App Store

Google Play

is Device Banner Block 894x1036

Stígðu inn í heim af óteljandi sögum

Hlustaðu og lestu

Vikan

Lífsreynslusögur Vikunnar

Guðrún Óla, blaðamaður hjá Vikunni, les upp lífsreynslusögur sem sendar hafa verið inn í blaðið í gegnum tíðina, en hér er sannleikurinn lyginni líkastur! Ekkert er gefið eftir og sögurnar eru jafn ólíkar og þær eru margar. Í þessum þætti fáum við að heyra eftirfarandi frásagnir:

– Kærasta til vara ... :
„Kærastinn minn sleit sambandi okkar en við höfðum verið saman í þrjú ár. Þetta var mikið áfall en þegar samband okkar hélst að mestu óbreytt leyfði ég mér að vona að honum snerist hugur og allt yrði sem áður.“

– Kærleiksheimilið:
„Í æsku man ég eftir nokkrum mæðrum vinkvenna minna, konum sem ég óttaðist svolítið. Móðir mín var aftur á móti elskuð og dáð af vinkonum mínum, enda alltaf hress og skemmtileg. Ef þær hefðu bara vitað hvernig hún var í raun og veru.“
 
– Vildi hætta að hata bróður minn:
„Æskuár mín voru erfið og í skugga ofbeldis sem bróðir minn beitti mig en hann tók eigin vanlíðan og gremju út á litlu systur sinni. Ég náði ekki að verða hamingjusöm sem fullorðin manneskja fyrr en ég gat talað um þessi mál við bróður minn.“ 

– Söknuður:
„Ég er alin upp erlendis og flutti til Íslands á unglingsárunum þegar mamma skildi við stjúpföður minn. Allt samband rofnaði við hann og fjölskyldu hans og það var ekki fyrr en mamma dó sem ég hóf leit að þessu eina föðurfólki sem ég hef átt.“

– Einu sinni skíthæll ... :
„Ég var í heimavistarskóla fyrir aldarfjórðungi og kynntist strák sem reyndist vera algjör skíthæll. Nýlega frétti ég af honum og komst að því að hann hefur ekkert breyst.“

Lífsreynslusögur Vikunnar: 105

Guðrún Óla, blaðamaður hjá Vikunni, les upp lífsreynslusögur sem sendar hafa verið inn í blaðið í gegnum tíðina, en hér er sannleikurinn lyginni líkastur! Ekkert er gefið eftir og sögurnar eru jafn ólíkar og þær eru margar. Í þessum þætti fáum við að heyra eftirfarandi frásagnir:

– Örlagarík kvöldganga:
„Góður vinur minn brá sér út á lífið eitt kvöldið fyrir mörgum árum. Ef hann hefði rennt í grun hversu mikið saklaus kvöldganga myndi breyta lífi hans hefði hann setið heima.“

– Viltu ganga með barn fyrir mig?:
„Ég átti í ástarsambandi við mann fyrir um áratug. Eftir því sem ég kynntist honum og þeim heimi sem hann lifði í betur fylltist ég meiri furðu og þegar hann gerði mér undarlegt tilboð var mér allri lokið.“
 
– Undir vökulum augum:
„Í leit að ró og tilbreytingu frá erilsömum lífsstíl fluttist Birna úr borg í sveit. En áhyggjulaust líf var ekki það sem beið hennar því hún festist í vef atburðarásar sem átti eftir að valda henni mun meira álagi en borgarlífið hafði nokkurn tímann gert.“ 

– Röng leið:
„Ég drakk mikið á tímabili sem kom öllu lífi mínu úr jafnvægi. Mér leið svo illa með sjálfa mig að ég dreif mig loks í meðferð. Í gegnum AA-samtökin fékk ég löngun til að kynnast Guði betur og gekk í trúarsöfnuð.“

– Óþægileg aðstaða:
„Fyrir nokkrum árum bjó ég í frekar hljóðbæru tvíbýlishúsi. Þegar maðurinn í kjallaraíbúðinni fór að leika ljótan leik gagnvart konu sinni varð ég miður mín og fannst erfitt að geta ekkert gert.“

