App Store

Google Play

Details page - Device banner - 894x1036

Step into an infinite world of stories

Listen and read

Santosh Deshpande

A Marathi podcast about Audiobooks and books. Where every once in a while, we will be talking about everything that is Audiobooks. It will feature author interviews, voice artist interviews, book lovers and more. The podcast is powered by Storytel. 

स्टोरीटेल कट्टा आहे एक आगळं-वेगळं गप्पांचं ठिकाण. इथं रंगतात गप्पा पुस्तकांविषयी, ऑडिओबुक्स विषयी. इथं उलगडतं लेखक-कलाकारांचं अंतरंग...त्यांचं रसिकांशी असणारं नातं. शिवाय, स्टोरीटेल घेऊन येत असलेल्या अनेक बोलक्या पुस्तकांची थेट ओळखही इथं होईल.

स्टोरीटेल कट्टा (Storytel Katta) -  A Marathi audiobook podcast forum

निवृत्त सनदी अधिकारी चंद्रकांत दळवी यांनी लोकसहभागातून सातारा जिल्ह्यातील आपल्या निढळ या गावाचा चेहरामोहरा बदलून टाकला. त्यांच्या या प्रेरणादायी कार्याची उलगड करणारे सुनील चव्हाण यांनी लिहिलेले पुस्तक निढळ – ग्रामविकासाचा दळवी पॅटर्न नुकतेच प्रकाशित झाले. प्रसिद्ध अभिनेते व नाम फाउंडेशनचे अध्यक्ष नाना पाटेकर यांची यावेळी प्रमुख उपस्थिती होती. या कार्यक्रमात नानांचे भाषण अत्यंत भावस्पर्शी, मनस्वी, दिशादर्शक होते आणि म्हणूनच ते संस्मरणीय देखील होते. कलाकार असलो तरी आपण समाजाकडे कसे पाहतो, लोकसहभागातून कार्य उभारले गेले तर त्याचे परिणाम काय होतात, अशा कामांमधून मिळणारे समाधान काय देऊन जाते यावर नाना पाटेकर दिलखुलास बोलले आहेत. म्हणूनच, प्रत्येकाने जरुर ऐकावे आणि मनात साठवावे असे हे नानाचे शब्द...श्रोतेहो खास तुमच्यासाठी.

नाना पाटेकरांमधला `माणूस` समाजासाठी बोलतो तेव्हा...

दिवाळी स्पेशल डिस्काऊंट असतो... दिवाळी स्पेशल फराळ असतो... दिवाळी स्पेशल अंकदेखील असतो...
मग दिवाळी स्पेशल पॉडकास्ट पण हवाच!
स्टोरीटेल मराठीची खरी सुरूवात गेल्या दिवाळी पासून सुरू झाली. ह्या दिवाळीपर्यंत स्टोरीटेल मराठीने खूप मोठी मजल मारली आहे.
मुळात ऑडिओबुक काय असते आणि त्याचा उपयोग काय ह्या प्राथमिक प्रश्नापासून झालेली सुरूवात... आणि तिथून पुढे, मराठी साहित्यातील दिग्गज आणि नामवंत लेखक-प्रकाशकांची पुस्तके मिळवून, स्वत:ची ‘स्टोरीटेल ओरिजिनल’ सिरीजची सुरूवात आणि त्याची वाटचाल, मराठी रसिकांचे ऑडिओबुक बद्दल सुरूवातीचे असलेले मत आणि नंतर त्यांची ह्या साहित्यप्रकारबद्दल बदललेली भूमिका आणि वाढलेली जवळीक... ह्या सर्वांचा लेखाजोखा म्हणजे हा पॉडकास्ट!
सुरूवातीच्या अडथळ्यांपासून आत्तापर्यंतची वाटचाल आणि पुढील येत्या वर्षांत असलेले आव्हान... ना.सं. इनामदार, शिवाजी सावंत, विजय तेंडुलकर यांच्या अभिजात कलाकृतींपासून ‘स्टोरीटेल ओरिजिनल’च्या अजातशत्रू ह्या मधयुगीन कालखंडावर असलेल्या ऑडिओबुकचा सिक्वल, स्टोरीटेलचा पहिला- पावनखिंडीच्या ऐतिहासिक पार्श्वभूमीवर बेतलेला, संजय सोनावणी लिखित ड्रामा ही ठळक वैशिष्टपूर्ण कलाकृती आणि बर्‍याच काही गोष्टींवर उर्मिला बोलते करत आहे स्टोरीटेल इंडियाचे प्रमुख योगेश दशरथ, स्टोरीटेलचे पब्लिशर्स प्रसाद मिरासदार आणि सुकीर्त गुमास्ते आणि व्हॉईस ओव्हर आटिस्ट कास्टिंगचे राहूल यांना! हे पडद्यामागचे कलाकार आपले अनुभव, आलेल्या अडचणी आणि त्यांनंतर झालेले बदल आणि स्वत:ची ऑडिओबुकमधील आवडती कलाकृती याबद्दल भरभरून बोलणार आहेत.
तर तयार व्हा ह्या दिवाळी स्पेशल पॉडकास्टसाठी!
आणि आम्हांला जरूर कळवा, कसा वाटला हा पॉडकास्ट!
आणि तमाम रसिक श्रोत्यांना स्टोरीटेलतर्फे दीपावलीच्या हार्दिक शुभेच्छा!
स्टोरीटेल वर मराठी पुस्तकांचा खजिना ३० दिवस मनमुराद ऐकण्यासाठी येथे क्लिक (http://storytel.com/marathi) करा.

