app_store_button

google_play_button

is Device Banner Block 894x1036

Stígðu inn í heim af óteljandi sögum

Hlustaðu og lestu

HeilsuErla

Í hlaðvarpinu Með lífið í lúkunum fær HeilsuErla til sín einstaklinga úr ýmsum áttum sem hafa þekkingu á fjölbreyttum sviðum heilsu og einnig fólk sem hefur á einn eða annan hátt jákvæð áhrif á samferðafólk sitt.

Markmiðið er að skapa rými fyrir einlægt og opið spjall til þess að kynnast sem fjölbreyttustum leiðum til þess að huga að heilsunni. t.d. varðandi geðheilsu, líkamlega heilsu, mataræði, svefn, raddheilsu, tannheilsu, fjárhagslega heilsu, sköpunargleði, kynheilbrigði og margt fleira.

Með lífið í lúkunum

Í þættinum ræðir Erla við hina dásamlegu Ragnhildi Steinunni Jónsdóttur um lífið og tilveruna, að alast upp hjá einstæðum föður, eldmóð í starfi, mikilvægi þess að setja mörk, hvernig það er að eiga tvíbura, hættulega ímynd ofurkonunnar, metnað, dugnað og þrjósku. 

Ragnhildur Steinunn er líklega flestum landsmönnum kunnug enda hefur hún verið ein öflugasta sjónvarps- og dagskrárgerðarkona landsins í yfir 20 ár. Nýjasta verkefni hennar er heimildarmyndin Takk Vigdís sem hún hefur unnið hörðum höndum að síðustu mánuði. 

Vertu með í Facebook hóp hlaðvarpsins ef þú vilt fylgjast með á bakvið tjöldin. 

Þátturinn er unninn í samstarfi við:

💙 Heilsuhillan og Nutrilenk - Lykillinn að góðri liðheilsu

🌱 Spíran - Ert þú búin að smakka Heilsusalat HeilsuErlu?

🐘 Virkja- Bókaðu frítt 20 mín kynningarviðtal

💗 Þín fegurð - 2.hæð í Firðinum í hjarta Hafnarfjarðar

💦 Ungbarnasund Erlu - Töfrandi samverustundir!

Fylgdu HeilsuErlu á Instagram!

99. Ekki vera hrædd við að gera mistök. (Móðurmissir, dugnaður, þrjóska, mörk og hættuleg ímynd ofurkonunnar). Ragnhildur Steinunn Jónsdóttir

Hugleiðingar HeiluErlu á mánudagsmorgni!

Ert þú að gera of miklar kröfur til þín? Ert þú að brjóta þig niður þegar allt fer ekki eins og þig langar? Hvaða boltum ert þú að halda á lofti? Er hægt að leggja einhverja til hliðar tímabundið? Ert þú að sýna þér mildi? Ert þú að stefna á ,,vegginn"? Hvað nærir þig? Hvað hentar þér akkúrat núna? 

Fylgdu HeilsuErlu á Instagram!

Sníðum okkur stakk eftir vexti (Heilsumoli 29)

Í þættinum ræðir Erla við nöfnu sína Erlu Súsönnu Þórisdóttur og þakklætisdrottningu. Erla Súsanna er með heimasíðuna Töfrakistan og gaf fyrir nokkrum árum út Þakklætisdagbókina, sem er verkfæri sem getur hjálpað þér að innleiða hugarfar þakklætis inn í daglegt líf. 

Erla er að eigin sögn fróðleiksfús manneskja, jarðbundin en líka fiðrildi, lífsglöð og jákvæð. Henni þykir gaman að grúska í og skoða hvað gerir lífið þess virði að lifa því. Hún stafaði sem grunnskólakennari í 13 ár og var mjög umhugað um vellíðan kennara og nemenda og kenndi nemendum t.d. jóga, hugleiðslu og núvitund. 

