App Store

Google Play

Details page - Device banner - 894x1036

Step into an infinite world of stories

Listen and read

Santosh Deshpande

A Marathi podcast about Audiobooks and books. Where every once in a while, we will be talking about everything that is Audiobooks. It will feature author interviews, voice artist interviews, book lovers and more. The podcast is powered by Storytel. 

स्टोरीटेल कट्टा आहे एक आगळं-वेगळं गप्पांचं ठिकाण. इथं रंगतात गप्पा पुस्तकांविषयी, ऑडिओबुक्स विषयी. इथं उलगडतं लेखक-कलाकारांचं अंतरंग...त्यांचं रसिकांशी असणारं नातं. शिवाय, स्टोरीटेल घेऊन येत असलेल्या अनेक बोलक्या पुस्तकांची थेट ओळखही इथं होईल.

स्टोरीटेल कट्टा (Storytel Katta) -  A Marathi audiobook podcast forum

निवृत्त सनदी अधिकारी चंद्रकांत दळवी यांनी लोकसहभागातून सातारा जिल्ह्यातील आपल्या निढळ या गावाचा चेहरामोहरा बदलून टाकला. त्यांच्या या प्रेरणादायी कार्याची उलगड करणारे सुनील चव्हाण यांनी लिहिलेले पुस्तक निढळ – ग्रामविकासाचा दळवी पॅटर्न नुकतेच प्रकाशित झाले. प्रसिद्ध अभिनेते व नाम फाउंडेशनचे अध्यक्ष नाना पाटेकर यांची यावेळी प्रमुख उपस्थिती होती. या कार्यक्रमात नानांचे भाषण अत्यंत भावस्पर्शी, मनस्वी, दिशादर्शक होते आणि म्हणूनच ते संस्मरणीय देखील होते. कलाकार असलो तरी आपण समाजाकडे कसे पाहतो, लोकसहभागातून कार्य उभारले गेले तर त्याचे परिणाम काय होतात, अशा कामांमधून मिळणारे समाधान काय देऊन जाते यावर नाना पाटेकर दिलखुलास बोलले आहेत. म्हणूनच, प्रत्येकाने जरुर ऐकावे आणि मनात साठवावे असे हे नानाचे शब्द...श्रोतेहो खास तुमच्यासाठी.

नाना पाटेकरांमधला `माणूस` समाजासाठी बोलतो तेव्हा...

डॉ. अनिल अवचट म्हणजे माणसांवर नितांत प्रेम करणारं व्यक्तिमत्व. निर्मळ मनानं निखळ आनंदाचा मार्ग शोधणारा अवलिया लेखक, साहित्यिक, समाजसेवक, डॉक्टर आणि खूप काही. त्यांनी नुकताच आपला निरोप घेतला. दोन वर्षांपूर्वी, अनिल अवचट स्टोरीटेल कट्ट्यावर आले होते. तिथे सागर गोखले यांच्याशी संवाद साधताना वाचनाचे आपल्यावर झालेले संस्कार, वाचनसंस्कृतीविषयीची निरीक्षणे यांची उकल केली होती. आजही ताजा-टवटवीत वाटावा असा हा संवाद, त्यांच्या स्मृतींना उजाळा देऊन जातो. तत्पूर्वी ऐका, स्टोरीटेलच्या जगात तुमच्यासाठी या आठवड्यात काय काय येतं आहे याविषयी.