59: दिवाळीच्या पूर्वसंध्येला, स्टोरीटेल टीमशी बोलताना...

अशी कोणती कारणं आहेत, जी आपणास पुस्तकांपासून किंवा वाचनापासून दूर ठेवतात... खरं तर ही कारणं नव्हेत तर चक्क सबबी आहेत. या सबबी कोणत्या आणि त्यामुळे आपण काय गमावत आहोत, याचा वेध घेतला आहे संतोष देशपांडे यांनी, तुमच्यासमवतेच्या संवादातून.

पुस्तक वाचन टाळण्याच्या ५ सबबी!

जगभरातील मराठीजनांमध्ये आत्मविश्वास जागवत त्यांना वेगवेगळ्या क्षेत्रातील उद्योग-व्यवसायांत उभं करण्यासाठी गर्जे मराठी ही संस्था उदयास आली. आता ही संस्था एक चळवळ बनली आहे. त्याचाच वेध घेतला आहे, संतोष देशपांडे यांनी गर्जे मराठीचे संस्थापक अध्यक्ष आनंद गानू यांसमवेतच्या या संवादातून. प्रत्येक मराठीजनास अभिमान वाटावा, अशा या विचारांना ऐकणं म्हणजे मनात नव्या प्रेरणा जागवणं...

आता जगात `गर्जे मराठी`!

अशोक रावकवी.... देशातील एलजीबीटीक्यू समाजाचे प्रतिनिधित्व करणारे मोठे नाव. पुण्यात झालेल्या मूकनायक २०२४ या एलजीबीटीक्यू समूहाच्या साहित्य संमेलनात त्यांनी एका सत्रात आपले अनुभव सांगितले. या प्रसंगी, त्यांनी आपली समलैंगिक ओळख उघड झाली तो क्षण पुस्तकातून ज्या लेखातून मांडला, त्याचेही प्रकट वाचन झाले. खरे तर हे मोठे धाडसच म्हणायचे. मात्र, त्यांनी ते दाखवले. तेव्हाचे हे रेकॉर्डिंग.

समलैंगिक ओळख उघड झाली तेव्हा...

जगात दहशतवाद पसरवण्याबद्दल आधीच प्रसिद्ध असलेल्या पाकिस्तानची ओळख आता भिकाऱ्यांचा निर्यातदार अशीही बनली आहे. या पार्श्वभूमीवर, पाकिस्तान आणि सौदी अरब यांच्यातील संबंधही बिघडण्याच्या मार्गावर आहेत. खुद्द पाकिस्तानात भिक मागणे हा एक मोठा व्यवसाय होऊन बसला आहे. हे सारं नेमकं काय चाललं आहे, याचा संतोष देशपांडे यांनी घेतलेला आढावा.

पाकिस्तान बनलयं भिकारीस्तान!