Erla segir okkur hvernig hún fékk áhuga á þakklætisfræðunum og afhverju það skiptir máli að tileinka sér þakklæti en rannsóknir hafa meðal annars sýnt fram að aukna hamingju, betri svefn, meiri samkennd, meiri hvati til þess að hreyfa sig og meiri bjartsýni.

Erla hefur búið í fjórum löndum á fimm árum og segir frá því hvað hún hefur lært á hverjum stað fyrir sig og hvað hún hefur lært á öllum þessum flutningum. Þá deilir hún með okkur morgunrútínu sinn og þakklætisæfingunni Hell Yes- Hell No. 

Áhugasamir geta fylgt Erlu Súsönnu á Instagram eða á Töfrakistan.is

Þátturinn er unninn í samstarfi við:

💙 @heilsuhillan og @nutrilenk_lidstyrkur - Lykillinn að góðri liðheilsu

🌱 @spiran.is - Ert þú búin að smakka Heilsusalat HeilsuErlu? 

🐘 @virkja - Bókaðu frítt 20 mín kynningarviðtal

💗 @thinfegurd_snyrtistofa - 2.hæð í Firðinum í hjarta Hafnarfjarðar

💦 @ungbarnasunderlu - Töfrandi samverustundir!

Fylgdu HeilsuErlu á Instagram!

98. Settu athyglina á gnægð en ekki skort. (Þakklæti, núvitund, náttúran, hamingja og bjargráð). Erla Súsanna Þórisdóttir

Í þessum heilsumola fer Erla yfir praktísk atriði fyrir alla sem hafa áhuga á því að koma á námskeið hjá Ungbarnasundi Erlu í Suðurbæjarlaug. 

Ungbarnasund hefur gífurlega jákvæð áhrif á heilsu barna, líkamlega, andlega og félagslega. Ungbarnasund örvar hreyfiþroska barna og styrk, stuðlar að betri svefni og matarlyst, örvar skynfæri barnsins og hækkar streituþröskuld. Einnig styrkir ungbarnasund tengslamyndun foreldra og barna sem hefur áhrif á líðan og heilsu bæði foreldra og barns til framtíðar. 

Ungbarnasund Erlu var stofnað af Erlu Guðmundsdóttur í júlí 2006. Erla er félagi í Busla, félagi ungbarnasundkennara á Íslandi og var ritari félagsins frá 2005-2019 og hefur verið formaður félagsins síðan árið 2019.

Upplýsingar um námskeið

Hvert námskeið er 6 vikur (að undanskildu sumarnámskeiði sem er 3 vikur) með skipulagðri dagskrá í sundlauginni þar sem góða skapið, brosið og stöðugt hrós eru lykilatriði. Ungbarnasund byggir á nánu sambandi foreldra og barns og þetta er því ekki síður námskeið fyrir foreldrana en börnin. Kennt er einu sinni í viku, 40-45 mínútur í senn.

Byrjendanámskeið er fyrir börn 3 mánaða og eldri. 
Framhaldsnámskeið 1 er fyrir börn 4-10 mánaða sem lokið hafa byrjendanámskeiði í ungbarnasund eða eldri byrjendur og
Framhaldsnámskeið 2 er fyrir börn 7 mánaða-2 ára sem lokið hafa byrjendanámskeiði og/eða framhald 1.
Framhaldsnámskeið 3 er nýr hópur fyrir 1-2,5 ára börn. Hægt er að koma aftur og aftur á framhald 2 og 3.

Námskeiðið fer fram í innilaug Suðurbæjarlaugar. (Hringbraut 77, Hafnarfirði). Hitastig laugarinnar er 34-36°C. Lofthiti er 25-30°C. Skiptiborð eru við innilaugina fyrir hvert barn.

Nánari upplýsingar á nýrri og glæsilegri heimasíðu www.ungbarnasunderlu.is

Ungbarnasund Erlu er einnig á TikTok og Instagram

Fylgdu HeilsuErlu á Instagram!

Ungbarnasund Erlu (Heilsumoli 28)

Hvernig væri að breyta gömlum venjum sem eru ekki að gagnast þér lengur?