डॉ . अनिल अवचट यांचे स्टोरीटेल वरील साहित्य (रिपोर्टिंगचे दिवस, कुतूहलापोटी, सुमित्राची संहिता) ऐकण्यासाठी खालील लिंकवर क्लिक करा :-
https://www.storytel.com/in/en/authors/388856-Anil-Awachat

सिलेक्ट सबस्क्राईब करण्यासाठी -
https://www.storytel.com/in/en/subscriptions#pricePlans

स्मरणांजली- अनिल अवचट

शाश्वत शिक्षण या संकल्पनेच्या आधारावर नाशिकमध्ये मिलिंद कुलकर्णी यांनी रेषा शिक्षण संस्था सुरु केली. शाश्वत शिक्षण म्हणजे नेमके काय, मुलांना शिक्षणातून नेमकं काय मिळणं अपेक्षित आहे, का अपेक्षित आहे आणि त्यासाठी कोणत्या वेगळ्या संकल्पना पुढे आल्या आहेत, याचा उहापोह केला आहे खुद्द मिलिंद कुलकर्णी यांनी. त्यांच्याशी संतोष देशपांडे यांनी साधलेल्या संवादातून नव्या शिक्षणपद्धतीची थोडक्यात ओळखही होऊन जाते. प्रत्येक सजग पालकाने ऐकायलाच हवा असा हा पॉडकास्ट.

नाशिक मधील शिक्षण `रेषा`!

छत्रपती शिवाजी महाराज म्हणजे महाराष्ट्राचे आराध्य दैवत. आज शिवरायांवर अनेक पुस्तके आपल्याकडे उपलब्ध असतानाही शिवकथाकार श्री विजयराव देशमुख यांनी लिहिलेल्या `शककर्ते शिवराय` या शिवचरित्राला मानाचे स्थान आहे. हे शिवचरित्र कसे साकारले गेले, या ग्रंथामध्ये अशा कोणत्या गोष्टी आहेत ज्या वाचकांना आणि अभ्यासकांना खिळवून ठेवतात, या ग्रंथनिर्मितीमागची पार्श्वभूमी काय होती या व अशा अनेक प्रश्नांची उलगड करणारा हा पॉडकास्ट. या पुस्तकाचे प्रकाशक असणाऱ्या छत्रपती सेवा संघाचे एक प्रमुख कार्यकर्ते श्री मोहनराव बरबडे यांच्याशी संतोष देशपांडे यांसमवेत रंगलेल्या या पॉडकास्टमधून `शककर्ते शिवराय`चे वेगळेपण तर अधोरेखित होतेच शिवाय हे शिवचरित्र प्रत्येक घरात पोहोचविण्यासाठी त्यांच्या प्रयत्नांमागची प्रेरणाही उलगडते. जरुर ऐकावा आणि इतरांपर्यंत पोहोचवावा, असा हा पॉडकास्ट.

`शककर्ते शिवराय`च्या निर्मितीमागची गोष्ट!

अशी कोणती कारणं आहेत, जी आपणास पुस्तकांपासून किंवा वाचनापासून दूर ठेवतात... खरं तर ही कारणं नव्हेत तर चक्क सबबी आहेत. या सबबी कोणत्या आणि त्यामुळे आपण काय गमावत आहोत, याचा वेध घेतला आहे संतोष देशपांडे यांनी, तुमच्यासमवतेच्या संवादातून.

पुस्तक वाचन टाळण्याच्या ५ सबबी!

जगभरातील मराठीजनांमध्ये आत्मविश्वास जागवत त्यांना वेगवेगळ्या क्षेत्रातील उद्योग-व्यवसायांत उभं करण्यासाठी गर्जे मराठी ही संस्था उदयास आली. आता ही संस्था एक चळवळ बनली आहे. त्याचाच वेध घेतला आहे, संतोष देशपांडे यांनी गर्जे मराठीचे संस्थापक अध्यक्ष आनंद गानू यांसमवेतच्या या संवादातून. प्रत्येक मराठीजनास अभिमान वाटावा, अशा या विचारांना ऐकणं म्हणजे मनात नव्या प्रेरणा जागवणं...

आता जगात `गर्जे मराठी`!

