Guðmundur G. Hagalín

Ævisaga Moniku á Merkigili er hetjusaga af lífsstríði og þrekraunum fólksins á síðasta bænum í dalnum. Bókin kom út árið 1954 og var söguhetjan Monika Helgadóttir þá 53 ára að aldri. Hún bjó þá og um áratugi þar á eftir ekkja á sínu afskekkta býli með sjö dætrum og einkasyni.

Í sex áratugi hefur bókin Konan í dalnum og dæturnar sjö verið umsetin í fornbókaverslunum og á bókasöfnum. Hún nýtur nú meiri vinsælda en nokkur önnur bók eftir Guðmund G. Hagalín.

Í meðförum Hagalíns verður Monika á Merkigili ekki aðeins Barnmörg húsfreyja í sveit heldur táknmynd íslensku sveitakonunnar. Konunnar sem borið hefur þjóð sína í móðurörmum og umvafið hana með fórnfýsi og kærleika öld eftir öld.

Konan í dalnum og dæturnar sjö kemur nú út í nákvæmri eftirgerð fyrri útgáfu með stuttum eftirmála sem unninn er í samvinnu við Skarphéðin, einkason Moniku.

Gunnar Stefánsson les formála og eftirmála.

Stofnaðu aðgang