App Store

Google Play

CO -Device Banner Block 894x1036

Descubre un mundo infinito de historias

Escucha y lee

PatraBhet

परमपूज्य सद्गुरुदास महाराजांच्या विचारपुष्पांची गुंफण म्हणजे गुरुप्रबोध नवनीत. अध्यात्मापासून विज्ञानापर्यंत विविध विषयांवरती पू. सद्गुरुदास महाराज यांनी मांडलेले विचार या माध्यमातून आपल्या थेट हृदयास भिडतात. अध्यात्माचा खरा अर्थ उलगडणारी ही पॉडकास्ट मालिका त्यातील विचारांच्या माध्यमातून आपल्या जीवनास नवा आशय देईल, यात शंका नाही.

गुरुप्रबोध नवनीत (GuruPrabodh Navneet) 

परमपूज्य सद्गुरुदास महाराज म्हणजे पूर्वाश्रमीचे प्रसिद्ध शिवकथाकार विजयराव देशमुख. महाराजांनी, शिवकार्याप्रमाणेच धर्मकार्यातही विलक्षण कार्य केले आहे. त्यांच्या ओजस्वी शब्दांतून अध्यात्म आणि जीवनाचं असणारं नातं सहज उलगडत जातं. महाराजांच्या या अध्यात्मिक कार्याविषयी, येथील गुरुपरंपरेविषयीची माहिती `गुरुप्रबोध नवनीत`या पॉडकास्ट मालिकेच्या या पहिल्य़ा भागात आपण घेणार आहोत, गौरव कुलकर्णी यांच्या प्रासादिक आवाजात.

धर्मस्थापनेचे नर

श्री सुक्त म्हणजे जगद्जननीच्या म्हणजेच मातृशक्तीच्या सामर्थ्याचा विलक्षण मंत्रोद्गार. जाणून घेऊया, `श्री सुक्त` या विषयीची परमपूज्य सद्गुरुदास महाराजांनी केलेले शब्दचिंतन. ऐकुया, सौ. प्राजक्ता अगस्ती यांच्या स्वरांत.

श्री सुक्त - १

सुक्त ही चिरंतन आहेत. त्यातील विचार सत्य होते व आजही आहेत. म्हणूनच, प्रत्यक्ष श्री सुक्त ऐकणे, त्याचे अर्थ आणि मर्म जाणून घेणे अत्यंत महत्त्वाचे आहे. पूज्य सद्गुरुदास महाराज यांनी या विषयावर केलेले चिंतन ऐकणार आहोत, वैशाली कणसकर यांच्या स्वरात. श्री सुक्त श्लोक पठण केले आहे, श्री गौरव कुलकर्णी यांनी.

श्रीसुक्त - २

श्री सुक्तातील मागणं व्यक्तिगत नसून ते व्यापक आहे, असे पूज्य श्री सद्गुरुदास महाराज सांगतात. तसेच अलक्ष्मी, असमृद्धी या संकल्पना म्हणजे काय याचीही उलगड महाराजांनी केलेली आहे. श्रीसुक्त पठणासमवेत ऐकुया त्यात दडला अद्भूत आशय.

श्री सुक्तातील मागणं...

श्रीसुक्ताच्या या विशेष भागामध्ये प.पू. सद्गुरुदास महाराजांनी लक्ष्मीपुत्र कोण? जलतत्व कसे जाणावे? हे विशद करतानाच आत्मसूर्य, आत्मज्योती, अग्नितत्व या संकल्पना सोप्या करुन सांगितल्या आहेत. अध्यात्मातील या अद्भूताचा थांग घेण्यासाठी जरुर ऐकावा असा हा पॉडकास्ट.

श्रीसुक्त- आत्मलक्ष्मी कशी प्राप्त होईल?

१६ मे १९९७ रोजी भगवंत मंदिर, बार्शी येथे साधकांच्या आग्रहास्तव प.पू. सद्गुरुदास महाराजांनी जीवनात सद्गुरुंचे महत्त्व काय असते, यावर अतिशय सुरेख विवेचन केले होते. सद्गुरु म्हणजे अशाश्वत जीवनातील शाश्वत सत्य असे ते का म्हणतात...त्याची ही उलगड खास आपणासाठी.