Þessi áskorun snýst um að velja sér EITT atriði sem mun hafa jákvæð áhrif á heilsu þína og gera það daglega eða vikulega (fer eftir þínu markmiði) fram til 1.janúar 2026. Þú getur annað hvort bætt einhverju góðu inn í líf þitt eða tekið út eitthvað sem er að hafa neikvæð áhrif á heilsuna. 

Þetta getur t.d verið að bæta inn daglegu þakklæti, hreyfingu, lesa í 15 mínútur eða taka út áfengi, sykur, hætta að taka símann með upp í rúm o.s.fr.v.

EF ÞÚ BREYTIR ENGU- BREYTIST EKKERT!

Fylgdu HeilsuErlu á Instagram!

HEILSUÁSKORUN (Heilsumoli 27)

Í þessum þætti ræðir Erla við Hörpu Þrastardóttur, hugrakka stelpukonu um erfiða lífsreynslu sem varð til þess að hún missti heilsuna. Hún hefur nýtt þessa reynslu og aukna þekkingu til innri vaxtar og til þess að fræða og valdefla aðra. 

Hún stofnaði í kjölfarið Kjarkur ráðgjöf sem býður upp á alhliða ráðgjöf og fræðslu á sviði vinnuverndar svo sem mannauðsmála, stjórnunar, EKKO mála, gæðamála, umhverfismála og öryggis- og heilsumála. Allt eru þetta þættir sem fyrirtæki þurfa að huga að til þess að stuðla að heilbrigðu vinnuumhverfi þar sem starfsfólk fær tækfæri til að vaxa.

Þátturinn er unninn í samstarfi við:

💙 Heilsuhilluna og Nutrilenk - Lykillinn að góðri liðheilsu

🌱 Spíruna - Ert þú búin að smakka Heilsusalat HeilsuErlu? 

🐘 Virkja - Bókaðu frítt 20 mín kynningarviðtal

💗 Þín fegurð - 2.hæð í Firðinum í hjarta Hafnarfjarðar

💦 Ungbarnasund Erlu - Töfrandi samverustundir!

Fylgdu HeilsuErlu á Instagram!

97. Sálfélagslegt öryggi og heilsa. (Vinnustaðamenning, heilsumissir og innri vöxtur). Harpa Þrastardóttir

Laufey Haraldsdóttir eigandi Virkja færir hlustendum hlaðvarpsins þessa dásamlegu gjöf. Hún leiðir okkur í gegnum 8 mínútna núllstillingu en æfinguna getur þú hlustað á hvar og hvenær sem er þegar þér hentar. 

Tilvalið til þess að hægja á í amstri dagsins, minnka streitu og kyrra hugann. 

Fylgdu HeilsuErlu á Instagram!

Núllstilling -8 mínútur (Heilsumoli 26)

Í þessum heilsumola ræða Erla og Laufey um Virkja og hvernig markþjálfun hefur hjálpað þeim að vaxa.

Virkja er einn af dyggu samstarfsaðilum hlaðvarpsins og ég get ekki mælt meira með náminu hjá þeim en eins og þið heyrið í spjallinu þá hefur það gefið mér mjög mikið. 

Hægt er að bóka fría 20 mínútna námskynningu á virkja.is <3 Kíktu á Virkja á Instagram 

Fylgdu HeilsuErlu á Instagram!

Hvað er Virkja og hvernig getur markþjálfun hjálpað þér að vaxa? (Heilsumoli 25)

Í þættinum ræðir Erla við Arnald Birgi Konráðsson sem er þjálfari og heilsuáhrifavaldur með yfir 20 ára reynslu. Hann hefur þjálfað bæði almenning og afreksfólk og er þekktur undir ýmsum nöfnum, m.a. Coach Birgir, Birgir Þjálfun og Biggi Bootcamp.

Þau ræða um heildræna heilsu, þakklæti, taugakerfið, vöðvauppbyggingu á gamals aldri, hreyfingu, svefn, næringu, muninn á Íslendingum og Dönum og margt fleira í afar skemmtilegu og gefandi viðtali. 