Lífsreynslusögur Vikunnar: 104

Guðrún Óla, blaðamaður hjá Vikunni, les upp lífsreynslusögur sem sendar hafa verið inn í blaðið í gegnum tíðina, en hér er sannleikurinn lyginni líkastur! Ekkert er gefið eftir og sögurnar eru jafn ólíkar og þær eru margar. Í þessum þætti fáum við að heyra eftirfarandi frásagnir:

– Maðurinn minn vildi ekki barnið okkar:
„Við hjónin áttum fjögur yndisleg börn, þrjú stálpuð og eitt tveggja ára, þegar ég varð óvænt ófrísk. Ég var heimavinnandi og við höfðum það ágætt fjárhagslega. Viðbrögð eiginmannsins við fjölguninni komu mér illilega á óvart.“

– Ofbeldi leynist víða:
„Oft gerast skelfilegir atburðir í skjóli heimilisins og þótt nágranna gruni kannski að eitthvað sé í gangi vilja þeir ekki skipta sér af. Ég er komin á þá skoðun að hægt væri að bjarga sálarheill margra barna með því einmitt að vera afskiptasamur. Miðað við sífellt fleiri kærur til Barnaverndar held ég að fleiri séu á sama máli.“
 
– Erfið ákvörðun:
„Ég hélt að ég þekkti manninn minn orðið vel eftir tíu ára farsælt hjónaband. Það reyndist ekki vera alveg rétt og þegar hann hafnaði barni mínu úr fyrra hjónabandi kom það mér illilega á óvart.“ 

– Í leit að lífshamingju:
„Æska mín var einmanaleg og oft erfið og fékk ég mun meiri hlýju frá foreldrum vina minna en mínum eigin. Strax á unglingsárunum ákvað ég að eignast sjálf stóra og samheldna fjölskyldu þegar ég yrði fullorðin. Það reyndist þó þrautin þyngri.“

– Lygaflækja:
Þegar þeir atburðir gerðust sem ég ætla að segja frá bjó ég ein með syni mínum í lítilli íbúð á góðum stað í Reykjavík. Ég var í námi og hann á leikskóla. Eftir skilnað við föður drengsins var ég um tíma í sambandi sem gekk ekki upp vegna þess að ég uppgötvaði að ég hafði einungis farið inn í það samband til að fá huggun í þeirri vanlíðan sem skilnaðurinn við barnsföður minn olli mér.“

Lífsreynslusögur Vikunnar: 103

Guðrún Óla, blaðamaður hjá Vikunni, les upp lífsreynslusögur sem sendar hafa verið inn í blaðið í gegnum tíðina, en hér er sannleikurinn lyginni líkastur! Ekkert er gefið eftir og sögurnar eru jafn ólíkar og þær eru margar. Í þessum þætti fáum við að heyra eftirfarandi frásagnir:

- Auðmýkjandi sambandsslit:
„Eftir tæplega 15 ára samband ákvað sambýliskona mín að hún væri búin að fá nóg af mér og sagðist vilja skilnað. Þetta var mikið áfall og aðferðin sem hún notaði til að tilkynna mér þetta gerði líðan mín ekki betri.“

- Kærastinn af Facebook:
„Ég var enn í sárum eftir erfitt samband við fyrrum kærasta þegar ég kynntist frábærum manni. Öllum í kringum mig leist vel á hann nema mömmu sem tortryggði hann frá fyrstu stundu þótt hann reyndi allt til að geðjast henni.“
 
- Hryllingsforeldrarnir:
„Fyrir nokkrum árum eignaðist ég góða vinkonu. Eftir því sem við kynntumst betur sagði hún mér meira um líf sitt og eftir því sem ég heyrði meira fylltist ég meiri hryllingi. Foreldrar hennar gerðu líf barna sinna að hreinu helvíti.“ 

- Erfitt að treysta:
„Fyrir mörgum árum skildi ég við „eiginmann frá helvíti“. Hann breiddi út óhróður um mig eftir skilnaðinn sem ég hefði líklega seint komist að ef ekki hefði verið fyrir gamla vinkonu sem lék tveimur skjöldum.“

- Að lifa í draumi ...:
„Flestir eiga sér einhverja drauma og reyna að láta þá rætast. Ég átti mína drauma en setti þá á bið og einbeitti mér að draumi mannsins míns.“

