Hrottalegt morð hefur verið framið í Leirvík, snotru sjávarþorpi við Eyrarsund. Kona hefur verið drepin og augnlok hennar límd upp. Ódæðið er framið daginn eftir að Helena Vesterberg flytur inn í hús föður síns, steinsnar frá vettvangi morðsins. Skyndilega er Leirvík gerólík þeim sælureit sem Helena varði sumrum æsku sinnar í. Helena hefur nýlega kvatt Stokkhólm og eitrað ástarsamband til þess að byrja upp á nýtt sem rannsóknarfulltrúi við lögregluna í Landskrona. En henni verður fljótlega ljóst að hún er ekki velkomin á stöðinni og að hugmyndir hennar eru ekki vel þegnar. Hún ákveður að fara sína eigin leið – en ratar fjótlega á slóð sem hún mun sjá eftir að hafa hætt sér út á. Getur verið að morðinginn sé einhver sem hún þekkir?