Röskva hefur alist upp við erfiðar fjölskylduaðstæður og á þá heitustu ósk að að hverfa. Þegar hún hefur tekið ákvörðun um að reyna að komast í burtu tekur atburðarásin óvænta stefnu og endar Röskva í ókunnum heimi. Þar þarf hún að hafa sig alla við til þess að skilja hina raunverulegu heimsmynd og takast á við öflin sem þar ríkja.

Blendingurinn er spennu- og raunarsaga skrifuð fyrir börn og unglinga á aldrinum 8-14 ára en höfðar einnig til eldri lesenda.

Hildur Margrétardóttir er myndlistar- og kvikmyndagerðarkona. Hún hefur starfað í yfir 13 ár við listsköpun og haldið sýningar bæði á Íslandi og erlendis. Hún hefur einnig unnið við sjónvarpsþátta- og heimildarmyndagerð ásamt kennslu. Blendingurinn er hennar fyrsta bók þar hún sem fléttar saman raunsæi og íslenskri þjóðsagnahefð.

Blendingurinn fékk Nýræktastyrk Bókmenntasjóðs 2010. Nýræktarstyrk er ætlað að styðja við fjölbreytta nýrækt í íslenskum skáldskap og bókmenningu og er veittur vegna útgáfu á nýjum íslenskum skáldverkum sem hafa ótvírætt menningarlegt gildi. Hér í frábærum lestri Álfrúnar Helgu Örnólfsdóttur.

© 2020 Storyside (Hljóðbók): 9789152137529
© 2020 Hildur Margrétardóttir (Rafbók): 9789935201737

Útgáfudagur

Hljóðbók: 7 oktober 2020
Rafbók: 30 augusti 2020