App Store

Google Play

is Device Banner Block 894x1036

Stígðu inn í heim af óteljandi sögum

Hlustaðu og lestu

Hallgrímur Thorsteinsson

Skemmtilegir og vandaðir viðtalsþættir sem sannir bókaunnendur ættu ekki að láta fram hjá sér fara..

Segðu mér sögu

Yrsa Sigurðardóttir er fyrsti gesturinn í Segðu mér sögu með Halla Thorst. Viðtalið var tekið í Iðnó í haust á glæpasagnahátiðinni Iceland Noir, þar sem Yrsa hefur verið ein helsta driffjöðurin. 

Yrsa hóf feril sinn sem barnabókahöfundur en er nú þekktari sem „glæpasagnadrottning“ Íslendinga. Bækur hennar hafa slegið í gegn bæði hérlendis og úti í heimi, hvort sem það eru bækurnar um Þóru Guðmundsdóttur lögmann sem hafa farið sigurför á heiminn eða hennar nýrri titlar um Huldar og Freyju sem gefa fyrri bókum ekkert eftir.

Yrsa segist ekki þurfa sérstakt næði til skrifa, skrifar oft upp í sófa og finnst best að hafa hryllingsmyndir á skjánum fyrir framan sig. Bók Yrsu, Ég man þig, rataði á hvíta tjaldið 2017 og Sigurjón Sighvatson vinnur nú að með bókina Kuldi frá 2012. Meira af slíku virðist á leiðinni, sem Yrsa segir í viðtalinu að leynd hvíli yfir ennþá. Henni finnst hljóðbókin frábært form, en kýs að láta aðra lesa efni frá henni en nýta frekar tímann sjálf til að semja nýtt efni.

Hallgrímur Thorsteinsson er einn ástsælasti fjölmiðlamaður Íslendinga. Í nýrri hlaðvarpsseríu, Segðu mér sögu með Halla Thorst, kynnir hann hlustendur Storytel fyrir höfundum okkar vinsælustu bóka. Einstaklega skemmtilegir og vandaðir viðtalsþættir sem sannir bókaunnendur ættu ekki að láta fram hjá sér fara.

Yrsa Sigurðardóttir

Jóhann Sigurðarson er einn af ástsælustu leikurum þjóðarinnar. Frammistaða hans hefur hrifið jafnt gesti Þjóðleikhússins sem og börn heima í stofu sem dolfallin hafa heyrt hann bregða sér í allra kvikinda gervi í talsettu barnaefni. Svo er hann líka góður söngvari. En hér förum við með Jóhann yfir nýjasta afrekið: Frábæran flutning hans á Harry Potter bókunum eftir J.K. Rowling sem finna má hér á Storytel.

Hallgrímur Thorsteinsson er einn ástsælasti fjölmiðlamaður Íslendinga. Í nýrri hlaðvarpsseríu, Segðu mér sögu með Halla Thorst, kynnir hann hlustendur Storytel fyrir höfundum okkar vinsælustu bóka. Einstaklega skemmtilegir og vandaðir viðtalsþættir sem sannir bókaunnendur ættu ekki að láta fram hjá sér fara.

Jóhann Sigurðarson

Eygló Hilmarsdóttir er alin upp í leikhúsinu. Hún er dóttir Sóleyjar Elíasdóttur og Hilmars Jónssonar, leikara og stofnenda Hafnarfjarðarleikhússins og man eftir sér sem barni á fjölunum þar. 

Nú er hún sjálf stigin á stóra sviðið og hefur við góðan orðstí verið að leika aðalhlutverk í Jónsmessunæturdraumi eftir William Shakespeare í Þjóðleikhúsinu. Eygló ræðst semsagt ekki á garðinn þar sem hann er lægstur.

Eygló er nýr lesari hjá Storytel og vinnur þessa stundina við lestur á nýrri seríu sem kynnt verður með sumrinu. Spennandi!

Eygló Hilmarsdóttir

Sólveig Arnarsdóttir hefur um langt skeið spilað í meistaradeild íslenskra leikara og hefur heillað áhorfendur með reglubundnum hætti með magnaðri frammistöðu á sviði, sjónvarpi og kvikmyndum (Ófærð, Lof mér að falla). 

