Guðrún Óla, blaðamaður hjá Vikunni, les upp lífsreynslusögur sem sendar hafa verið inn í blaðið í gegnum tíðina, en hér er sannleikurinn lyginni líkastur! Ekkert er gefið eftir og sögurnar eru jafn ólíkar og þær eru margar. Í þessum þætti fáum við að heyra eftirfarandi frásagnir:

– Símtalið sem frelsaði mömmu! : „Frá því ég man eftir mér hefur verið frekar stirt sambandið á milli mömmu og systur hennar. Ekki löngu fyrir síðustu jól gerðist atburður sem varð þess valdandi að mig langar ekki að þekkja frænku mína lengur.“

– Hættuleg kjaftasaga: „Þegar ég var 19 ára kynntist ég manninum mínum, flutti með honum á heimaslóðir hans í kaupstað úti á landi og bjóst við að verja þar ævinni með honum og börnunum okkar. Litlu munaði að kjaftasögur eyðilegðu framtíð okkar saman.“

– Missti af flugvél og fann ástina: „Fyrir mörgum árum fórum við hjónin í nám til Englands. Óvænt festum við rætur ytra og komum nú bara til Íslands í heimsókn. Eldri dóttir okkar er gift yndislegum breskum manni sem hún kynntist á sérstakan hátt.“

– Óþægilegur aðdáandi: „Á útihátíð um verslunarmannahelgi fyrir mörgum árum kynntist ég heillandi Þjóðverja sem var á ferð um landið á hjóli. Hann hafði uppi á mér þegar til Reykjavíkur var komið, mér til mikillar gleði ... svona til að byrja með.“

– Erfið tengdafjölskylda: „Ég var ekki nema 19 ára þegar ég varð ófrísk og kærastinn minn lét sig hverfa í kjölfarið. Ég hélt þó góðu sambandi við foreldra hans til að byrja með en ýmislegt varð þó til þess að sambandið slitnaði algjörlega.“

© 2022 Storyside (Hljóðbók): 9789180558778

Útgáfudagur

Hljóðbók: 29 mars 2022