Ekanthathayude Nimishangal

പതിവ് നായികാസങ്കല്‌പത്തിൽനിന്ന് വ്യത്യസ്‌തയാണ് തമ്പി ആൻ്റണിയുടെ ഈ നോവലിലെ മുഖ്യകഥാപാത്രമായ ജെസ്സീലാ എന്ന പെൺകുട്ടി. കാലുകൾക്കുള്ള സ്വാധീനക്കുറവിനെ മനശ്ശക്തികൊണ്ട് തോൽപ്പിക്കുകയും വായനയിലും എഴുത്തിലും ആനന്ദം കണ്ടെത്തുകയും ചെയ്യുന്നു, ഈ പെൺകുട്ടി. മറ്റൊരാളുടെ സഹതാപത്തിനു കൈനീട്ടാത്ത, ഏതു കാര്യത്തിലും സ്വന്തം നിലപാടും അഭിപ്രായവുമുള്ള ഇവൾ സ്വന്തം ദുഃഖവും സന്തോഷവും അഭിലാഷങ്ങളുമൊക്കെ പങ്കുവെക്കുന്നത് മുതിർന്ന ഒരെഴുത്തുകാരനോടാണ്. ഈ എഴുത്തുകാരൻ്റെ കാഴ്ചപ്പാടിലൂടെ തമ്പി ആൻ്റണി പറയുന്ന ജെസ്സീലയുടെ കഥയാണ് ഏകാന്തതയുടെ നിമിഷങ്ങൾ.

-സാറാ ജോസഫ്

ജെസ്സീലാ ജോ എന്ന പെൺകുട്ടിയുടെയും വിജയൻ വെൻമല എന്ന എഴുത്തുകാരൻ്റെയും കുറിപ്പുകളിലുടെ കഥപറയുന്ന ഈ നോവൽ സ്ത്രീമനസ്സിൻ്റെ വിവിധ തലങ്ങൾ അനാവരണം ചെയ്യുന്നു. ഏകാന്തതയിൽ നാം കാണുന്ന കാഴ്‌ചകളെയും അനുഭവങ്ങളെയും ആവിഷ്‌കരിക്കുന്ന ഈ നോവൽ വിസ്മരിക്കാനാവാത്ത അനുഭൂതി പകരുന്നു

تاريخ الإصدار

دفتر الصوت : 14 أكتوبر 2024