App Store

Google Play

is Device Banner Block 894x1036

Stígðu inn í heim af óteljandi sögum

Hlustaðu og lestu

RÚV

Í þættinum er rætt við fólk sem þú vilt vita meira um, sagðar sögur af körlum og konum sem þú vissir ekki að væru til og aflað heimilda um atburði sem þú gast ekki ímyndað þér að hefðu átt sér stað, skildir ekki eða hafðir ekki uppgötvað að væru áhugaverðir. 
Umsjón: Viktoría Hermannsdóttir.

Málið er

Í þættinum í dag heyrum við sögur tveggja einstaklinga sem á óvæntan hátt fundu blóðfeður sína á fullorðinsárum. Sögurnar eru ólíkar en samt er margt líkt með þeim. 
Hrafnhildur S. Mooney vissi alltaf að hún ætti pabba í Ameríku en pældi ekkert sérstaklega í því - og hitti hann ekki fyrr en fyrir tæpum tíu árum síðan og um leið stækkaði fjölskylda hennar töluvert. Aron Leví Beck var átján ára þegar maðurinn sem hann taldi vera föður sinn fór fram á faðernispróf, sem leiddi hann í sannleikann um að sá sem hann taldi hafa verið föður sinn frá fæðingu var það ekki. Hann fann föður sinn og sex tónelsk systkini. 

Umsjón: Viktoría Hermannsdóttir 

Viðmælendur: Aron Leví Beck, Hrafnhildur S. Mooney og Rúnar Þór.

„Getur verið að þú sért pabbi minn?“

Hvernig er að horfa á eftir syni sínum verða að útigangsmanni? Í Málið er í dag heyrum við sögu móður sem missti son sinn rétt fyrir jól en hann hafði lengi tilheyrt hópi útigangsfólks. Móðirin berst nú fyrir bættum aðstæðum fyrir heimilislausa en aldrei hafa fleiri tilheyrt þeim hópi hér á landi. 

Umsjón: Viktoría Hermannsdóttir 
Viðmælendi: Guðrún Hauksdóttir Schmidt

Móðir útigangsmanns

Eru fötlunarfordómar í samfélaginu og ef svo er, hvernig birtast þeir? Í þættinum fræðumst við um fötlunarfordóma í gegnum þær Ingu Bjork Bjarnadóttur og Jönu Birtu Björnsdóttur, sem báðar eru fatlaðar og tilheyra aktivistahópnum Tabú sem stofnaður var árið 2014. Hópurinn berst fyrir meiri sýnileika fatlaðs fólks - enda eigi það rétt á plássi, valdi og virðingu í samfélaginu. 

Umsjón: Viktoría Hermannsdóttir 

Viðmælendur: Inga Björk Bjarnadóttir og Jana Birta Björnsdóttir.

Fötlunarfordómar

Í þættinum heyrum við sögu Zöhru Mesbah Sayed Ali sem kom til Íslands frá Íran ásamt systur sinni og móður fyrir sex árum síðan. Þó það hafi tekið á í fyrstu að venjast nýju landi þá hafa þær aðlagast vel og nú eru þær allar komnar með íslenskan ríkisborgararétt. Zahra hefur náð góðum tökum á íslensku, stofnað sína eigin túlkaþjónustu og stefnir á að láta drauminn um að verða tannlæknir rætast. 

Viðmælendur: 
Zahra Mesbah Sayed Ali
Hava Forout­an Mohammad Hossein
Hass­an Raza Ak­bari

Frá Afghanistan til Íslands

Í þættinum í dag fjöllum við um stjúptengsl sem geta oft verið vandasöm en líka gefandi og góð. Hvaða áskoranir mæta slíkum fjölskyldum umfram aðrar og hvaða væntingar eiga stjúpforeldrar og börn að gera til sín? Hvernig á að haga stórhátíðum í slíkum fjölskyldum? 
Við heyrum sögu af stjúpfjölskyldu sem hefur eytt jólunum saman í næstum þrjá áratugi. Fyrrverandi makar, núverandi makar og svo öll börnin. Og líka sögu stjúpmóður sem ætlaði að eiga bestu stjúpfjölskyldu í heimi þar sem allir yrðu glaðir en áttaði sig fljótt á því að besta er að slaka á kröfunum til að allt gangi upp. 

Umsjón: Viktoría Hermannsdóttir 

Viðmælendur: Valgerður Halldórsdóttir, Sigríður Dögg Auðunsdóttir, Björk Vilhelmsdóttir og Inga Sveinsdóttir.