नवे वर्ष लागल्यानंतर असे कोणते साधे-सोपे संकल्प आपण करु शकतो आणि ते पूर्ण करु शकतो, ज्यामुळे आपल्या जीवनात नवे पर्व येईल..त्याविषयी वेध घेतला आहे संतोष देशपांडे यांनी.

२०२५ साठीचे सोप्पे संकल्प

मनोरंजन हा मराठीतील पहिला दिवाळी अंक १९०९ मध्ये प्रसिद्ध झाला. या अंकातील वैविध्यपूर्ण संपादकीय लेखनाबरोबरच यात प्रसिद्ध झालेल्या जाहिरातीही अत्यंत रंजक होत्या. त्याचाच वेध घेतला आहे, संतोष देशपांडे यांनी या विशेष पॉडकास्टमध्ये. ११५ वर्षांपूर्वीच्या या जाहिरातींमधून त्या काळातील व्यवसाय, उद्योग ग्राहकांपर्यंत पोहोचवण्यासाठी जाहिरातींमध्ये कशी भाषा वापरली जायची, हे ऐकणे रंजक ठरेल. तेव्हा अनुभवू या एक प्रकारचा `टाइम ट्रॅव्हल`!

११५ वर्षांपूर्वी...मराठी जाहिराती!

रहस्यकथा आवडणाऱ्या वाचकांना एक नवा लेखक लाभला आहे. त्याचं नाव सौरभ वागळे. स्वतः आयआयटीएन असलेल्या या युवा लेखकाने रहस्यकथा या साहित्यप्रकारात आपली अशी एक दुनिया उभी केली आहे. त्यास वाचकांचा विशेषतः तरुणाईचा मोठा प्रतिसाद लाभतो आहे. म्हणूनच, स्टोरीटेल कट्ट्यावर संतोष देशपांडे यांनी सौरभला त्याची ही दुनिया उलगडून दाखवण्यासाठी बोलतं केलं आहे. नव्या पिढीतील हा आश्वासक लेखक नेमकं काय वाचतो, त्याच्या लेखनामागच्या प्रेरणा कोणत्या आहेत, ऑफीस आणि लेखन यांचा मेळ तो कसा साधतो, त्याच्या कथांमधील मुख्य पात्र असणाऱ्या `डिटेक्टिव्ह अल्फा` नंतर त्याच्या मनात काय आहे...हे सारं काही जाणून घेण्यासाठी हा पॉडकास्ट जरुर ऐका आणि इतरांपर्यंतही पोहोचवा.

रहस्यकथांची, `वागळे की दुनिया`!

स्टोरीटेलवर नुकतीच संपूर्ण एआय निर्मिती असणारी गोष्ट दाखल झाली आहे. या पार्श्वभूमीवर, हा प्रयोग नेमका काय आहे, चीनच्या डीपसीकने अमेरिकेची झोप का उडवली आहे आणि ट्रम्पतात्यांचे धोरण काय सांगते अशा साऱ्या गोष्टींची गप्पांमधून उलगड केली आहे, योगेश दशरथ आणि संतोष देशपांडे यांनी. नवी आणि वेगळी माहिती देणारा हा पॉडकास्ट जरुर ऐका आणि संपन्न व्हा!

स्टोरीटेलवरची एआय गोष्ट, डीपसीक आणि अमेरिका!

या उन्हाळी सुट्टीची सुरवात करा रोज दुपारी एक धमाल गोष्ट ऐकून. स्टोरीटेल घेऊन आलंय प्राण्यांची पार्टी, कोडं घालणारा मासा, जादूची बाग, हावरट भूत, लांडगोबाची फजिती आणि आशा अनेक मजेदार गोष्टींचा खजिना!!! आणि या सगळ्या गोष्टींमागच्या गोष्टी आपल्याला सांगणार आहे स्टोरीटेल मराठीची पब्लिशर सई तांबे... 
याशिवाय ऐका, स्टोरीटेलवर या आठवड्यात नवं काय येतं आहे, याचा संतोष देशपांडे यांनी घेतलेला थोडक्यात आढावा.

स्टोरीटेल सबस्क्राईब करण्यासाठी खालील लिंकवर क्लिक करा -
Https://tinyurl.com/yck7rn27

धमाल सुट्टी, कमाल ऑडिओबुक्स!!!

Listen and read

Other podcasts you might like ...