सद्गुरु- अशाश्वत जीवनातील शाश्वत सत्य

विज्ञान आणि अध्यात्म यांचा खूप जवळचा संबंध आहे. आजच्या भौतिक जगात विज्ञानाने खूप प्रगती केली आहे. विज्ञानाच्या शोधामुळे प्राप्त झालेल्या गोष्टींचा अनुभव आपण प्रत्यक्ष घेऊ शकतो. तसा देव आपणास प्रत्यक्ष दिसत नाही. त्याची कृपा प्राप्त झाली असा विश्वासच आपणास ठेवावा लागतो. तो कितपत खरा आहे, अशी शंका आपल्या मनात निर्माण होऊ शकते. अशा वेळी देवाला मानावे की न मानावे? देव मोठा की विज्ञान मोठे? अशा सर्व शंकांचे निरसन परमपूज्य श्री सद्गुरुदास महाराज यांनी केले आहे.

विज्ञान आणि अध्यात्म (भाग१)

जगातील महान वैज्ञानिकांनी केलेल्या संशोधनांच्या आधारे आधुनिक विज्ञानाने मोठी प्रगती साधली. आपल्या ऋषिमुनींनी हजारो वर्षांपूर्वी ध्यानातून, उपासनेतून सूक्ष्मापासून विशालत्वाचे संशोधन कसे केले, याचा वेध घेता आपले अध्यात्म किती प्रगत आहे याची खात्री पटते. याविषयी परमपूज्य सद्गुरुदास महाराजांनी केलेली उलगड विज्ञान आणि अध्यात्म यांच्यातील संबंधांवर प्रकाशझोत टाकते. विज्ञानाचे कौतुक करतानाच अध्यात्मातील अथांगतेची महती विशद करणारे हे चिंतन प्रत्येकानेच ऐकावे, इतके महत्त्वाचे.

अध्यात्म आणि विज्ञान- भाग २

उपासना, साधना करताना अनेकांच्या मनात अनेकदा विविध शंका डोकावतात. असे प्रश्न अथवा शंका मग साधनेच्या मार्गात अडसर बनण्याची दाट शक्यता असते. म्हणूनच, त्यांचे वेळेत निराकरण होणे गरजेचे असते. परमपूज्य सद्गुरुदास महाराजांनी अनेक साधकांच्या मनातील अशाच काही महत्त्वाच्या शंकांचे वेळोवेळी निरसन केले व त्यांचा साधनामार्ग सुंदर बनविला. शंका समाधान या विशेष भागामध्ये पू. महाराजांनी विविध विषयांचा केलेला उहापोह केवळ शंकांचे निरसन करत नाही तर नवी प्रेरणाही देऊन जातो.

शंका समाधान- मन एकाग्र कसं करावं?

अध्यात्मिक जीवनात `श्री गुरुचरित्रा`चे अनन्यसाधारण महत्त्व आहे. या पवित्र ग्रंथाची वैशिष्ट्ये काय आहेत? श्रीगुरुचरित्र मंत्रग्रंथ कसा? यातील नामधारक व सिद्ध कोण? असे अनेक प्रश्न आपल्याला पडतात. त्यांची उकल परमपूज्य श्री सद्गुरुदास महाराजांनी अत्यंत सुंदररित्या करुन दाखवली आहे. गुरुचरित्राचा हा असा स्पर्श आपल्याला होणे, ही देखील एक वेगळी अनुभूतीच ठरते. ऐका आणि अनुभवा!

श्री गुरुचरित्राच्या सान्निध्यात..

प्रत्येक व्यक्तीच्या आयुष्यात उपासनेचे अनन्यसाधारण महत्त्व आहे. मग ही उपासना म्हणजे नेमकी काय असते, उपासना का करावी, कशी करावी, त्यासाठी मन एकाग्र कसे करावे, उपासनेचे अंतरंग अन् बहिर्रंग कसे असतात, या व अशा अनेक प्रश्नांची उत्तरे प.पू. सद्गुरुदास महाराज यांनी अत्यंत सोप्या शब्दांत दिलेली आहेत. ऐकावे अन् मनात रुजवावे असे हे शाश्वत चिंतन ऐका आणि इतरांपर्यंत पोहोचवा.

उपासनेचे महत्त्व

Escucha y lee

Otros podcasts que te pueden gustar ...