App Store

Google Play

is Device Banner Block 894x1036

Stígðu inn í heim af óteljandi sögum

Hlustaðu og lestu

Hallgrímur Thorsteinsson

Skemmtilegir og vandaðir viðtalsþættir sem sannir bókaunnendur ættu ekki að láta fram hjá sér fara..

Segðu mér sögu

Yrsa Sigurðardóttir er fyrsti gesturinn í Segðu mér sögu með Halla Thorst. Viðtalið var tekið í Iðnó í haust á glæpasagnahátiðinni Iceland Noir, þar sem Yrsa hefur verið ein helsta driffjöðurin. 

Yrsa hóf feril sinn sem barnabókahöfundur en er nú þekktari sem „glæpasagnadrottning“ Íslendinga. Bækur hennar hafa slegið í gegn bæði hérlendis og úti í heimi, hvort sem það eru bækurnar um Þóru Guðmundsdóttur lögmann sem hafa farið sigurför á heiminn eða hennar nýrri titlar um Huldar og Freyju sem gefa fyrri bókum ekkert eftir.

Yrsa segist ekki þurfa sérstakt næði til skrifa, skrifar oft upp í sófa og finnst best að hafa hryllingsmyndir á skjánum fyrir framan sig. Bók Yrsu, Ég man þig, rataði á hvíta tjaldið 2017 og Sigurjón Sighvatson vinnur nú að með bókina Kuldi frá 2012. Meira af slíku virðist á leiðinni, sem Yrsa segir í viðtalinu að leynd hvíli yfir ennþá. Henni finnst hljóðbókin frábært form, en kýs að láta aðra lesa efni frá henni en nýta frekar tímann sjálf til að semja nýtt efni.

Hallgrímur Thorsteinsson er einn ástsælasti fjölmiðlamaður Íslendinga. Í nýrri hlaðvarpsseríu, Segðu mér sögu með Halla Thorst, kynnir hann hlustendur Storytel fyrir höfundum okkar vinsælustu bóka. Einstaklega skemmtilegir og vandaðir viðtalsþættir sem sannir bókaunnendur ættu ekki að láta fram hjá sér fara.

Yrsa Sigurðardóttir

Við hittum einn af nýliðunum í hópi íslenskra glæpasagnahöfunda, Evu Björg Ægisdóttur, á Iceland Noir bókmenntahátíðinni í Iðnó haustið 2018. Eva Björg er 29 ára þriggja barna móðir með meistarapróf í hnattvæðingu. 

Hún sendi frá sér sína fyrstu bók í fyrra, Marrið í stiganum, og var fyrst til að hljóta Svartfuglinn, ný verðlaun sem veitt eru fyrir fyrstu bók höfundar og Yrsa Sigurðardóttir og Ragnar Jónsson stofnuðu í fyrra.

Marrið í stiganum má hlusta á hér á Storytel í flutningi Írisar Tönju Flygenring, en Eva Björg segir nýja bók þegar vera í smíðum.

Eva Björg Ægisdóttir

Árni Beinteinn Árnason byrjaði bráðungur í leiklistinni og leikstýrði sinni fyrstu kvikmynd aðeins 13 ára gamall og fór með hana á kvikmyndahátíð í Hollandi. 

Árni Beinteinn les sögur Kristjáns Hreinssonar um Afa ullarsokk og fleiri barnabækur hér á Storytel á milli þess sem hann þeytist landshorna á milli með leikhópunum Frú Normu og leikstýrir skólasýningum með næstu kynslóð leikara.

Hér segir hann líka söguna af Disney mómentinu sínu sem var þegar hann fór á hnén og bað unnustu sinnar í Disney World í Orlando á Flórída.

Árni Beinteinn Árnason

Stefán Benedikt steig fyrst á svið á unglingsárunum en útskrifaðist sem leikari frá LHÍ 2009. Segja má að síðan hafi hann verið á þeytingi með leikhópunum Frú Normu og Munaðarleysingjum. 

