„Einhver skemmtilegasta bók sem rituð hefur verið.“ - Egill Helgason „Frábær bók, oft á toppi sagnfræðinga um Rómaveldi.“ - Hallgrímur Helgason

Um árið 100 hóf Suetonius að skrifa sögu fyrstu keisara Rómaveldis. Í afar fjörugri og líflegri frásögn rekur hann afreksverk þeirra jafnt sem ótrúlega glæpi, samsæri, undirferli og yfirsjónir í rúminu í bland við orrustur, borðsiði og fjölskyldumál. Þetta er sú bók sem listamenn leita til þegar þeir vilja litríka og nákvæma mynd af mögnuðum tíma í sögu mesta heimsveldis fornaldar. Þetta er sannarlega bersögul og tæpitungulaus frásögn.

Þýðing verksins var styrkt af Miðstöð íslenskra bókmennta.

Í þessum sjötta hluta Tólf keisara segir frá því þegar Vespasianus reyndi að endurreisa ríkið eftir öfgar Neros og umrót borgarastyrjaldar. Hann hóf byggingu Colosseum þar sem ótal skylmingaþrælar létu lífið, hinum blóðþyrsta borgarlýð Rómar til skemmtunar. Hinn skammlífi Titus þurfti að glíma við eldgosið í Vesuviusi, þegar Pompeii grófst á kaf í ösku, en síðan hallaði skjótt undan fæti þegar Domitianus tók við. Ofsi hans og glæpir minntu mest á hina vitskertu Caligula og Nero þegar þeir voru upp á sitt versta. En svo rann upp önnur tíð.

© 2021 Storyside (Hljóðbók): 9789152181300
© 2021 Storyside (Rafbók): 9789180627993

Þýðandi: Illugi Jökulsson

Útgáfudagur

Hljóðbók: 21 juli 2021
Rafbók: 21 juli 2021