Hljóðbrot
Dávaldurinn - Lars Kepler

Dávaldurinn

Dávaldurinn

4,11 252 5 Höfundur: Lars Kepler Lesari: Kristján Franklín Magnús
Hljóðbók.
Rafbók.
Karlmaður finnst myrtur og hrottalega útleikinn í búningsklefa íþróttahúss í úthverfi Stokkhólms. Skömmu síðar kemur í ljós að kona hans og dóttir hafa verið myrtar af sama hömluleysi. En sonurinn í fjölskyldunni lifir, helsærður. Joona Linna lögregluforingi hefur samband við Erik Maria Bark lækni og fær hann til að dáleiða drenginn til þess að segja frá því sem gerðist. Þar með brýtur læknirinn það loforð sitt að dáleiða aldrei framar og um leið fer af stað hrikaleg og ófyrirséð atburðarás. Dávaldurinn eftir Lars Kepler er ein umtalaðasta og mest selda spennusaga sem út hefur komið á Norðurlöndum á síðustu árum og hefur útgáfurétturinn verið seldur til 32 landa. Hún er í senn sálfræðitryllir og hrollvekjandi glæpasaga sem heldur lesandanum í heljargreipum frá fyrstu blaðsíðu. Það varð heilmikið fjaðrafok í Svíþjóð í kringum skáldanafnið Lars Kepler þegar Dávaldurinn kom út – enda vakti bókin gríðarlega athygli og rauk beint á topp sænskra metsölulista. Ýmsar tilgátur voru settar fram um hver stæði á bak við Kepler-nafnið og voru margir þekktir glæpasagnahöfundar sagðir koma til greina. Það var svo Aftonbladet sem tókst að safna saman tíu afar sannfærandi vísbendingum og rekja slóðina til hjónanna Alexöndru og Alexanders Ahndoril, sem fljótlega gengust við „glæpnum“. Alexandra er meðal annars þekkt fyrir að skrifa bókmenntarýni og hefur sent frá sér þrjár skáldsögur. Alexander hefur samið átta skáldsögur og fimmtán leikrit.
Tungumál: Íslenska Flokkur: Spennusögur Þýðandi: Jón Daníelsson

Meiri upplýsingar um hljóðbókina:

Útgefandi: JPV
Útgefið: 2021-06-09
Lengd: 17Klst. 43Mín
ISBN: 9789935291950

Meiri upplýsingar um rafbókina

Útgefandi: JPV
Útgefið: 2021-06-09
ISBN: 9789935291295
Umsagnir

Hafðu alltaf góða bók við höndina - hlustaðu og lestu hvar og hvenær sem er

Lestu og hlustaðu á eins margar bækur og þú vilt! Vistaðu bækurnar á tækið fyrir ferðalögin, hlustaðu til skiptis á aðrar bækur, veldu sögur fyrir börnin þín og finndu næstu uppáhalds bókina þína. Með Storytel ertu ávallt með heilt bókasafn í vasanum.

Prófaðu frítt í 7 daga