Storytel kynnir með stolti: Vetrargestir, annað sætið í handritasamkeppni Storytel, EYRAÐ.

Veturinn nálgast og það er eitthvað skrítið á seiði í dalnum. Mamma segir að allt sé eins og það eigi að vera en Anna veit betur. Þess vegna ákveður hún að taka málin í sínar eigin hendur og laumast út eitt kvöldið eftir að foreldrar hennar eru sofnaðir. Jafnvel þó að hún viti að alls kyns óvættir geta leynst í myrkrinu – og jafnvel þó hún þurfi að takast á við þær alein. En þegar út er komið rekst Anna á svolítið óvænt og hún kemst að því að hún er ekki sú eina sem laumast um dalinn á nóttinni. Skuggar læðast á milli trjánna og vetrargestirnir eru á leiðinni.

Tómas Zoëga ólst upp í Fossvogsdal í Kópavogi. Hann ímyndaði sér oft að það byggju fleiri í dalnum en fólkið sem maður hittir á daginn. Fyrsta bók hans, Vetrargestir, fjallar um þessa feimnu íbúa. Hugljúf og fyndin barnabók fyrir hlustendur á öllum aldri. Hin ástkæra Salka Sól Eyfeld les.

© 2019 Storyside (Hljóðbók): 9789179233198
© 2020 Storyside (Rafbók): 9789180136440

Útgáfudagur

Hljóðbók: 24 september 2019
Rafbók: 24 november 2020