En ekki síst hefur þó vegur hennar í Þýskalandi vaxið í áranna rás þar sem hún telst einnig í fremstu röð. Sama dag og við tókum þetta viðtal höfðu henni borist tíðindi um nýjan hátind ferilsins, sem í raun má líkja við að knattspyrnumaður hefði komist á samning hjá Barcelona. Það hafði verið hringt í hana og hún látin vita að hún hefði verið fastráðin hjá virtasta leikhúsi Þýskalands þar sem hún leikur í opnunar­sýningunni haustið 2019 í Ódys­seifs­kviðu Hómers. Umrætt leikhús er Volksbühne í Ber­lín, sem Sólveig hafði sjálf horft til sem hásæti leiklistarinnar allan sinn feril. 

Sólveig les hljóðbókina Rödd í dvala eftir Dulce Chacon hér á Storytel.

Sólveig Arnarsdóttir

Miðaldasagnaheimur Söndru B. Clausen í seríunni Hjartablóð, ljósblár með sögulegu ívafi, er á ýmsa lund nýstárlegur. En sögur hennar af Magdalenu Ingvarsdóttur, fjölskyldu hennar úr Smálöndum Sviþjóðar, ástum hennar og örlögum fyrir 400 árum, eru um leið kunnuglegar, því hjartalag mannanna hefur lítið breyst. Hjartablóðsserían í flutningi Álfrúnar Helgu Örnólfsdóttur njóta mikilla vinsælda hér á Storytel.

Hallgrímur Thorsteinsson er einn ástsælasti fjölmiðlamaður Íslendinga. Í nýrri hlaðvarpsseríu, Segðu mér sögu með Halla Thorst, kynnir hann hlustendur Storytel fyrir höfundum okkar vinsælustu bóka. Einstaklega skemmtilegir og vandaðir viðtalsþættir sem sannir bókaunnendur ættu ekki að láta fram hjá sér fara.

Sandra B. Clausen

Bækur Sólveigar Pálsdóttur um Guðgeir lögreglumann hafa slegið í gegn á undanförnum árum, en sú nýjasta, Refurinn, kom út árið 2018 við frábærar undirtektir lesenda, Sólveig les sjálf útgáfuna hér á Storytel. Alls eru bækurnar um Guðgeir orðnar fjórar en áður en Sólveig sneri sér að ritstörfum starfaði hún við útvarps-og sjónvarpsleik, vann við talsetningar og ýmis önnur leiklistartengd störf sem hún grípur enn í. Þá vann Sólveig lengi við dagskrárgerð í útvarpi og að ýmsum menningarmálum. Auk þess var hún framhaldsskólakennari í 17 ár.

Sólveig segir að umfjöllunarefnið í Refnum, innflytjendur í íslensku samfélagi, sé gíðarlega áhugavert en líka viðkvæmt. Hún kynntist lífi innflytjenda í kennarastarfinu þegar hún aðstoðaði útlendinga við að ná tökum á íslenskum veruleika.

Hallgrímur Thorsteinsson er einn ástsælasti fjölmiðlamaður Íslendinga. Í nýrri hlaðvarpsseríu, Segðu mér sögu með Halla Thorst, kynnir hann hlustendur Storytel fyrir höfundum okkar vinsælustu bóka. Einstaklega skemmtilegir og vandaðir viðtalsþættir sem sannir bókaunnendur ættu ekki að láta fram hjá sér fara.

Sólveig Pálsdóttir

Ragnar Jónasson er lögfræðingur að mennt og starfar sem slíkur í fjármálaheiminum. Honum skaut hratt upp á vinsældarlista glæpasagnanna með skáldsögum sínum um þau Ara Þór lögreglumann og Huldu. Fyrsta bókin, Fölsk nóta, kom út árið 2009 og sú nýjasta og 11. í röðinni Þorpið, haustið 2018. Eins hefur Ragnar þýtt fjórtán skáldsögur Agöthu Christie á íslensku en þar á meðal eru bækurnar um Hercule Poirot sem eru væntanlegar á Storytel í lestri Arnar Árnasonar.

