App Store

Google Play

Details page - Device banner - 894x1036

Step into an infinite world of stories

Listen and read

Datta Joshi

तुला काय कमी आहे? तुझ्या आईवडिलांनी तुझ्यासाठी हे सारे उभे करुन ठेवलेले आहे, तुला फक्त सांभाळायचे आहे...`` बोलणारा सहज बोलून जातो आणि आपल्या उद्योगातील नवनवी आव्हाने पेलणाऱ्या नव्या पिढीतील उद्योजकाच्या मनाला ती बोच लागते. आधीच्या पिढीने पाया मजबूत केलेला असतो आणि नव्या पिढीला त्यावर उत्तुंग इमारत उभी करायची असते. कसा असतो हा प्रवास? प्रसिद्ध प्रेरक लेखक दत्ता जोशी यांच्या संकल्पनेतून आणि शब्दांतून साकारलेली ही संग्राह्य यशोगाथा.

मूव्हिंग ॲस्पिरेशन्स... `नेक्स्टजेन`च्या २५ परिणामकारक कथा

फर्स्ट जनरेशन आंत्रप्रिन्योर म्हणजेच पहिल्या पिढीतील उद्योजक या विषयावर विपुल लेखन झाले आहे. अशा लोकांच्या सक्सेस स्टोरीज् आपणा सर्वांना प्रेरणा देत असतात. मात्र, दुसऱ्या पिढीतील म्हणजे `नेक्स्टजेन` मधील उद्योजकांच्या वाटचालीचा वेध घेत त्यांचा संघर्ष, त्यांचे अनुभव, आव्हानांकडे पाहण्याचा दृष्टिकोन आणि त्यांना भिडण्याचे धैर्य अशा गोष्टी आपणापुढे येतातच असे नाही. म्हणूनच प्रेरक लेखक दत्ता जोशी यांनी पुढची पिढी व त्यांच्या यशाची गोष्ट सांगण्यासाठी अत्यंत प्रयत्नांतून एक शोधयात्रा केली. `मूव्हिंग अॅस्पिरेशन्स` मधील प्रत्येक गोष्ट या नवकर्तृत्वाच्या शोधयात्रेतील एक एक टप्पा. याच संकल्पनेविषयी...

नवकर्तृत्वाची शोधयात्रा

`वन स्टॉप ॲग्री शॉप` ही संकल्पना प्रत्यक्षात उतरवत जैन इरिगेशन उद्योग समूहाने शेतीप्रधान भारतात मोठी आघाडी घेतली. व्यावसायिक आणि सामाजिक अशा दोन्ही आघाड्यांवर आपले वेगळेपण सिद्ध करीत, सातत्याने नवनवी उत्पादने बाजारपेठेत आपण त्यांनी आपला व्यवसाय चढत्या वाढत्या क्रमाने वर्धिष्णू राखला. अथांग आणि अभेद्य जैन यांच्या रुपाने जैन परिवारातील तिसरी पिढी उद्योगात आली आहे. आपल्या व्यवसायाकडे पाहण्याचा त्यांचा दृष्टिकोन काय आहे, भविष्यवेधी कल्पना काय आहेत याची ही उलगड...

जे करायचे ते सर्वोत्तमच ...

`बिसनेस विथ प्राईड अँड प्लेजर` असे ब्रीद ठरवून उद्योग उभा करण्याचे आणि विस्तारण्याचे अनुकरणीय उदाहरण म्हणजे यशप्रभा ग्रुप. बाजारपेठेतील नव्या वाटा शोधत, नवी उत्पादने निर्माण करत आणि भारताबाहेर पडून नवनव्या देशांत उद्योगाचा विस्तार करीत वाटचाल करणारा हा उद्योगसमूह आता नव्या पिढीच्या नेतृत्वाखाली हीरक महोत्सवी वर्षात पदार्पण करीत आहे. या पार्श्वभूमीवर, त्याची धुरा खांद्यावर आलेले अमित यशवंत घैसास यांनी `मालकाचा मुलगा` ही ओळख पूसत `उद्योगसमूहाचा सक्षम वारसदार` ही प्रतिमा कशी प्रस्थापित केली, हा प्रवास खूप बोलका आहे.

बिसनेस विथ प्राईड अँड प्लेजर

डाईज आणि टुल्सची निर्मिती व त्याआधारे ऑटोमोटिव्ह इंडस्ट्रीसाठी प्लॅस्टिक मोल्डिंगचे विविध पार्टस् यांची निर्मिती करणारा एक छोटा उद्योग जेमतेम चार दशकांत देशातील सहा ठिकाणी युनिटस् आणि सुमारे ३०० कोटी रुपयांची उलाढाल या टप्पांवर पोहोचला. नरेश राऊत यांनी मोठ्या कष्टांतून फुलवलेला हा उद्योग त्यांची मुले निखिल आणि अभिजित यांनी वेगळ्या उंचीवर नेऊन ठेवला आहे. त्याची ही विलक्षण कहाणी.

