Vampírurnar eru komnar á kreik! Og hvað sem almannarómur segir eru þær ekki dauðar heldur einfaldlega fólk með heiftarlegt ofnæmi fyrir sólskini, hvítlauk og hreinu silfri. Gengilbeinan Sookie Stackhouse verður himinlifandi þegar vampíran Bill gengur inn á barinn til hennar og fyrr en varir er samband þeirra orðið afar náið. En bæjarbúar eru ekki allir jafn hrifnir og eftir að morð er framið í bænum er ekki tekið út með sældinni að eiga kærasta sem er dauður þar til sólin sest.

Sögur Charlaine Harris um hugsanalæsu gengilbeinuna Sookie og fjölbreytta mannlífsflóru smábæjarins Bon Temps í Louisiana eru bæði hugmyndaríkar og spennandi. Dauð þar til dimmir er fyrsta bókin í seríu sem kennd er við fyrrnefnda Sookie Stackhouse. Bækur þær hafa vermt efstu sæti metsölulista austan hafs og vestan og eftir þeim hafa einnig verið gerðir vinsælir sjónvarpsþættir undir heitinu True Blood.

Halla Sverrisdóttir þýddi. Ísgerður Elfa Gunnarsdóttir les.

© 2022 JPV (Hljóðbók): 9789935293534

Þýðandi: Halla Sverrisdóttir

Útgáfudagur

Hljóðbók: 7 november 2022