Ískisur: 60 – Ókindin II

Aðvörun: Ísfólkið er létterótískur bókabálkur og þ. a. l. er stundum rætt hispurslaust um kynlíf og önnur viðkvæm málefni í þáttunum. En verið hjartanlega velboðin í þetta ruglingslega ferðalag með okkur!

----- Í seinni hluta 30. bókarinnar um Ísfólkið er líf Ísfólksins mikið farið að snúast um Úlfar og erfiðleikana í kringum hann. Henning er orðinn stór og finnur ástina en þó að ástin beri ávöxt færir hún honum ekki hamingju. Malín verður líka ástfangin af Pétri Volden en það er þungur baggi að bera að vera stjúpfaðir Úlfars.

Er Margit Captain Obvious? Er Úlfar x-rated útgáfan af Denna dæmalausa? Er Lúsífer vondur eða góður gæi? Er Lúsífer mikið á Austfjörðum? Er Lúsífer og jólasveinninn sami maðurinn? Eru menn með stór hjörtu með góða blóðrás? Hvernig veit maður hvort að nýfædda barnið sitt sé með innri ró og frið? Verður einhvern tímann hægt að hætta að rífast um stöngin inn / stöngin út? Eru úlfar góðar barnapíur?

Kisa vikunnar er Lööp kisi.

ÍSKISUR - angra aldrei bændur né skrifstofufólk.