Thalaimaraivu Kaalam

இத்தொகுப்பின் கவிதைகளில் இயற்கையை ஞாபகமறதிக்குரிய ப்ரசன்னமாகவும், மனிதர்களையும் அவர்களின் கருத்தியலையும் புனைவாகவும் மாற்றாகவும் வைக்கவே முயன்றிருக்கிறேன். யதார்த்தம் இயற்கையை, பொருளை அதன் பயன்மதிப்பில் கணக்கிடும்போது, கலை அதை வேறொன்றாக ஏற்கெனவே நடந்ததில் வேறாக, புதிய ஒன்று அங்குநடப்பதாக பொதுமனதை குலைக்கும் விதத்தில் அல்லது அதன் தன்னிலையைச் சுட்டி எப்போதும் துவங்கச் சாத்தியமாக இருக்கும் சூன்ய இருப்பை நினைவூட்டும் விதத்தில் வெளிப்படுத்துகிறது. இது ஒரு ஏமாற்று விளையாட்டுத்தான் எனினும் இதற்குள் மனிதச் சம்பவங்களின் கணக்கீடுகள் சாபங்கள் ஏவல்கள் அழித்தொழிப்புகள் நிகழ்தகவுகள் மெய்மைகள் அறங்கள் மற்றும் விடுதலைகளும் மற்றமைகளும் ஒளிந்திருக்கின்றன. ஒரு அகமி இந்த விளையாட்டிலிருந்து தப்பவே முடியாது என்றாலும் இப்படியாக பொதுமனிதனின் கணக்கு தவறும்போதுதான் கலை அல்லது கலைப்படைப்பு ஞாபகத்திற்கு மேலெழும்பி வருகிறது. அதனாலேயே Sloganகளைப்போல கவிதை எழுதுவதை தவிர்க்க வேண்டியிருக்கிறது. பௌதீகம், கணிதம் போன்றவற்றைப் பயன்படுத்தி அபௌதீகங்களை நுட்பமாகக் கவிதையாக்கும் கலையும் தமிழில் இருக்கிறது என்றாலும் அத்தனை கச்சிதம், வடிவங்களுக்கு மட்டுமே துணைபோகிறது. வடிவங்கள் இலச்சினைகளாக மாறுகின்றன, இலச்சினைகள் பாசிசமாகத் திரிபடைகின்றன.

Release date

Ebook: August 28, 2025