðstoð hjá lækni og kvíðinn minnkar. Hún ræður sig í sveit um sumarið. Þar býr Steindór Hallgrímsson, myndarmaður með þunglyndissvip, ásamt móður sinni, Björgu. Þetta er myndarbú. Kalla fréttir að gamla konan sé norn sem lyndi ekki við nokkra manneskju og Steindór hafi verið árum saman í ráðskonubasli. Köllu líst vel á bæinn, búsmalann og búskapinn, en kemst fljótt að því að það er ekki nokkur leið að gera Björgu til hæfis og Steindór gerist æ ágengari, vill komast í rúmið með Köllu og upp úr dúrnum kemur að hann er giftur og á son, Hauk, með Huldu konu sinni, sem er farin frá honum með barnið í næsta þorp, á Bakkann. Þetta er önnur bókin af þremur um Köllu og lífið á Bjarnarstöðum, þangað sem hún ræður sig sem ráðskonu. Hér eins og svo oft áður tekst Guðrúnu frá Lundi að fanga hug og hjörtu lesenda á sinn einstaka hátt, með því að gæða persónur sínar lífi svo lesandinn hverfur meira en heila öld aftur í tímann. Hún sendi frá sér sextán skáldsögur alls, sumar í mörgum bindum, og var áratugum saman einn alvinsælasti höfundur landsins.

© 2022 Lesbók (Hljóðbók): 9789935222947

Útgáfudagur

Hljóðbók: 25 november 2022