App Store

Google Play

Details page - Device banner - 894x1036

Step into an infinite world of stories

Listen and read

Santosh Deshpande

A Marathi podcast about Audiobooks and books. Where every once in a while, we will be talking about everything that is Audiobooks. It will feature author interviews, voice artist interviews, book lovers and more. The podcast is powered by Storytel. 

स्टोरीटेल कट्टा आहे एक आगळं-वेगळं गप्पांचं ठिकाण. इथं रंगतात गप्पा पुस्तकांविषयी, ऑडिओबुक्स विषयी. इथं उलगडतं लेखक-कलाकारांचं अंतरंग...त्यांचं रसिकांशी असणारं नातं. शिवाय, स्टोरीटेल घेऊन येत असलेल्या अनेक बोलक्या पुस्तकांची थेट ओळखही इथं होईल.

स्टोरीटेल कट्टा (Storytel Katta) -  A Marathi audiobook podcast forum

सोन्याचा भाव लाखांवर पोहोचला आहे. या पार्श्वभूमीवर, असे नेमके कशामुळे घडले, भारतीयांना सोन्याचे इतके आकर्षण का आहे, सोन्यातील गुंतवणूक फायदेशीर ठरते का, भविष्यात याकडे कसे पाहायला हवे अशा अनेक बाबींचा उहापोह ज्येष्ठ संपादक, अर्थक्रांती प्रतिष्ठानचे विश्वस्त यमाजी मालकर यांनी संतोष देशपांडे यांसोबतच्या या विशेष पॉडकास्टमध्ये केला आहे. सोन्याविषयी कुतूहल असणाऱ्या प्रत्येकाने आवर्जून ऐकावा असा हा वेगळा संवाद.

लाखमोलाचे सोने, पुढे काय?

इन्फर्मेशन वॉरफेअर म्हणजेच माहिती युद्धतंत्र हे माध्यमांच्या मदतीने केले जाणारे एक प्रकारचे युद्धच असते. त्यात शत्रू राष्ट्राकडून मीडिया युजर्स, चॅनल्स यांचा वापर केला जातो. कळत-नकळत अनेक जण त्यात ओढले जातात आणि त्याचा फायदा शत्रूला होतो. काश्मीरमध्ये पहलगाम येथे झालेल्या हल्ल्यानंतर उद्भवलेल्या प्रसंगानंतर भारत सरकारने प्रसारमाध्यमे तसेच समाजमाध्यमकर्त्यांना मार्गदर्शक तत्वे आखून दिली आहेत. या पार्श्वभूमीवर, संरक्षण माध्यमांचे अभ्यासक प्रा. विनय चाटी यांनी संतोष देशपांडे यांसमवेतच्या संवादात या `इन्फर्मेशन वॉरफेअर`ची उलगड केली आहे. आजच्या घडीला प्रत्येकाने आवर्जून ऐकावा, समजून घ्यावा असा हा विषय.

सावधान...Information Warfare चालू आहे!

Suhas Shirvalkar, one of the most popular writers in Marathi still rules on the hearts and minds of his readers since years. This podcast Unfolds his memories in a chit chat his hardcore fan Ajinkya and Son Samrat.

5: सु.शि. आठवताना..... Remembering Suhas Shirvalkar and his work

मनोरंजन हा मराठीतील पहिला दिवाळी अंक १९०९ मध्ये प्रसिद्ध झाला. या अंकातील वैविध्यपूर्ण संपादकीय लेखनाबरोबरच यात प्रसिद्ध झालेल्या जाहिरातीही अत्यंत रंजक होत्या. त्याचाच वेध घेतला आहे, संतोष देशपांडे यांनी या विशेष पॉडकास्टमध्ये. ११५ वर्षांपूर्वीच्या या जाहिरातींमधून त्या काळातील व्यवसाय, उद्योग ग्राहकांपर्यंत पोहोचवण्यासाठी जाहिरातींमध्ये कशी भाषा वापरली जायची, हे ऐकणे रंजक ठरेल. तेव्हा अनुभवू या एक प्रकारचा `टाइम ट्रॅव्हल`!

११५ वर्षांपूर्वी...मराठी जाहिराती!