अशोक रावकवी.... देशातील एलजीबीटीक्यू समाजाचे प्रतिनिधित्व करणारे मोठे नाव. पुण्यात झालेल्या मूकनायक २०२४ या एलजीबीटीक्यू समूहाच्या साहित्य संमेलनात त्यांनी एका सत्रात आपले अनुभव सांगितले. या प्रसंगी, त्यांनी आपली समलैंगिक ओळख उघड झाली तो क्षण पुस्तकातून ज्या लेखातून मांडला, त्याचेही प्रकट वाचन झाले. खरे तर हे मोठे धाडसच म्हणायचे. मात्र, त्यांनी ते दाखवले. तेव्हाचे हे रेकॉर्डिंग.

समलैंगिक ओळख उघड झाली तेव्हा...

जगात दहशतवाद पसरवण्याबद्दल आधीच प्रसिद्ध असलेल्या पाकिस्तानची ओळख आता भिकाऱ्यांचा निर्यातदार अशीही बनली आहे. या पार्श्वभूमीवर, पाकिस्तान आणि सौदी अरब यांच्यातील संबंधही बिघडण्याच्या मार्गावर आहेत. खुद्द पाकिस्तानात भिक मागणे हा एक मोठा व्यवसाय होऊन बसला आहे. हे सारं नेमकं काय चाललं आहे, याचा संतोष देशपांडे यांनी घेतलेला आढावा.

पाकिस्तान बनलयं भिकारीस्तान!

नवे वर्ष लागल्यानंतर असे कोणते साधे-सोपे संकल्प आपण करु शकतो आणि ते पूर्ण करु शकतो, ज्यामुळे आपल्या जीवनात नवे पर्व येईल..त्याविषयी वेध घेतला आहे संतोष देशपांडे यांनी.

२०२५ साठीचे सोप्पे संकल्प

मनोरंजन हा मराठीतील पहिला दिवाळी अंक १९०९ मध्ये प्रसिद्ध झाला. या अंकातील वैविध्यपूर्ण संपादकीय लेखनाबरोबरच यात प्रसिद्ध झालेल्या जाहिरातीही अत्यंत रंजक होत्या. त्याचाच वेध घेतला आहे, संतोष देशपांडे यांनी या विशेष पॉडकास्टमध्ये. ११५ वर्षांपूर्वीच्या या जाहिरातींमधून त्या काळातील व्यवसाय, उद्योग ग्राहकांपर्यंत पोहोचवण्यासाठी जाहिरातींमध्ये कशी भाषा वापरली जायची, हे ऐकणे रंजक ठरेल. तेव्हा अनुभवू या एक प्रकारचा `टाइम ट्रॅव्हल`!

११५ वर्षांपूर्वी...मराठी जाहिराती!

Storytel India

मराठी श्रोत्यांना स्टोरीटेल अॅप जितकी भरभरून ऑडिओबुक्सची मेजवानी देतं तितकाच विचार बाळगोपाळांचाही करतं बरं का! त्यामुळे आज १४ नोव्हेंबर, बालदिनानिमित्त आपला स्टोरीटेल कट्टाही बालमय झालाय... स्टोरीटेलवरील बालकुमारांसाठी विशेष साहित्य, व्हॉईस ओव्हर आर्टिस्टकडून खास बालमित्रांसाठी काढलेले आवाज तसेच या छोट्या दोस्तांसाठी उभारलेलं स्टोरीलवरचं सुंदर जग! या सगळ्याबद्दल स्टोरीटेलची पब्लिशर सई तांबे, प्रसाद मिरासदार आणि संतोष देशपांडे यांनी तितक्याच लहान होऊन मारलेल्या मजेशीर गप्पा... ऐकायलाच हव्यात...

छोट्या दोस्तांसाठी स्टोरीटेलचा खास 'Kids Mode' ऐकण्यासाठी खालील लिंकवर क्लिक करा-
https://www.storytel.com/in/en/categories/1-Children
सिलेक्ट मराठी सबस्क्राईब करण्यासाठी -
https://www.storytel.com/in/en/subscriptions#pricePlans

119: दिन दिन दिवाळी... बाल-दिनी!!

Listen and read

Other podcasts you might like ...