उद्योग उभारणी हीच देशसेवा

`एफएमसीजी`चे विश्व खूप वेगाने बदलते आहे. दररोज बदलणाऱ्या आव्हानांना तोंड देत संकल्पित विस्ताराचे आराखडे प्रत्यक्षात उतरविण्याची महत्त्वपूर्ण कामगिरी `पितांबरी ग्रुप` करीत आहे. या ग्रुपने केलेले विविध क्षेत्रांतील `डायव्हर्सिफिकेशन`सुद्धा यामध्ये अतिशय मोलाची भूमिका बजावते. आपले वडील रवींद्र प्रभुदेसाई यांच्या नेतृत्वाखाली रुजलेल्या, बहलेल्या `पितांबरी` समूहात त्यांची मूल्ये व व्यवसायसूत्रे जोपासत, पुत्र परीक्षित प्रभुदेसाई या उद्योगाची लकाकी वाढवित आहेत.

शतायुषी कंपनी हेच लक्ष!

`सस्टेनेबल एनर्जी` ही भविष्यकाळाची गरज आहे. आपल्या वडिलांनी सुरु केलेला ऑटोमोबाईल पार्ट निर्मितीचा प्रस्थापित उद्योग सांभाळतानाच मिहिर वैद्य अपारंपरिक ऊर्जेच्या क्षेत्रात कार्यरत आहेत. या क्षेत्रातील अभिनव उत्पादनाचे पेटंटही त्यांच्या नावावर आहे. एकाच वेळी पारंपरिक आणि आधुनिक अशा दोन्ही तंत्रज्ञानाच्या क्षेत्रात ते कार्यरत आहेत.

शाश्वत ऊर्जेचा शाश्वत मार्ग

उद्योगाच्या क्षेत्रात कुठल्याही समस्येचे उत्तर तंत्रज्ञान हेच असू शकते, यावर प्रगाढ विश्वास असलेले सुमित आणि कपिल आपल्या परिवाराच्या रंग उद्योगात उतरले. उद्योगाचा विस्तार करताना ते देशभरात पोहोचले. त्याच वेळी फॉरवर्ड आणि बॅकवर्ड इंटिग्रेशनच्या माध्यमातून त्यांनी या क्षेत्रावरील आपली पकडही मजबूत केली.

सिस्टिम्स रुजविणे महत्त्वाचे...

फार्मास्युटिकल्सचे क्षेत्र खूप मोठे आहे. बॅकवर्ड इंटिग्रेशनपासून फायनल प्रॉडक्टपर्यंत जेवढ्या गोष्टी आपल्या नियंत्रणात, तेवढा आपल्या उद्योगाचा विस्तार अधिक चांगल्या प्रकारे होतो. आपल्या उद्योगाला जागतिक स्तरावर प्रस्थापित करण्यासाठी लागणाऱ्या सर्व गोष्टी करण्यासाठी स्वराली सावे सज्ज आहेत.

व्यवस्थाकेंद्रित उद्योगाचा प्रयत्न

कधीही मी माझा पगार म्हणून गरजेपेक्षा जास्त रक्कम उचलली नाही. झालेला नफा कंपनीतच, नव्या `सीएनसी` आणि `कॅम`मध्ये गुंतवत गेलो. परिणामी कंपनी अद्ययावत होत गेली. मी कधी बाहेर गुंतवणूक केली नाही. स्टॉक मार्केटचा छंद धरला नाही की जमिनींमध्ये पैसा गुंतवला नाही, असे कौस्तुभ फडतरे सांगतात. 
 आईवडिलांनी दिलेले संस्कार आणि घालून दिलेले आर्थिक शिस्तीचे धडे काटेकोरपणे गिरवत आपल्या उद्योगाला नव्या उंचीवर नेणारा हा तरुण उद्योजक आर्थिक शिस्त आणि आधुनिक तंत्र यांचा मिलाफ कसा साधतो, हे ऐकणं म्हणजे आपणही समृद्ध होणं.

आर्थिक शिस्त, आधुनिक तंत्र

लिसनिंग मोअर-स्पीकिंग लेस हे धोरण सगळ्यांत महत्त्वाचं. आपण विरोधाला विरोध न करता मुद्दा समजून घेतला की मिळणारे उत्तर वादापेक्षा संवादी असते. त्या संवादातून मार्ग निघतो. त्या कसोटीच्या क्षणी शांत राहून ऐकून घेणे खूप महत्त्वाचे ठरते. तसेच महत्त्वाचे असते, ते बदलांना सामोरे जाणे. बदल चांगला असतो, बदलांचा अनुभव घेतला पाहिजे. अंकित काळे यांची उद्यमशील वाटचाल जणू हाच संदेश देते.

बदलांचा अनुभव घ्या...

ऑर्डर किती रुपयांची आहे, याचा विचार करु नका. जे काम करायचे आहे, ते उत्तम पद्धतीने करा. पैसा आपोआप येतो. उपलब्ध फंडस् चा वापर परिणामकारक पद्धतीने करायला हवा. आर्थिक शिस्त पाळायला हवी. ग्राहकांना संतुष्ट ठेवायला हवे. आम्ही सातत्याने हे फॉलो करतो.
 `एलमेक इंजिनिअर्स`ची तिसरी पिढी अनुराग मोराणकर जे सांगतात, त्यात दडलं असतं त्या ग्रुपच्या यशाचं रहस्य.

काम उत्तम करा, पैसा आपोआप येतो!

Listen and read

Other podcasts you might like ...