Padithal Mattum Podhumey

தற்போதைய கால கட்டத்தில் ஒரு பள்ளி மாணவனின் வாழ்க்கையில் பள்ளிப் படிப்பிற்குப் பிறகு அவனது வாழ்க்கைப் பாதையையே முடிவு செய்யும் சக்தி வாய்ந்ததாக +2 திகழ்கிறது. +2 சீரியஸான விஷயம் என்பது எல்லா +2 மாணவர்களுக்குமே தெரிந்திருந்தாலும்கூட அது +2 இறுதி தேர்வுகளின் போது மட்டுமே உணரப்படுகிறது. ஆனால் +2 நிர்ணயிக்கப்போகும் பல விஷயங்கள் எஸ்.எஸ்.எல்.சி. கால கட்டமான 10ஆம் வகுப்பிலேயே தொடங்கி விடுகின்றன என்பதுதான் உண்மை. காலம் கடந்த ஞானோதயம் பல நேரங்களில் உதவாது. எனவே பத்தாம் வகுப்பிலிருந்தே மாணவர்கள் என்னென்ன செய்ய வேண்டும், என்னவெல்லாம் செய்யக்கூடாது என்பதையும் விரிவாக விளக்கி ‘குங்குமம்’ இதழில் நான் எழுதிய தொடரின் தொகுப்புதான் இந்த நூல். இதை +2 மாணவர்கள் மட்டுமல்லாமல் எஸ்.எஸ்.எல்.சி. மாணவர்களும், ஏன் அத்தனை பள்ளி மாணவர்களுமே படிப்பதன் மூலம் பயன் பெறலாம். தங்கள் எதிர்காலத்தை நல்ல முறையில் திட்டமிடலாம். ஒரு பள்ளி மாணவனின் நடவடிக்கைகள், மனோபாவம், அவனது சூழல், குடும்பத்தில் உள்ள மற்றவர்களின் நடவடிக்கைகள் இவையெல்லாம் சேர்ந்து எப்படி அவனது வாழ்க்கைப் பாதையை தாழ்த்தவோ, உயர்த்தவோ செய்யும், அதிலிருந்து மீண்டு போராடி தன்னை அந்த மாணவன் எப்படி உயர்த்திக் கொள்ளலாம் என்பதை எடுத்துச் சொல்லும் வழிகாட்டியாக இந்த நூல் செயல்படும். படித்துப் பயன் பெறுங்கள். ஒரு புதிய தலைமுறை உருவாகட்டும். வாழ்த்துக்கள்!

Release date

Ebook: December 23, 2021