Vingyaana Vaayilgal - Part 1

மனித குலம் நாகரிகம் அடைந்தது சரித்திரமாகக் குறிப்பிடப்பட்டாலும். அதன் அடிநாதம் மனிதத் தேவைகளின் பொருட்டு விஞ்ஞான ரீதியாகப் பிறந்த கண்டுபிடிப்புகள்தான். எனவே நமது வரலாற்றைக் குறிப்பிடும் போது படிப்படியான விஞ்ஞான வரலாற்றையும் குறிப்பிடுவது தவிர்க்க முடியாததாகிறது.

நடந்து முடிந்த சம்பவங்களைக் கண்டறிந்து தேதி வாரியாகத் தொகுப்பது வரலாறு. ஆனால், அந்த வரலாற்றுக்கான ஆதாரங்களை விஞ்ஞான முறையில்தான் உறுதி செய்துகொள்ள வேண்டியிருக்கிறது. பொதுவாக மனித வாழ்வில் பிணைந்துள்ள பல்வேறு பகுதிகளையும் நமது வசதி கருதி, தேர்ந்து படிப்பதற்காகப் பிரித்துக் கொண்டுள்ளோம்.

வரலாற்றின் ஏதோ ஒரு பகுதியில் ஏற்பட்ட இடைவெளியை, அதற்கு முன்னும் பின்னும் நிகழ்ந்த சம்பவங்களின் பின்னணியில், சாத்தியக்கூறுகளைக் கொண்டும், விளைவுகளைக் கொண்டும் நிரப்புகிறோம். எனவேதான் வரலாறுகள் திருத்தப்படுவதும், வலுவூட்டப்படுவதும் ஒரு தொடர் நிகழ்ச்சியாகத் தொடர்கிறது.

உலகம் தோன்றியது முதல் கம்ப்யூட்டர்கள் கண்டுபிடிக்கப்பட்டது வரையிலான மனிதகுல விஞ்ஞான முன்னேற்றத்தை ஒரளவு கோடிட்டுக் காட்டுவதுதான் இந்தப்புத்தகத்தின் நோக்கம். பிரமாண்டமான இதன் பரப்பு கருதி அவற்றை ஏழு சிறுபிரிவுகளாகப் பிரித்துக் கொண்டுள்ளேன். அவற்றில் நான்கு இந்தப் புத்தகத்தில் இடம் பெற்றுள்ளது.

சரித்திர விஞ்ஞானம் என்பதை குழந்தைகளுக்குப் புரியும் விதத்தில் என்னால் முடிந்த அளவு எளிமைப் படுத்தியிருக்கிறேன்.

Tanggal rilis

Ebook: 15 Februari 2022