Lila er munaðarlaus. Henni var misþyrmt í bernsku og hún var vanrækt. Hún er að dauða komin þegar utangarðskonan Doll nemur hana á brott. Við tekur líf á flótta, undir dimmum skugga ofbeldis, ógnar og örbirgðar, þótt stundum birti til. Eftir dauða Doll flækist Lila víða, er meðal annars á vændishúsi í stórborginni, og er sífellt á flótta undan fortíð sinni þar til hún kemur til smábæjarins Gilead. Hið eina sem hún á er flugbeittur hnífurinn hennar Doll, morðvopn. Í nýjum og öruggum aðstæðum sem eiginkona prestsins John Ames, þarf hún að laga reynslu sína að friðsælu nýju lífi en jafnframt á köflum dómharðri trú og heimsmynd prestsins.

Hrífandi skáldsaga, spennandi og átakanleg, sem vekur áleitnar spurningar um siðgæði og trú, hugrekki og von, vanmátt og ósigra, ofbeldi og illsku – en líka um gleði og ást.

Lila er sjálfstæður hluti þríleiks ásamt skáldsögunum Gilead og Heima sem einnig hafa komið í íslenskri þýðingu Karls Sigurbjörnssonar og eru aðgengilegar á Storytel.

Metsöluhöfundurinn Marilynne Robinson er einn virtasti rithöfundur samtímans og bækur hennar hafa hlotið öll helstu bókmenntaverðlaun Bandaríkjanna.

© 2020 Storyside (Hljóðbók): 9789152115244
© 2020 Ugla útgáfa (Rafbók): 9789935214966

Þýðandi: Karl Sigurbjörnsson

Útgáfudagur

Hljóðbók: 29 april 2020
Rafbók: 1 november 2020