Bókaklúbbur Ragnars Jónassonar - Yrsa Sigurðardóttir

Í þessari þáttaseríu tekur metsöluhöfundurinn Ragnar Jónasson viðtöl við aðra virta rithöfunda þar sem rætt er um bækur og ritstörf. Í hverjum þætti er tekin fyrir ein bók eftir viðmælandann sem hægt er að hlusta á hjá Storytel, sem gefur hlustendum innsýn í hugarheim rithöfundarins. Í lok hvers þáttar mæla viðmælendur með nokkrum bókum til hlustunar hjá Storytel og fram kemur hver næsti viðmælandi Ragnars er og hvaða bók verður til umfjöllunar. Hlustendur bókaklúbbsins eru hvattir sérstaklega til þess að hlusta á bækurnar sem eru til umfjöllunar í þáttunum hverju sinni og taka þátt í samtalinu á Hljóðbókaspjallinu á Facebook.

Í þessum fyrsta þætti ræðir Ragnar við Yrsu Sigurðardóttur glæpasagnahöfund. Bókin sem tekin er fyrir í þættinum er Brakið sem er síðasta bókin í bókaseríunni um Þóru Guðmundsdóttur lögmann.