App Store

Google Play

is Device Banner Block 894x1036

Stígðu inn í heim af óteljandi sögum

Hlustaðu og lestu

Emil Hjörvar Petersen

Bryndís Freyja Petersen

Systkinin Emil Hjörvar Petersen og Bryndís Freyja Petersen hittast á Skype og hverfa saman yfir í töfraheim Harry Potter-bókanna. Þegar Bryndís var yngri las hún bækurnar spjaldanna á milli en Emil er að lesa þær í fyrsta skipti, og því er Pottersen hlaðvarp bæði fyrir Potter-sérfræðinga og nýgræðinga.

Pottersen

Nú fara hlutirnir að gerast. Töfrarnir umsveipa Emil og Bryndísi. Harry Potter er byrjaður í Hogwarts, hann eignast vini og óvini og kemst að því að ekki er allt með felldu innan veggja galdraskólans, eitthvað sem mögulega tengist því sem reynt var að ræna úr Gringott-bankanum. Er töfradrykkjakennarinn dularfulli Snape á höttunum eftir því? Harry og Ron bjarga Hermione frá fjallatrölli, hún lýgur síðan blákalt að kennurunum og upp frá því verða þau það tríó sem við öll þekkjum. Æsispennandi Quidditch-leikir fara fram, draumaspegill sýnir innstu þrár og unga galdrafólkið lærir sífellt meira um hversu megnugt það er. Emil og Bryndís velta vöngum yfir allskonar atriðum og tengingum, sérstaklega hvað varðar ósæmilega hegðun Harrys; hvort hann eigi sér myrkar hliðar sem hann þarf síðar að takast á við.

Pottersen: 02 – Galdrar, skætingur og blekkingar!

Systkinin Emil Hjörvar Petersen og Bryndís Freyja Petersen hittast á Skype og hverfa saman yfir í töfraheim Harry Potter-bókanna. Þegar Bryndís var yngri las hún bækurnar spjaldanna á milli en Emil er að lesa þær í fyrsta skipti, og því er Pottersen hlaðvarp bæði fyrir Potter-sérfræðinga og nýgræðinga. Í þessum fyrsta þætti segir Bryndís m.a. frá því hversu gagntekin hún var af bókunum, Emil veltir fyrir sér hversu skemmdur Harry hlýtur að vera eftir að hafa alist upp við svo skelfilegar aðstæður, pælingar um kynningu á söguheiminum eru áberandi, rætt er um mállýsku Hagrids og fitufordóma gagnvart Dursley-hjónunum, tæpt er á því hversu gott er að nöfn persóna voru ekki þýdd, því annars hefðum við Harald Pétursson, Rónald Vestmann og Hermínu Grundfjörð. Og margt fleira.

Pottersen: 01 – Sagan hefst

Emil og Bryndís ræða kafla 29-31 í Harry Potter og dauðadjásnunum. Það er allt að verða vitlaust. Miklir endurfundir verða í Hogwarts þegar Harry, Ron og Hermione laumast þangað til þess að finna helkross, en það kemst upp. Voldemort er á leiðinni, hann mun gera allt til að stöðva galdradrenginn. McGonagall hrindir af stað varnaráætlunum því heljarinnar bardagi er í uppsiglingu. Allir leggja sitt af mörkum svo Harry takist ætlunarverkið, en það kostar sitt. Góðkunnar persónur eru byrjaðar að falla í valinn …

Nú er Pottersen komið á Twitter: https://twitter.com/harrypottersen

Pottersen: 41 – Átök í Hogwarts

Nú er farið að styttast í sögulok. Emil og Bryndís ræða kafla 32-34 í Harry Potter og dauðadjásnunum. Eftir að góðkunnar persónur falla í bardaganum um Hogwarts vilja Harry og félagar fara beint til Voldemorts og eyðilegga síðasta helkrossinn. Í Draugakofanum fylgjumst við með örlögum Snapes. Harry fær minningar frá honum og loks fáum við að vita hver Snape er í raun og veru. Harry kemst að því hvað honum er raunverulega ætlað að gera. Einsamall mætir hann Voldemort í Forboðna skóginum …

Pottersen: 42 – Hver er Snape?

Pottersen-systkinin Emil og Bryndís hafa nú lesið og rætt í þaula allar Harry Potter-bækurnar sjö! Í þessum þætti liggja kaflar 35-36 og eftirmálinn fyrir. Harry hittir Dumbledore á óræðum stað milli lífs og dauða þar sem þeir ræða málin. Þeir kveðjast í hinsta sinn og Harry vaknar aftur í Forboðna skóginum. Lokaátökin eiga sér stað í Hogwarts, enginn er tilbúinn til að gefast upp fyrir Voldemort. Örlög Trevors Delgome eru ráðin. Nítján árum eftir bardagann hittum við söguhetjurnar aftur þar sem ný kynslóð galdramanna og norna heldur af stað með Hogwarts-lestinni. Sögunni um galdrastrákinn er lokið, en hlaðvarpið Pottersen mun halda áfram innan tíðar með frekari umræðum um galdraheiminn.

