كتاب فنون البيع النفسي

- لما ضيف بيبقى جايلنا مينفعش أخش المطبخ وأجيبله اللي عندي وأحطه قدامه وأقوله "خد اطفح!!" o إنما بسأله الأول.. حضرتك تشرب إيه؟؟ هيقولي "شاي" خلاص يبقى كده أنا عرفت هو عايز يشرب إيه... آدي أول خطوة لازم أعملها.. o قالي "شاي" أروح أجيبله "عصير"؟ طبعا هاجيب اللي هو طلبه - يبقى تعريف المستوى الأول للبيع الكلمات الثلاث دول: discovering and satisfying the need. بكتشف رغبة اللي قدامي أو احتياجه وبرضي هذا الاحتياج.. اكتشاف الاحتياجات والدوافع: - إزاي أقدر اكتشف اللي قدامي عايز إيه؟؟ بسأله "تشرب إيه؟؟" بأسأله الأول، وآدي أول مبدأ من مبادئ البيع اللي هو غالبا مبيحصلش ف مصر حتي مع البائعين المحترفين professional salesman - من اسبوع جالي تليفون "مساء الخير يا فندم.. شيرين من الشيراتون.. أهلا وسهلا يا شيرين.. ودي كانت أول وآخر كلمة لي ف المكالمة كلها.. بس خلاص كده.. أهلا وسهلا يا شيرين ومعرفتش أتكلم تاني.. شيرين بلاعة واتفتحت.. مينفعش يا جماعة انتي ازاي تتكلمي ف حاجة وانتي لسه مش عارفة أنا عايز إيه - على كده بقي اللي واقف ف أجنص عربيات كل واحد داخل يشتري عربية يفتح بقى الكتالوج بتاع العربيات ال (1000) صفحة ويقعد يقراهولو.. ينفع؟؟ مينفعش.. لإن انت المنتج بتاعك فيه فريق كامل بيعمله تصميم design ومليان تفاصيل.. هتقول إيه لمين؟؟ لازم discovering the need فآدي أول مبدأ من مبادئ البيع.. البيع مش معناه أتكلم كتير؛ إنما أسمع الأول، وبعد ما أسمع وأفهم وأسأل سؤال واتنين وتلاتة.. ابتدي بعد كده أتكلم.. ساعتها هتكلم أقل وهبيع أكتر

© 2022 Marketing Castel (دفتر الصوت ): 6222018404012

تاريخ الإصدار

دفتر الصوت : ١٤ سبتمبر ٢٠٢٢