app_store_button

google_play_button

Device Banner Block-copy 894x1036

Astu lugude lõputusse maailma

Loe ja kuula

PatraBhet

परमपूज्य सद्गुरुदास महाराजांच्या विचारपुष्पांची गुंफण म्हणजे गुरुप्रबोध नवनीत. अध्यात्मापासून विज्ञानापर्यंत विविध विषयांवरती पू. सद्गुरुदास महाराज यांनी मांडलेले विचार या माध्यमातून आपल्या थेट हृदयास भिडतात. अध्यात्माचा खरा अर्थ उलगडणारी ही पॉडकास्ट मालिका त्यातील विचारांच्या माध्यमातून आपल्या जीवनास नवा आशय देईल, यात शंका नाही.

गुरुप्रबोध नवनीत (GuruPrabodh Navneet) 

उत्कट भव्य तेचि घ्यावे, मळमळीत अवघेचि टाकावे, निस्पृहपणे विख्यात व्हावे...भूमंडळी ! समर्थांचे हे शब्द दासबोधातून आपणास भेटतात. दासबोध आपल्या जीवनात कसा उतरेल, याची काळजी घेण्यासाठी उत्कटत्वाने दासबोधाला जाणून घेणं आवश्यक आहे. याच अनुषंगाने १९८९ मध्ये दासबोध अभ्यासकांच्या शिबिरात प.पू. सद्गुरुदास महाराजांनी केलेले उद्बोधन आपणास समर्थांच्या आणखी समिप आणतं... मनात भक्ती नि भव्यतेची आस पेरतं.

उत्कट भव्य तेचि घ्यावे...

साधकांच्या आयुष्यात शिबिरांचं अत्यंत महत्त्व असतं. कारण, शिणलेलं मन आणि बिघडलेला मेंदू रस्त्यावर आणण्याचं काम शिबिरं करतात. आळस, आशा अन् आसक्ती ही त्रिसूत्री, ते कधी सोडावे अन् कधी अंगिकारावे याविषयी अकोला येथील शिबिरात प.पू. श्री. सद्गुरुदास महाराजांनी केलेले उद्बोधन कानात प्राण आणून ऐकावं असंच आहे. चला तर ऐकुया, महाराजांच्या शब्दांत याविषयीचे मार्गदर्शन...

आळस, आशा नि आसक्ती!

प्रत्येक व्यक्तीच्या आयुष्यात उपासनेचे अनन्यसाधारण महत्त्व आहे. मग ही उपासना म्हणजे नेमकी काय असते, उपासना का करावी, कशी करावी, त्यासाठी मन एकाग्र कसे करावे, उपासनेचे अंतरंग अन् बहिर्रंग कसे असतात, या व अशा अनेक प्रश्नांची उत्तरे प.पू. सद्गुरुदास महाराज यांनी अत्यंत सोप्या शब्दांत दिलेली आहेत. ऐकावे अन् मनात रुजवावे असे हे शाश्वत चिंतन ऐका आणि इतरांपर्यंत पोहोचवा.

उपासनेचे महत्त्व

आज प्रजासत्ताक दिन. त्यानिमित्त सर्व देशबांधवांना शुभेच्छा. कोणत्याही राष्ट्राच्या जडणघडणीत सर्वात महत्त्वाचा वाटा असतो शिक्षणाचा. आजच्या शिक्षणपद्धतीवर तुम्ही पूर्ण समाधानी आहात का,असा प्रश्न विचारला तर बहुतेक लोकांचे उत्तर नकारार्थी असते. मग, कोणती शिक्षण पद्धती आपले समाधान करू शकते, यावर पूज्य सद्गुरुदास महाराज जेव्हा मार्गदर्शन करतात, तेव्हा ते चिंतन मनातील विचारांना अधिक प्रगल्भ करते...हे विचारांचे अनमोल धन मनात जपा आणि मनोमनी पोहोचावा...ही देखील देशाच्या प्रगतीसाठी आपले मोलाचे योगदान ठरू शकते.

आजचा अंधार, उद्याच्या प्रकाशाची ग्वाही!

मकर संक्रांतीच्या पर्वाचे महत्त्व काय आहे, त्याचा अन् सूर्योपासनेचा काय आणि कसा संबंध आहे, संक्रमणकाळात दानाचे महत्त्व का आहे या आणि अशा अनेक बाबींची उलगड केली आहे, प.पू. सद्गुरुदास महाराज यांनी. मकर संक्रांतीच्या मुहुर्तावर प्रत्येकाने ऐकायलाच हवे आणि इतरांनाही ऐकवायला हवे असे हे पवित्र विचारांचे तिळगूळ.... त्याचे सेवन करा आणि आयुष्यातील नवसंक्रमणाचे सस्मित स्वागत करा.

