Irutile Thedatheenga

கோமல் சுவாமிநாதன் (1935 – 1995) ஒரு தமிழ் நாடக ஆசிரியர், திரைப்பட இயக்குனர் மற்றும் தமிழ் இலக்கிய இதழ் 'சுபமங்களா'வின் ஆசிரியராக இருந்தவர். தமிழின் முக்கியமான முற்போக்கு நாடக ஆசிரியராக கருதப்படுபவர்.

இருட்டிலே தேடாதீங்க, கோமல் சுவாமிநாதன் 1985ம் ஆண்டு எழுதி தன் ஸ்டேஜ் பிரெண்ட்ஸ் குழுவின் மூலம் மேடையேற்றிய முழுநீள நகைச்சுவை நாடகம். மருத்துவனூர் கோவிலிலிருந்து தான் திருடிய பல லட்ச ரூபாய் மதிப்புள்ள நடராஜர் தங்கச் சிலையை ஒரு குறிப்பிட்ட இடத்தில் பூமியில் புதைத்து வைத்திருப்பதாகக் கூறிவிட்டு, இறந்து போகிறான் ஒரு கைதி. அப்போது அங்கிருந்த செல்வந்தர் சொக்கலிங்கமும், அவருடன் இருக்கும் முருகனும், போலீஸ் கான்ஸ்டபிள் பொம்மையாவும் அந்த சிலையை தோண்டி எடுக்க பல திட்டங்கள் தீட்டுகிறார்கள். விஷயம் மெல்லமெல்ல பலருக்கு தெரியவர எல்லோரும் அந்த சிலையில் பங்கு கேட்கும் கூட்டம் பெருகுகிறது. எங்கேயோ ஏதோ புதையல் கிடைக்கப் போகிறது என்ற பேராசையுடன் வெறிபிடித்து அலைந்து ஓடுகிறது அந்தக் கூட்டம்.

உழைப்பையும் நேர்மையையும் நம்பாமல் அதிஷ்டத்தை மட்டுமே நம்பி அலையும் பேராசைக் கூட்டத்தை சித்தரித்து நகைச்சுவையாக நாடகமாகியிருக்கிறார் கோமல். ஆங்காங்கே சமூக கருத்துக்களை பிரதிபலித்து விறுவிறுப்புடன் நகர்கிறது நாடகம்.

இருட்டிலே தேடாதீங்க, 1990ம் ஆண்டு தூர்தர்ஷனில் 13 வாரங்கள் தொலைக்காட்சித் தொடராக வெளிவந்தது. பின்னர் இந்த நாடகம் 2017ம் ஆண்டு புதிய மேடைக்கலைஞர்களுடன் கோமலின் மகள் தாரிணி அவர்களால் புதுப்பிக்கப்பட்ட கோமல் தியேட்டர் மூலம் மீண்டும் மேடையேற்றப்பட்டது.

Release date

Ebook: 28 August 2025