रहस्यकथा आवडणाऱ्या वाचकांना एक नवा लेखक लाभला आहे. त्याचं नाव सौरभ वागळे. स्वतः आयआयटीएन असलेल्या या युवा लेखकाने रहस्यकथा या साहित्यप्रकारात आपली अशी एक दुनिया उभी केली आहे. त्यास वाचकांचा विशेषतः तरुणाईचा मोठा प्रतिसाद लाभतो आहे. म्हणूनच, स्टोरीटेल कट्ट्यावर संतोष देशपांडे यांनी सौरभला त्याची ही दुनिया उलगडून दाखवण्यासाठी बोलतं केलं आहे. नव्या पिढीतील हा आश्वासक लेखक नेमकं काय वाचतो, त्याच्या लेखनामागच्या प्रेरणा कोणत्या आहेत, ऑफीस आणि लेखन यांचा मेळ तो कसा साधतो, त्याच्या कथांमधील मुख्य पात्र असणाऱ्या `डिटेक्टिव्ह अल्फा` नंतर त्याच्या मनात काय आहे...हे सारं काही जाणून घेण्यासाठी हा पॉडकास्ट जरुर ऐका आणि इतरांपर्यंतही पोहोचवा.

रहस्यकथांची, `वागळे की दुनिया`!

पृथ्वीबाहेर जीवसृष्टी आहे का, असेल तर कशी असेल, एलियन्स खरोखर असतात का, मंगळावर पाणी आहे तर तिथे जीवसृष्टीची शक्यता किती, भारतात या विषयावर शोधकार्य सुरू आहे, त्यात शास्त्रज्ञांना काय आढळून आले, अशा इंटरेस्टिंग आणि रहस्यमयी प्रश्नांची वैज्ञानिक उत्तरं सायकास्ट सिरीजमध्ये आपल्याला मिळणार आहेत... शास्त्रज्ञ डॉ. योगेश शौचे आपल्याला याची उत्तरं देणार आहे आणि त्यांच्याशी संवाद साधलेला आहे पत्रकार मयुरेश प्रभुणे यांनी...

२७ नोव्हेंबरला स्टोरीटेलचा वर्धापनदिन होता. यानिमित्ताने मागील ४ वर्षांचा आढावा संतोष देशपांडे व प्रसाद मिरासदार यांनी घेतला तसेच या आठवड्यात स्टोरीटेलवर काय ऐकायला मिळणार यावर चर्चा केली आहे.

सायकास्ट ऐकण्यासाठी खालील लिंकवर क्लिक करा -
https://www.storytel.com/in/en/books/2058837-Scicast--Pruthvi-baher-Jivsrushti-aahe
सिलेक्ट मराठी सबस्क्राईब करण्यासाठी -
https://www.storytel.com/in/en/subscriptions#pricePlans

123: पृथ्वीबाहेरच्या जीवसृष्टीचे रहस्य स्टोरीटेलवर!

आजचा आघाडीचा हरहुन्नरी प्रतिभावंत मराठी कवी संदीप खरे `स्टोरीटेल कट्ट्या`वर श्री. संतोष देशपांडे यांच्याशी दिलखुलास बोलता झाला. वाचनाचे आपल्यावर झालेले संस्कार सांगतानाच श्राव्य माध्यमातून उदयास येणारी नवी वाचनसंस्कृती, तो करीत असलेले प्रयोग आदींविषयी त्याचे सहजसुंदर भाष्य ऐकणं हा देखील एक अनुभवच.

7: लाडका मराठी कवी संदीप खरे समवेत दिलखुलास गप्पा @ स्टोरीटेल कट्टा

शरद पोंक्षे म्हणजे एक अवलिया कलाकार. आपल्या कट्टर सावरकरभक्तीमुळे अनेक वादळे ओढवून घेत विचारांशी असणारी बांधिलकी जोपासणारे व्यक्तिमत्व. कलाजीवनात आणि समाजजीवनात अशा आव्हानांना भिडताना, त्यांना नेमके काय जाणवते, याची उलगड संतोष देशपांडे यांसमवेतच्या त्यांच्या या संवादातून होते.आवर्जून ऐकावा असा हा हटके पॉडकास्ट.

