Maðurinn er alltaf að leita að ófreskjum. Og hér eru þær komnar! Í þessari bók eru stuttar og snaggaralegar frásagnir um alls konar myrkar hliðar mannlífsins.

Hver eða hvað varð fjallgöngumönnunum í Úralfjöllum að bana? Hver var versta kona sögunnar? Hvaða Bófi breyttist í skó eftir dauða sinn? Af hverju hélt franski kóngurinn kattabrennur opinberlega? Hvaða japanska mannæta var á ferð á Íslandi? Hvar var Auschwitz í Asíu? Er það satt að gestir í matarboðum Bokassa keisara hafi fengið mannakjöt að borða? Hafði venjuleg amerísk húsmóðir virkilega 300 persónuleika?

Vera Illugadóttir og Helgi Hrafn Guðmundsson eru kunn fyrir að láta sér ekkert mannlegt óviðkomandi og sjá skondnar hliðar á jafnvel hinum skelfilegustu fyrirbærum. Þau héldu áður út vefritinu Lemúrnum en Vera er nú þekktust fyrir þættina Í ljósi sögunnar.