Erótíski spennutryllirinn Maestra sló í gegn á heimsvísu árið 2016. Þar segir frá Judith sem vinnur í virtu uppboðshúsi í London þar sem hún er vel metin sökum menntunar sinnar og óaðfinnanlegrar framkomu. En hún á sér myrka hlið sem brýst fram um kvöld og nætur. Líf hennar tekur óvænta stefnu þegar hún kemst á snoðir um hættulegt listaverkarán. Í kjölfarið hefst æsileg rússíbanareið milli frönsku Ríverunnar, Genfar, Rómar og næturklúbba Parísar. Maestra er fyrsta bókin í ómótstæðilegum erótískum spennuþríleik um ævintýralegt líf kaldrifjaðs tálkvendis. Hinar bækurnar tvær eru Domina og Ultima. L. S. Hilton, höfundur metsölubókanna Maestra, Domina og Ultima, ólst upp í Englandi en hefur síðan búið víða, svo sem á Key West, í New York, París og Mílanó. Eftir að hafa lokið prófum í enskum bókmenntum frá Oxford-háskóla nam hún listasögu í París og Flórens. „Erótík ársins!“ – New York Post „Höfundurinn neglir þig strax í fyrsta kafla!“ – El Pais „Ein af bókum ársins. Jackie Collins í bland við Jo Nesbo. Freisting til að falla fyrir.“ – Irish Independent

© 2021 Ugla útgáfa (Hljóðbók): 9789935213204
© 2021 Ugla útgáfa (Rafbók): 9789935215130

Þýðandi: Stella Rúnarsdóttir

Útgáfudagur

Hljóðbók: 26 mars 2021
Rafbók: 19 augusti 2021