Stjúptengsl

Í þættinum í dag heyrum við sögu konu sem var vændiskona í Kaupmannahöfn. Eva Dís Þórðardóttir á að baki átakanlegar lífsreynslur sem hafa mótað hana. Í mörg ár vissi enginn af því að hún hefði stundað vændi og hún óttaðist ekkert frekar en að það kæmist upp. Eftir að hún sagði frá því opinberlega hefur hún upplifað algjört frelsi, nú getur enginn notað leyndarmálið gegn henni. Hún segir vændi vera ofbeldi ekki starfsgrein og eftir mikla sjálfsvinnu hefur hún nýtt sína reynslu öðrum til hjálpar. 

Umsjón: Viktoría Hermannsdóttir 

Viðmælandi: Eva Dís Þórðardóttir

Saga fyrrum vændiskonu

Ungur maður féll niður í líkamsrækt og í ljós kom að hann hafði fengið heilablæðingu. Hann var sendur til Svíþjóðar í aðgerð sem fór ekki eins og vonast var til og heili hans varð fyrir miklum súrefnisskorti. Hann hlaut alvarlegan heilaskaða og lífið breyttist, ekki bara hans eigið líf heldur allra aðstandanda hans. Í þættinum í dag heimsækir Viktoría Hermannsdóttir Einar Óla og móður hans, Aðalheiði Bjarnadóttur, á Grensásdeild. Þar hefur hann búið í eitt og hálft ár meðan beðið er eftir að hann komist í annað úrræði, en aðstandendur hans hafa upplifað algjört úrræðaleysi í kerfinu. 

Umsjón: Viktoría Hermannsdóttir 

Viðmælendur: Aðalheiður Bjarnadóttir 
Jóhanna

Fastur í úrræðaleysi kerfisins eftir alvarlegan heilaskaða

Í þættinum í dag heyrum við sögu Sturlu Þórhallssonar, sem var dæmdur í tíu ár fangelsi í Danmörku fyrir skipulagningu á umfangsmiklu fíkniefnasmygli. Hann hefur á undraverðan hátt snúið blaðinu við. Fór í meðferð í fangelsinu og starfaði á hestaleigu síðustu fjögur ár afplánunartímans. Hann losnaði fyrir tveimur mánuðum við ökklaband sem hann bar síðasta árið í afplánunni og er nú orðinn frjáls maður á ný - sem hann segir ekki vera jafn einfalt og það kann að hljóma. Við heyrum magnaða sögu Sturlu - frá þaulskipulögðu fíkniefnasmygli yfir í frelsið í sveitinni. 

Umsjón: Viktoría Hermannsdóttir 
Viðmælendur: Sturla Þórhallsson, Sólmundur Sigurðarson.

Úr fangelsi í frelsi

Hvernig getur það gerst að átján ára gamall strákur í blóma lífsins deyr úr lyfjaeitrun þegar fjölskylda hans hefur ekki hugmynd um að hann hafi verið í nokkurs konar neyslu? Einar Darri Óskarsson lést þann 25. maí síðastliðinn. Dagana eftir andlátið komst fjölskylda hans að því að hann hafði í skamman tíma áður en hann lést verið að taka lyfseðilsskyld lyf. Fyrir fjölskyldunni opnaðist heimur sem þau vissu ekki að væri til þar sem misnotkun sterkra lyfseðilsskyldra lyfja þykir ekkert tiltökumál. Í þættinum í dag ræðir Viktoría Hermannsdóttir við móður og systur Einars Darra sem óvænt hafa, á sama tíma og þær syrgja hann, leiðst út í baráttu fyrir því að fleiri hljóti ekki sömu örlög og Einar Darri. 

Umsjón: Viktoría Hermannsdóttir 

Viðmælendur: Bára Tómasdóttir og Andrea Ýr Arnarsdóttir.

Vissu ekki að hann væri að taka lyf

Matthildur Jónsdóttir Kelley á merkilega ævi að baki. Hún fæddist í Reykjavík en rúmlega tvítug flutti hún til Chicago í Bandaríkjunum og hefur búið þar í rúm fimmtíu ár. Hún fór á botninn, var í mikilli neyslu fíkniefna lengi sem hún fjármagnaði meðal annars með vændi. Hún sneri blaðinu við og hefur undanfarna áratugi hjálpað fíklum á götum Chicago borgar. Viktoría Hermannsdóttir ræðir við Matthildi og dóttur hennar, Angelique Kelley.

Saga fyrrum vændiskonu

Hlustaðu og lestu

Other podcasts you might like ...