मकर संक्रांति

प. प. वासुदेवानंद सरस्वती स्वामी भक्तांच्या रक्षणार्थ रचलेले आणि अनेक दत्तभक्तांच्या नित्य पठणात असलेले असे घोरकष्टोद्धरण स्तोत्र. प.पू. सद्गुरुदास महाराजांनी घोरकष्टोद्धरण स्तोत्राची निर्मिती आणि त्याचा अर्थ अतिशय सोप्या शब्दात उलगडून सांगितला आहे. त्यातील काही भागाचा अर्थ आपण मागील पॉडकास्टमध्ये जाणून घेतला. या भागात ऐकुया, त्याचाच उत्तरार्ध... 

पत्रभेट व श्री गुरुमंदिर परिवाराची परंपरा, उपक्रमांची माहिती घेण्यासाठी आमच्या www.patrabhet.in या संकेतस्थळास जरुर भेट द्या.

घोरकष्टोद्धरण स्तोत्र (उत्तरार्ध)

प. प. वासुदेवानंद सरस्वती स्वामी महाराजांनी अनेक प्रासादिक ग्रंथाची, स्तोत्रांची रचना केली आहे. स्वामी महाराजांनी भक्तांच्या रक्षणार्थ रचलेले आणि अनेक दत्तभक्तांच्या नित्य पठणात असलेले असे घोरकष्टोद्धरण स्तोत्र. प.पू. सद्गुरुदास महाराजांनी घोरकष्टोद्धरण स्तोत्राची निर्मिती आणि त्याचा अर्थ अतिशय सोप्या शब्दात उलगडून सांगितला आहे. गुरुप्रबोध नवनीतच्या आजच्या भागात आपण ऐकूया - 'घोरकष्टोद्धरण स्तोत्र'.

घोरकष्टोद्धरण स्तोत्र (पूर्वार्ध)

उत्तम घराचे स्वप्न प्रत्येकाचंच असतं. पण घराची संकल्पना काय? कोणत्या घरात ईश्वराचं वास्तव्य असतं ? कोणत्या घरात सुखसमृद्धी नांदत नाही? आणि कोणत्या घरात आनंद, समाधान प्राप्त होऊ शकतं. अशा आपल्या जीवाळ्याच्या प्रश्नांची उत्तरं जाणून घेण्यासाठी पूज्य श्री सद्गुरुदास महाराजांचे 
 हे मौलिक मार्गदर्शन अवश्य ऐकावे.

धन्य धन्य संतांचे सदन...

परमपवित्र, वेदतुल्य अशा श्री गुरुचरित्राच्या प्रत्येक अध्यायात काही रहस्य दडलेलं आहे. गुरुचरित्रात श्री नृसिंह स्वामींनी अनेक लोकांचा उद्धार केल्याच्या कथा आहेत. या ग्रंथातील ३८ व्या अध्यायात, भक्तीमार्गाचं अनुसरण केल्यामुळे भास्कर नावाच्या गृहस्थाचं कसं सर्वार्थानं कल्याण झालं, याविषयी आज ऐकणार आहोत. यातच दडलेला आहे, श्री गुरुचरित्रात दडलेला एक विलक्षण संदेश, जो परमपूज्य श्री सद्गुरुदास महाराज यांनी सर्वांसाठी उलगडून दाखवला आहे.

श्री गुरुचरित्रात दडलेलं गूढ

अध्यात्मिक जीवनात `श्री गुरुचरित्रा`चे अनन्यसाधारण महत्त्व आहे. या पवित्र ग्रंथाची वैशिष्ट्ये काय आहेत? श्रीगुरुचरित्र मंत्रग्रंथ कसा? यातील नामधारक व सिद्ध कोण? असे अनेक प्रश्न आपल्याला पडतात. त्यांची उकल परमपूज्य श्री सद्गुरुदास महाराजांनी अत्यंत सुंदररित्या करुन दाखवली आहे. गुरुचरित्राचा हा असा स्पर्श आपल्याला होणे, ही देखील एक वेगळी अनुभूतीच ठरते. ऐका आणि अनुभवा!

श्री गुरुचरित्राच्या सान्निध्यात..

श्री सुक्तातील मागणं व्यक्तिगत नसून ते व्यापक आहे, असे पूज्य श्री सद्गुरुदास महाराज सांगतात. तसेच अलक्ष्मी, असमृद्धी या संकल्पना म्हणजे काय याचीही उलगड महाराजांनी केलेली आहे. श्रीसुक्त पठणासमवेत ऐकुया त्यात दडला अद्भूत आशय.

श्री सुक्तातील मागणं...

Loe ja kuula

Muud podcastid, mis võivad sulle meeldida ...