खडतर मार्ग...परखड भूमिका (शरद पोंक्षे)

२७ नोव्हेंबर म्हणजे `स्टोरीटेल इंडिया`चा वर्धापनदिन. हा सहावा वर्धापनदिन एका वेगळ्या उपक्रमातून साजरा झाला. तो होता, रसिकप्रिय लेखक सुहास शिरवळकर यांच्या स्मृतिप्रित्यर्थ, त्यांची अमृतजयंती साजरी करताना, एका राज्यस्तरीय कादंबरीलेखन स्पर्धेचे आयोजन करण्यात आले. या स्पर्धेचे विजेते ठरले ते चेन्नईत राहणारे मराठी साहित्यिक रवींद्र भयवाल. त्यांची `मिशन गोल्डन कॅटस्` ही कादंबरी नेमकी काय आहे, ती साकारताना त्यांचे अनुभव काय आहेत, एकूणच ही स्पर्धा आणि तिची आयोजक आणि लेखक या दोन्ही बाजूंची प्रक्रिया कशी होती, या कादंबरीचे कथासूत्र काय या व अशा अनेक बाबींची उलगड करणारा एक उत्स्फूर्त अन् मुक्त संवाद स्टोरीटेल कट्ट्यावर रंगला, तो रवींद्र भयवाल, सम्राट शिरवळकर आणि संतोष देशपांडे यांच्यात. तोच आहे हा स्पेशल स्टोरीटेल कट्टा. रसिकप्रिय लेखक सुहास शिरवळकर यांची स्मृती जागवतानाच, नवी काही पेरणी करण्याच्या प्रयत्नाचा हा आगळा उपक्रम...त्याविषयी जरुर ऐका. 

`मिशन गोल्डन कॅटस्` ही कादंबरी `स्टोरीटेल` वर ऐकण्यासाठी क्लिक करा- https://www.storytel.com/in/books/mission-golden-cats-2726436
`स्टोरीटेल` चे सभासद होण्यासाठी पुढील लिंकवर क्लिक करा- https://www.storytel.com/in#pricePlans

मिशन गोल्डन कॅटस् ... `सु.शि.` अन् स्टोरीटेल!

अशी कोणती कारणं आहेत, जी आपणास पुस्तकांपासून किंवा वाचनापासून दूर ठेवतात... खरं तर ही कारणं नव्हेत तर चक्क सबबी आहेत. या सबबी कोणत्या आणि त्यामुळे आपण काय गमावत आहोत, याचा वेध घेतला आहे संतोष देशपांडे यांनी, तुमच्यासमवतेच्या संवादातून.

पुस्तक वाचन टाळण्याच्या ५ सबबी!

शिवशाहीर बाबासाहेब पुरंदरे यांनी नुकतंच शंभराव्या वर्षांत पदार्पण केलं. छत्रपती शिवाजी महाराजांचं अखंड जीवन आपल्या समोर तेजस्वीपणे मांडणाऱ्या बाबासाहेबांंचं आयुष्य नक्की कसं होतं याचा वेध डॉ. सागर देशपांडे यांनी घेतला आणि साकारली 'बेल भंडारा' ही कादंबरी... 
शिवशाहीर बाबासाहेब पुरंदरे यांचा जीवनपट मांडणारं " बेलभंडारा " हे पुस्तक डॉ. सागर देशपांडे यांनी बाबासाहेबांबरोबर 11 वर्षं सातत्यानं चर्चा करून, त्यांच्याविषयीचं सर्व लेखन अभ्यासून लिहिलं आहे. बाबासाहेबांसारख्या उत्तुंग व्यक्तिमत्त्वाचं अवघं आयुष्य पुस्तकात मांडणं तसं अवघड होतं; पण सागर देशपांडे यांनी त्यांच्या दर्जेदार लेखणीतून प्रत्यक्षात उतरवलं आहे आणि या कादंबरीला आवाज लाभला आहे नचिकेत देवस्थळी यांचा...

तत्पूर्वी, या आठवड्यात, स्टोरीटेलवर येणाऱ्या पुस्तकांबाबत माहिती दिली आहे, प्रसाद मिरासदार यांनी. 

बेल भंडारा ऐकण्यासाठी खालील लिंकवर क्लिक करा -
https://www.storytel.com/in/en/books/2553432-Bel-Bhandara

सिलेक्ट सबस्क्राईब करण्यासाठी -
https://www.storytel.com/in/en/subscriptions#pricePlans

शिवचरित्रावर उधळलेला 'बेल भंडारा'!

Listen and read

Other podcasts you might like ...