Kona finnst látin í dómskirkjunni í Ragmullin og aðeins nokkrum klukkustundum síðar finnst lík karlmanns hangandi úr tré fyrir utan heimili hans. Innan á læri beggja fórnarlambanna hafa sérkennileg og nákvæmlega eins merki verið húðflúruð. Fórnarlömbin tengjast greinilega á einhvern hátt, en hvernig? Það kemur í hlut Lottie Parker, lögregluvarðstjóra að komast að því.

Brátt kemur í ljós að morðin eiga rætur sínar að rekja til gamalla mála og tengjast einnig skuggalegri fjölskyldusögu Lottie. Nú reynir á hana að hafa uppi á raðmorðingja sem hefur brenglaðar hugmyndir um réttlæti á sama tíma og Lottie berst sjálf við drauga fortíðar. Nái hún ekki að leysa málið í tæka tíð mun rannsóknin hafa skelfilegar og óafturkræfar afleiðingar fyrir Lottie og fjölskyldu hennar.

Þau sem hurfu eftir metsöluhöfundinn Patricia Gibney er fyrsta bókin í glæpaseríunni um Lottie Parker. Bækurnar hafa slegið í gegn víða um lönd og birtast hér í frábærum lestri Þórunnar Ernu Clausen.

© 2023 Storyside (Hljóðbók): 9789180568869
© 2023 Storyside (Rafbók): 9789180616881

Þýðandi: Ólöf Pétursdóttir

Útgáfudagur

Hljóðbók: 20 januari 2023
Rafbók: 20 januari 2023