Hann hefur komið að stofnun ýmissa hátíða og viðburða, m.a. LungA hátíðinni á Seyðisfirði. Listahátíð ungs fólks á Austurlandi, sem hefur undið upp á sig með hverju árinu og verður sífellt alþjóðlegri.

Stefán er mjög virkur í vinnu með börnum og unglingum og hefur kennt götuleikhús, sirkuslistir, framkomu og leiklist hjá skólum, leikfélögum og hópum um allt land. 

Á Storytel má m.a. heyra Stefán Benedilt lesa metsölubækurnar í Bartimæusþríleiknum eftir Jonathan Stroud sem fjalla um galdramannasamfélg í London nútímans, en líka bók Stefáns Mána, Nóttin Langa.

Stefán Benedikt Vilhelmsson

Sólveig Arnarsdóttir hefur um langt skeið spilað í meistaradeild íslenskra leikara og hefur heillað áhorfendur með reglubundnum hætti með magnaðri frammistöðu á sviði, sjónvarpi og kvikmyndum (Ófærð, Lof mér að falla). 

En ekki síst hefur þó vegur hennar í Þýskalandi vaxið í áranna rás þar sem hún telst einnig í fremstu röð. Sama dag og við tókum þetta viðtal höfðu henni borist tíðindi um nýjan hátind ferilsins, sem í raun má líkja við að knattspyrnumaður hefði komist á samning hjá Barcelona. Það hafði verið hringt í hana og hún látin vita að hún hefði verið fastráðin hjá virtasta leikhúsi Þýskalands þar sem hún leikur í opnunar­sýningunni haustið 2019 í Ódys­seifs­kviðu Hómers. Umrætt leikhús er Volksbühne í Ber­lín, sem Sólveig hafði sjálf horft til sem hásæti leiklistarinnar allan sinn feril. 

Sólveig les hljóðbókina Rödd í dvala eftir Dulce Chacon hér á Storytel.

Sólveig Arnarsdóttir

Jóhann Sigurðarson er einn af ástsælustu leikurum þjóðarinnar. Frammistaða hans hefur hrifið jafnt gesti Þjóðleikhússins sem og börn heima í stofu sem dolfallin hafa heyrt hann bregða sér í allra kvikinda gervi í talsettu barnaefni. Svo er hann líka góður söngvari. En hér förum við með Jóhann yfir nýjasta afrekið: Frábæran flutning hans á Harry Potter bókunum eftir J.K. Rowling sem finna má hér á Storytel.

Hallgrímur Thorsteinsson er einn ástsælasti fjölmiðlamaður Íslendinga. Í nýrri hlaðvarpsseríu, Segðu mér sögu með Halla Thorst, kynnir hann hlustendur Storytel fyrir höfundum okkar vinsælustu bóka. Einstaklega skemmtilegir og vandaðir viðtalsþættir sem sannir bókaunnendur ættu ekki að láta fram hjá sér fara.

Jóhann Sigurðarson

Miðaldasagnaheimur Söndru B. Clausen í seríunni Hjartablóð, ljósblár með sögulegu ívafi, er á ýmsa lund nýstárlegur. En sögur hennar af Magdalenu Ingvarsdóttur, fjölskyldu hennar úr Smálöndum Sviþjóðar, ástum hennar og örlögum fyrir 400 árum, eru um leið kunnuglegar, því hjartalag mannanna hefur lítið breyst. Hjartablóðsserían í flutningi Álfrúnar Helgu Örnólfsdóttur njóta mikilla vinsælda hér á Storytel.

Hallgrímur Thorsteinsson er einn ástsælasti fjölmiðlamaður Íslendinga. Í nýrri hlaðvarpsseríu, Segðu mér sögu með Halla Thorst, kynnir hann hlustendur Storytel fyrir höfundum okkar vinsælustu bóka. Einstaklega skemmtilegir og vandaðir viðtalsþættir sem sannir bókaunnendur ættu ekki að láta fram hjá sér fara.

