Hver eru eiginlega undur veraldar? Og eru þau raunverulega bara sjö? Nei, aldeilis ekki, en talan er engu að síður merkileg. Í dag fjalla Sigyn og Sævar um undur veraldar samkvæmt ýmsum skilgreiningum, en ekki eru allir sammála um hvaða undur eigi heima á topplista. Þau segja okkur meðal annars frá pýramídunum, Machu Pichu og mannvirkjum sem sjást úr geimnum. Svo ekki sé minnst á undratöluna sjálfa, sjö!

Sigyn Blöndal og Sævar Helga Bragason ættu flestir krakkar að vera farin að þekkja. Sjónvarp, útvarp, bækur og hljóðbækur - hvar sem þau koma við hafa Sigyn og Sævar einstakt lag á að flétta saman fróðleik og skemmtun, enda eru þau bæði klár og skemmtileg. Hér bregða þau enn og aftur á leik og velta upp hinum ýmsu spurningum sem brenna á okkur. Hvert fer eiginlega kúkurinn? Hvaðan kom allt? Og er mamma þín kannski geimvera? Í hljóðseríunni Aha! er gerð tilraun til að svara þessum, og fleiri, spurningum. Á leiðinni kemur reyndar líka margt í ljós sem alls enginn spurði að.

© 2022 Storytel Original (Hljóðbók): 9789180369992

Útgáfudagur

Hljóðbók: 16 september 2022