Lífsreynslusögur Vikunnar: 100

Lífsreynslusögur Vikunnar eru nýr liður hjá Storytel í samstarfi við Vikuna. Guðrún Óla, blaðamaður hjá Vikunni, les upp lífsreynslusögur sem sendar hafa verið inn í blaðið í gegnum tíðina, en hér er sannleikurinn lyginni líkastur! Ekkert er gefið eftir og sögurnar eru jafn ólíkar og þær eru margar. Í fyrsta þætti fáum við að heyra eftirfarandi frásagnir:

- Frábær föðursystir:
„Ég var aðeins þriggja ára þegar mamma og pabbi skildu. Pabbi minn var drykkjumaður og á skömmum tíma tókst honum að drekka sig frá mannlegu samfélagi. Hann vann í einhverjum skorpum en drakk þess á milli. Hann hafði aldrei samband við mig og ég vissi ekki einu sinni almennilega hver pabbi minn var fyrr en ég var ellefu ára og kynntist föðursystur minni.“

- Ég átti mér engan verndara:
„Mamma var fimmtán ára þegar hún átti mig. Foreldrar hennar ráku hana að heiman en sáu síðar eftir því og buðu henni að koma heim aftur. Mamma vildi ekki þiggja það og sagði að þau yrðu að standa við ákvörðun sína. Við mæðgur vorum því á stöðugum þvælingi allan minn uppvöxt, úr einu húsnæðinu í annað, og ótal karlmenn komu og fóru í lífi okkar. Mamma drakk mikið og ég átti því, ólíkt öðrum börnum, engan verndara eða málsvara til að passa mig.“

- Ástin lék systur mína grátt:
„Yngsta systir mín er áratug yngri en það systkin sem næst henni er í aldri. Hún var alltaf augasteinn okkar hinna og við vildum vernda hana sem best við gátum. Þegar hún kynntist ástinni kom þó fljótlega í ljós að enginn gat verndað hana og oft var erfitt fyrir fjölskylduna að standa hjá meðan hún leysti sín mál sjálf. Því miður er það þó svo að allir verða að reka sig á og enginn getur lifað lífinu fyrir annan.“

- Lygaflækja:
„Þegar þeir atburðir gerðust sem ég ætla að segja frá bjó ég ein með syni mínum í lítilli íbúð á góðum stað í Reykjavík. Ég var í námi og hann á leikskóla. Stundum var ég einmana eins og gengur og gerist en faðir drengsins og ég höfðum skilið nokkru áður. Eftir skilnaðinn var ég um tíma í sambandi sem gekk ekki upp vegna þess að ég uppgötvaði að ég hafði einungis farið inn í það samband til að fá huggun í þeirri vanlíðan sem skilnaðurinn við barnsföður minn olli mér.“

Lífsreynslusögur Vikunnar: 01

Lífsreynslusögur Vikunnar eru nýr liður hjá Storytel í samstarfi við Vikuna. Guðrún Óla, blaðamaður hjá Vikunni, les upp lífsreynslusögur sem sendar hafa verið inn í blaðið í gegnum tíðina, en hér er sannleikurinn lyginni líkastur! Ekkert er gefið eftir og sögurnar eru jafn ólíkar og þær eru margar. Í þessum þætti fáum við að heyra eftirfarandi frásagnir: 

- Einmanaleikinn leiddi mig í ógöngur:
„Ég er einmana maður og hef mjög lítið sjálfstraust. Ég hef reynt ýmsar leiðir til að nálgast hitt kynið, bæði Netið og SMS-skilaboð. Sjálfstraust mitt er það lítið að ég þori ekki að reyna við kvenfólk á djamminu niðri í bæ svo ég fór að reyna aðrar leiðir. Það endaði með því að ég þurfti að leita mér aðstoðar vegna fíknar. Ég var stöðugt á einkamálasíðum og sendi látlaus SMS-skilaboð. Ég veit að þetta hljómar fáránlega en þetta er því miður satt og ég hef eyðilagt mannorð mitt með þessu rugli. Mig langar að segja sögu mína svo hún megi verða öðrum víti til varnaðar.“

- Leyndarmál míns fyrrverandi:
„Fyrir um áratug yfirgaf maðurinn minn mig og fljótlega eftir skilnaðinn fór hann að búa með annarri konu. Ég hélt að hann væri mjög hamingjusamur en annað kom í ljós þegar við hittumst nýlega. Hann opnaði sig fyrir mér og sagði mér m.a. frá stórri ákvörðun sem hann tók. Hvort hann stendur við hana verður þó tíminn að leiða í ljós.“

