Í þessum þætti talar Ástvaldur Zenki um algildan huga og afstæðan huga sem eru mikilvæg hugtök í búddískri kennslu. Búddismi byggir ekki á hugmyndum eða hugmyndakerfi og er ekki heimspeki eða aðferð til að breyta neinu. Hvað er búddismi þá?

Þjáningin er okkur mönnunum hugleikin og margir vilja losna undan henni sem eðlilegt er. Ástvaldur Zenki segir frá þremur rótum mannlegrar þjáningar og hvernig Búdda leit á mannlega þjáningu.

Þáttaröðin Að snerta hughjartað fjallar um Zen búddisma og Zen hugleiðsluiðkun og það hvernig reglubundin hugleiðsla getur hjálpað okkur til að lifa, innihaldsríku og gefandi lífi.

Ástvaldur Zenki Traustason hefur stundað Zen hugleiðslu undir handleiðslu bandaríska Zenmeistarans Jakusho Kwong Roshi síðan 1998. Árið 2018 hlaut Ástvaldur *dharma transmission* frá Kwong Roshi en í slíkri athöfn afhendir kennari kennsluna til nemanda síns eins og það hefur verið gert í meira en 2500 ár. Ástvaldur Zenki hefur auk þess fengið þjálfun í Japan og árið 2019 hlaut hann vígslu í tveimur af stærstu klaustrum Zen búddismans í Japan: Sojiji og Eiheiji.

Zenki, eins og hann er jafnan kallaður, er nú kennari Zen á Íslandi-Nátthaga og deilir hér með okkur lífsýn Zen búddismans sem löngum hefur verið sveipuð leyndadómsfullri dulúð.