Áhugasamir geta fundið Coach Birgi á Instagram

Þátturinn er unninn í samstarfi við:

💙 Nutrilenk - Lykillinn að góðri liðheilsu

🌱 Spíruna - Ert þú búin að smakka Sumarsalati HeilsuErlu? 

🐘 Virkja - Bókaðu frítt 20 mín kynningarviðtal

💗 Þín fegurð - 2.hæð í Firðinum í hjarta Hafnarfjarðar

💦 Ungbarnasund Erlu - Töfrandi samverustundir!

Fylgdu HeilsuErlu á Instagram!

96. Við erum bara mannleg. (Heildræn heilsa, þakklæti, taugakerfið, vöðvauppbygging og frelsi). Arnaldur Birgir Konráðsson

Í þættinum ræðir Erla við Ragnheiði Vernharðsdóttur, sérnámslækni í augnlækningum og fjögurra barna móður sem er nýlega flutt heim til Íslands eftir nám í Noregi. 

Ragnheiður brennur fyrir bætta heilsu og vellíðan, bæði hjá sjálfri sér og öðrum og hefur í raun prófað allt milli himins og jarðar til að bæta heilsu sína. Til dæmis ólíkar tegundir mataræðis eins og vegan, grænmetisfæði og keto, fjölbreytta hreyfingu og ýmsar leiðir til sjálfsræktar. 

Hún skilur í dag að heilsa snýst ekki um útlit heldur líðan og jafnvægi. Ragnheiður miðlar þessu í hlaðvarpinu Baby Let’s Talk, þar sem hún kafar djúpt í vísindi og fræðin allt niður í frumur okkar, og með Baby Let’s Move appinu sem styður konur á meðgöngu og eftir fæðingu. 

Í viðtalinu fáum við að heyra hennar sögu, hvað knýr hana áfram og hvernig hún nálgast heilbrigði út frá bæði fræðunum og lífinu sjálfu.

Hún segist ekki vilja predíka, heldur sé að miðla því sem hún hefur lært og kynnt sér í þaula og það sem virkar fyrir sig. 

Áhugasamir geta fylgst með Ragnheiði á Instagram

Hlaðvarpið er í samstarfi við:

💙 GeoSilica - 15% afsláttur með kóðanum Heilsuerla

🌱 Spíruna - Ekki missa af Sumarsalati HeilsuErlu 

🐘 Virkja - Bókaðu frítt 20 mín kynningarviðtal

💗 Þín fegurð - 2.hæð í Firðinum í hjarta Hafnarfjarðar

💦 Ungbarnasund Erlu - Töfrandi samverustundir!

Fylgdu HeilsuErlu á Instagram!

95. Hvatberaheilsa. (Vannæring, PCOS, næringarráðleggingar, faraldsfræði, efnaskipti og fræolíur). Ragnheiður Vernharðsdóttir

5 mínútna slökunaræfing sem er tilvalin til þess að ná smá hugrænni hvíld í amstri dagsins. Það er svo ótal margt í umhverfi okkar sem stelur athygli okkar og því er nauðsynlegt að taka sér hlé nokkrum sinnum yfir daginn til þess að líta inn á við og gefa heilanum smá hvíld frá nýjum upplýsingum. 

Þá getur verið gott að nýta sér slökunaræfingar, öndunaræfingar, hugleiðslur eða núvitundaræfingar. 

Í þessari stuttu og einföldu slökunaræfingu spennum við og slökum á líkamshlutum til skiptis, tökum eftir því hvernig okkur líður og erum í núvitund. Þannig náum við að hægja á öndun og róa taugakerfið. 

Njótið vel!
Kveðja Erla 

Fylgdu HeilsuErlu á Instagram!

Stutt slökunaræfing- hugræn hvíld. (Heilsumoli 10)

Hlustaðu og lestu

Other podcasts you might like ...