Á glerhálum götum Reykjavíkur, kaldan janúardag, hefst óvenjuleg bílferð tveggja tónlistaráhugamanna. Ferðinni er heitið um æviveg Magnúsar Eiríkssonar.

Á sjö þúsund kílómetra vegreið vítt og breitt um landið lýsir Magnús litríkri ævi sinni fyrir skrásetjara. Sólgleraugun eru skilin eftir heima. Hér fær nakinn sannleikurinn að njóta sín. – Frásagnr af poppinu, æskunni, ástinni, sorginni, sukkinu og fjölmörgum samferðarmönnum.

Magnús hefur verið einn ástsælasti laga- og textasmiður íslensku þjóðarinnar í bráðum fjóra áratugi og eru hugarsmíðar hans fyrir löngu orðnar hluti af þjóðarsálinni.

Reyndu aftur er saga sem hrífur og snertir:

„Langmest djúsí íslenska rokkævisaga sem ég hef nokkurn tímann lesið.“ – Dr. Gunni

Þú reyndir allt, til þess að ræða við mig í gegnum tíðina ég hlustaði ekki á þig Ég gekk áfram minn veg, niður til heljar hér um bil Reyndu aftur, ég bæði sé og veit og skil

© 2019 Storyside (Hljóðbók): 9789935181596

Útgáfudagur

Hljóðbók: 26 april 2019