Pottersen er á Twitter: https://twitter.com/harrypottersen

Pottersen: 43 – Sögulok

Gunnar Logi Guðrúnarson er 11 ára Akureyringur. Hann er Pottersérfræðingur, hann hefur lesið bækurnar margsinnis og hlustað á alla Pottersen-þættina. Emil og Bryndís spjölluðu við hann á Skype um áhuga hans og þau fræddust um leið, því Gunnar er að vonum margfróður um heiminn. Á meðan á spjallinu stóð var ákveðið að næst skyldu Pottersen-systkinin lesa og ræða leikritið Harry Potter og bölvun barnsins. Pottersen þakkar Gunnari Loga kærlega fyrir skemmtilegt spjall.

Pottersen: 44 – Gestaþáttur ‒ Gunnar Logi, 11 ára Potter-aðdáandi

Pottersen-systkinin Emil og Bryndís hefja lestur á Harry Potter og bölvun barnsins, leikritinu sem gefið var út á bók. Fyrsti þáttur (Act I) er nú til umræðu. Þetta er áttunda sagan um Harry og félaga og hún hefst nítján árum eftir fall Voldemorts. Sagan hverfist samt ekki um Harry, heldur er aðalpersónan yngri sonur hans, Albus Severus Potter. Ólíkt pabba sínum og stóra bróður gengur Albusi illa í Hogwarts, hann er valinn í Slytherin-heimavistina og finnst hann einskis nýtur. Smám saman fjarlægist Albus fjölskyldu sína og vingast við Scorpius Malfoy, son Dracos. Harry starfar í galdramálaráðuneytinu og Hermione er galdramálaráðaherra. Þau hafa fundið fyrir breytingum innan galdraheimsins, Harry gerði ólöglegan tímabreyti upptækan og hann finnur til í örinu. Svo virðist sem friðurinn sé brátt úti. Til að bæta gráu ofan á svart rífast feðgarnir, Albus og Harry, heiftarlega og það lítur út fyrir að það muni hafa afdrifaríkar afleiðingar.

Pottersen: 45 – Bölvun barnsins

Emil og Bryndís ræða þátt þrjú í leikritinu Harry Potter og bölvun barnsins. Scorpius Malfoy er staddur í versta galdraheimi sem hægt er að hugsa sér. Tímaflakk hans og Albusar Potters fór algjörlega úr böndunum. Scorpius leitar aðstoðar Hermione, Rons og Snapes, en hann er á lífi í þessum heimi. Þrátt fyrir að þeim takist að leiðrétta mistökin hrannast vandamálin upp að nýju. Við komumst meðal annars að því að Delphi Diggory hefur stýrt atburðarásinni og er víst alls ekki Diggory. En hver er hún þá?

Pottersen: 47 – Myrk hliðarveröld

Emil og Bryndís ræða þátt tvö í leikritinu Harry Potter og bölvun barnsins. Ólíkt feðrum sínum eru Albus Potter og Scorpious Malfoy orðnir perluvinir, sem Harry líst ekkert á. Hann finnur til í örinu, myrku öflin eru farin að láta á sér kræla á ný og hann telur þau tengjast Malfoy-stráknum. Tvisvar ferðast strákarnir aftur í tímann í von um að bjarga Cedric Diggory frá dauða, en þegar aftur er snúið hefur býsna margt breyst. Þeir hafa umturnað veröldinni og annar þeirra eyddi í raun eigin tilvist. Það verður afar spennandi að sjá hvert framhaldið verður í næsta þætti leikritsins …

Pottersen: 46 – Skaðlegt tímaflakk

Emil og Bryndís ræða þátt fjögur í leikritinu Harry Potter og bölvun barnsins. Albus og Scorpius eru fastir í Godricsdal árið 1981, skömmu áður en Voldemort myrðir James og Lily Potter. Þeim tekst að koma skilaboðum til nútímans og gamla gengið Harry, Hermione, Ron, Ginny og Draco mæta á staðinn til að stöðva Delphi, dóttur Myrkrahöfðingjans. Pottersen lýkur nú för sinni í gegnum galdraheiminn og kveður með kærri þökk til hlustenda.

Pottersen: 48 – Lokaþáttur

Já, það er allt að verða vitlaust! Fyrir þennan þátt lásu Emil og Bryndís kafla 28-32 í Harry Potter og Fönixreglunni og eiga nú í fullu fangi með að ræða það sem gengur á. Dumbledore hefur verið hrakinn úr Hogwarts, hin kvalaþyrsta Umbridge er orðin skólastýra, Snape sturlast þegar Harry hnýsist í minningar hans og kemst að því að faðir hans var ekki jafn fullkominn og hann hafði haldið, Hagrid sýnir hvað hann hefur að fela í Forboðna skóginum og skömmu síðar er ráðist á hann, McConagall fær fjórföld rænuleysisálög á sig og er send á Sanktí Mungó sjúkrahúsið, Fred og George taka afdrifaríka ákvörðun, U.G.L.u prófin standa yfir, í draumi sér Harry guðföður sinn pyntaðan, hann heldur að enginn úr Fönixreglunni sé eftir í Hogwarts sem getur aðstoðað sig ‒ en jú, það er nefnilega einn eftir …

Pottersen: 24 – Allt að verða vitlaust

Hlustaðu og lestu

Other podcasts you might like ...