Viðtalið var tekið í Iðnó haustið 2018 á glæpasagnahátíðinni Iceland Noir en þar segir Ragnar að hann hafi viljað hvíla seríurnar um Ara og Huldu í nýjustu bókinni og hafa hana staka í höfundarverkinu.

Ferillinn hefur æxlast þannig hjá Ragnari að Frakkland er orðinn hans stærsti markaður. Ragnar segir að nú þurfi hann að fara að læra frönsku, því vinsældunum fylgja auknar kröfur um að hann hitti lesendur sína og kynni bækur sínar þar.

Hallgrímur Thorsteinsson er einn ástsælasti fjölmiðlamaður Íslendinga. Í nýrri hlaðvarpsseríu, Segðu mér sögu með Halla Thorst, kynnir hann hlustendur Storytel fyrir höfundum okkar vinsælustu bóka. Einstaklega skemmtilegir og vandaðir viðtalsþættir sem sannir bókaunnendur ættu ekki að láta fram hjá sér fara.

Ragnar Jónasson

Hinn landsþekkti leikari Guðmundur Ólafsson er jafnframt vinsæll rithöfundur og sá eini sem tvisvar hefur hlotið Íslensku barnabókaverðlaunin. Í fyrra skiptið 1986 fyrir bókina Emil og Skundi og það síðara 1998 fyrir Heljarstökk afturábak. Krakkar á öllum aldri nutu líka listilegrar frásagnargáfu hans í talsettu barnaefni á Stöð 2 í áratugi. Hér á Storytel má m.a. hlýða á einstakan flutning hans á sögunum um Emil og Skunda.

Hallgrímur Thorsteinsson er einn ástsælasti fjölmiðlamaður Íslendinga. Í nýrri hlaðvarpsseríu, Segðu mér sögu með Halla Thorst, kynnir hann hlustendur Storytel fyrir höfundum okkar vinsælustu bóka. Einstaklega skemmtilegir og vandaðir viðtalsþættir sem sannir bókaunnendur ættu ekki að láta fram hjá sér fara.

Guðmundur Ólafsson

Kristján Hreinsson, oft kallaður Skerjafjarðarskáld, er skáld og heimspekingur. Hann hefur einkum sent frá sér ljóðabækur en líka skáldsögur og samið leikrit, smásögur og söngtexta og verið trúbadúr. Við förum þess vegna vítt og breitt í spjallinu við Kristján, en mest tölum við um íslenska tungu sem Kristján segir vera í dauðateygjunum. Íslensk tunga hefur markvisst verið eyðilögð, sagði hann í blaðagrein sumarið 2017, sem vakti talsverða athygli og umræður. Hér á Storytel finnum við meðal annars bók Kristjáns um Pétur Kristjánsson poppara í frábærum flutningi Gísla Rúnars Jónssonar.

Kristján Hreinsson

Davíð Logi Sigurðsson er fjórði gestur Halla Thorst í Segðu mér sögu. Davíð Logi hefur starfað sem blaðamaður og í utanríkisráðuneytinu, en í bókum sínum fléttar hann sagnfræði og skáldskap saman á listilegan hátt. Ærumissir kom út árið 2018 og segir frá örlögum sýslumannsins Einars M. Jónassonar sem varð fórnarlamb Jónasar frá Hriflu í mögnuðu valdatafli. Ljósin á Dettifossi sem kom út ári á undan geymir svo magnaða örlagasögu af fólkinu sem barðist fyrir lífi sínu í sjónum, þar á meðal afa höfundarins, þegar þýskir kafbátar sökktu hinum fræga Dettifossi í síðari heimsstyrjöldinni. 

Davíð Logi skýrir meðal annars frá því í viðtalinu hvernig kveikjan að nýju bókinni varð til við rannsóknarvinnuna við bókina um Dettifoss.

Hallgrímur Thorsteinsson er einn ástsælasti fjölmiðlamaður Íslendinga. Í nýrri hlaðvarpsseríu, Segðu mér sögu með Halla Thorst, kynnir hann hlustendur Storytel fyrir höfundum okkar vinsælustu bóka. Einstaklega skemmtilegir og vandaðir viðtalsþættir sem sannir bókaunnendur ættu ekki að láta fram hjá sér fara.

Kristján Hreinsson

Hlustaðu og lestu

Other podcasts you might like ...