Sandra B. Clausen

Bækur Sólveigar Pálsdóttur um Guðgeir lögreglumann hafa slegið í gegn á undanförnum árum, en sú nýjasta, Refurinn, kom út árið 2018 við frábærar undirtektir lesenda, Sólveig les sjálf útgáfuna hér á Storytel. Alls eru bækurnar um Guðgeir orðnar fjórar en áður en Sólveig sneri sér að ritstörfum starfaði hún við útvarps-og sjónvarpsleik, vann við talsetningar og ýmis önnur leiklistartengd störf sem hún grípur enn í. Þá vann Sólveig lengi við dagskrárgerð í útvarpi og að ýmsum menningarmálum. Auk þess var hún framhaldsskólakennari í 17 ár.

Sólveig segir að umfjöllunarefnið í Refnum, innflytjendur í íslensku samfélagi, sé gíðarlega áhugavert en líka viðkvæmt. Hún kynntist lífi innflytjenda í kennarastarfinu þegar hún aðstoðaði útlendinga við að ná tökum á íslenskum veruleika.

Hallgrímur Thorsteinsson er einn ástsælasti fjölmiðlamaður Íslendinga. Í nýrri hlaðvarpsseríu, Segðu mér sögu með Halla Thorst, kynnir hann hlustendur Storytel fyrir höfundum okkar vinsælustu bóka. Einstaklega skemmtilegir og vandaðir viðtalsþættir sem sannir bókaunnendur ættu ekki að láta fram hjá sér fara.

Sólveig Pálsdóttir

Ragnar Jónasson er lögfræðingur að mennt og starfar sem slíkur í fjármálaheiminum. Honum skaut hratt upp á vinsældarlista glæpasagnanna með skáldsögum sínum um þau Ara Þór lögreglumann og Huldu. Fyrsta bókin, Fölsk nóta, kom út árið 2009 og sú nýjasta og 11. í röðinni Þorpið, haustið 2018. Eins hefur Ragnar þýtt fjórtán skáldsögur Agöthu Christie á íslensku en þar á meðal eru bækurnar um Hercule Poirot sem eru væntanlegar á Storytel í lestri Arnar Árnasonar.

Viðtalið var tekið í Iðnó haustið 2018 á glæpasagnahátíðinni Iceland Noir en þar segir Ragnar að hann hafi viljað hvíla seríurnar um Ara og Huldu í nýjustu bókinni og hafa hana staka í höfundarverkinu.

Ferillinn hefur æxlast þannig hjá Ragnari að Frakkland er orðinn hans stærsti markaður. Ragnar segir að nú þurfi hann að fara að læra frönsku, því vinsældunum fylgja auknar kröfur um að hann hitti lesendur sína og kynni bækur sínar þar.

Hallgrímur Thorsteinsson er einn ástsælasti fjölmiðlamaður Íslendinga. Í nýrri hlaðvarpsseríu, Segðu mér sögu með Halla Thorst, kynnir hann hlustendur Storytel fyrir höfundum okkar vinsælustu bóka. Einstaklega skemmtilegir og vandaðir viðtalsþættir sem sannir bókaunnendur ættu ekki að láta fram hjá sér fara.

Ragnar Jónasson

Hinn landsþekkti leikari Guðmundur Ólafsson er jafnframt vinsæll rithöfundur og sá eini sem tvisvar hefur hlotið Íslensku barnabókaverðlaunin. Í fyrra skiptið 1986 fyrir bókina Emil og Skundi og það síðara 1998 fyrir Heljarstökk afturábak. Krakkar á öllum aldri nutu líka listilegrar frásagnargáfu hans í talsettu barnaefni á Stöð 2 í áratugi. Hér á Storytel má m.a. hlýða á einstakan flutning hans á sögunum um Emil og Skunda.

Hallgrímur Thorsteinsson er einn ástsælasti fjölmiðlamaður Íslendinga. Í nýrri hlaðvarpsseríu, Segðu mér sögu með Halla Thorst, kynnir hann hlustendur Storytel fyrir höfundum okkar vinsælustu bóka. Einstaklega skemmtilegir og vandaðir viðtalsþættir sem sannir bókaunnendur ættu ekki að láta fram hjá sér fara.

Sólveig Arnarsdóttir

Hlustaðu og lestu

Other podcasts you might like ...