SWATHANTHRYA SAMARAKATHAKAL

ഭാരതത്തിന്റെ സ്വാതന്ത്ര്യത്തിനുവേണ്ടി സജീവമായി പോരാടിയ പ്രതിബദ്ധതയുള്ള എഴുത്തുകാരിൽ വൈക്കം മുഹമ്മദ് ബഷീർ നിത്യസ്മരണീയനാണ്. സ്വാതന്ത്ര്യസമര പോരാളി എന്ന നിലയിലുള്ള ബഷീറിന്റെ മുഴുകലിൽനിന്ന് പരോക്ഷമായി പൊന്തിവന്നവയാണ് അദ്ദേഹത്തിന്റെ കഥകളിൽ ചിലതെങ്കിലും. ഇന്ത്യയിലെ മുഴുവൻ ജനങ്ങൾക്കുവേണ്ടിയും, മുഴുവൻ ജനങ്ങളോടുമാണ് ഈ കഥകൾ സംസാരിക്കുന്നത്. ബഷീറിന്റെ സ്വന്തം അനുഭവങ്ങളും ഈ കഥകളിലേക്ക് തുളഞ്ഞുകയറുന്നതായി കാണാം. ജന്മദിനം, ടൈഗർ, ഒരു ജയിൽപുള്ളിയുടെ ചിത്രം, അമ്മ, പോലീസുകാരന്റെ മകൾ, കൈവിലങ്ങ്, ഒരു മനുഷ്യൻ, ഇടിയൻ പണിക്കർ, പഴയ ഒരു കൊച്ചുഗ്രാമം, മതിലുകൾ, കമ്മ്യൂണിസ്റ്റ് ഡെൻ, വത്സരാജൻ, എന്റെ വലതുകൈ, പ്രതിമ എന്നീ 14 കഥകളാണ് ഈ സമാഹാരത്തിലുള്ളത്. ഇന്ത്യൻ സ്വാതന്ത്ര്യസമരവും ബഷീറും തമ്മിലുള്ള ബന്ധത്തിന്റെ നാനാവശങ്ങളെയും വിശകലനം ചെയ്യുന്ന, ഡോ. ആർ.ഇ. ആഷറിന്റെ അവതാരിക ഈ ഗ്രന്ഥത്തിന് പൂർണ്ണത നല്കുന്നു.

© 2025 DC BOOKS (Audiobook): 9789370983397

Release date

Audiobook: July 28, 2025