- Hættulegur fjölskylduráðgjafi:
„Fyrir rúmu ári leitaði vinkona mín til fjölskylduráðgjafa. Erfiðleikar voru í hjónabandinu sem aukin drykkja ásamt ofbeldi hafði sett sinn lit á síðustu mánuðina. Þessi svokallaða meðferð, sem hún og maður hennar fóru í, á lítt skylt við fagmennsku, heldur gerði hjónabandinu illt verra ef eitthvað var.“

- Flúðum undan slúðrinu:
„Fyrir nokkrum árum fékk maðurinn minn tilboð um góða vinnu á litlum stað úti á landi. Menntun mín er þannig að ég á auðvelt með að fá vinnu hvar sem er og þar sem þetta var gott tækifæri fyrir hann ákváðum við að slá til. Bæjarslúðrið var hins vegar svo rosalegt að eftir árið var ég búin að fá nóg og við flúðum til borgarinnar aftur.“

Lífsreynslusögur Vikunnar: 02

Guðrún Óla, blaðamaður hjá Vikunni, les upp lífsreynslusögur sem sendar hafa verið inn í blaðið í gegnum tíðina, en hér er sannleikurinn lyginni líkastur! Ekkert er gefið eftir og sögurnar eru jafn ólíkar og þær eru margar. Í þessum þætti fáum við að heyra eftirfarandi frásagnir:

- Ömurleg barnsmóðir:
„Vinur minn var rétt um tvítugt þegar hann kynntist jafnöldru sinni og stofnaði fjölskyldu með henni. Ástin entist ekki lengi en það var hægara sagt en gert að slíta sambandinu eftir að tvö börn voru komin til sögunnar..“

- Hættulegur óvinur:
„Frændi minn lenti í ljótri rógsherferð í heimabænum okkar. Óskiljanlegt var hvaða hvatir lágu að baki þessum árásum á hendur vinsælum og virtum manni. Sannleikurinn kom á óvart.“
 
- Undir fölsku flaggi:
„Þegar ég var á lokaári mínu í menntaskóla skráði ég mig á stefnumótavefinn einkamal.is. Viðbrögðin sem ég fékk við auglýsingunni voru vægast sagt ótrúleg!“ 

- Hótel Mamma:
„Þegar dóttir vinkonu minnar var 16 ára hóf hún samband við mann næstum tíu árum eldri. Fljótlega eftir að þau kynntust byrjuðu þau að búa ... heima hjá vinkonu minni.“

- Dýrkeypt hjónaband:
„Vinkona mín varð ástfangin af manni 20 árum eldri en hún. Þetta var ekki slæmur maður, hann vildi öllum vel en skildi samt alls staðar eftir sig sviðna jörð í fjármálum, eitthvað sem vinkona mín áttaði sig ekki á fyrr en of seint.“

Lífsreynslusögur Vikunnar: 99

Guðrún Óla, blaðamaður hjá Vikunni, les upp lífsreynslusögur sem sendar hafa verið inn í blaðið í gegnum tíðina, en hér er sannleikurinn lyginni líkastur! Ekkert er gefið eftir og sögurnar eru jafn ólíkar og þær eru margar. Í þessum þætti fáum við að heyra eftirfarandi frásagnir:

- Fyrirlitin vegna fjárhagsörðugleika:
„Fyrir um það bil fimmtán árum bjuggum við hjónin í lítilli, tveggja herbergja íbúð sem við áttum skuldlausa. Ég var ófrísk og við sáum fram á að geta ekki búið í þessu litla plássi með þrjú börn þótt við hefðum látið okkur hafa það með tvö.“

- Veik dóttir mín lögð í einelti:
„Raunum dóttur minnar lauk ekki þegar hún sigraðist á erfiðu krabbameini, heldur upplifði hún ömurlega tíma í leikskóla og síðar í grunnskóla. Hún hafði fitnað vegna steralyfja sem hún tók og var m.a. lögð í einelti af þeim sökum. Fagfólk á þessum stöðum sá ekki ástæðu til að koma henni til hjálpar.“
 
- Fátt verður tvítugum að falli ...
„Ég skildi, til allrar blessunar, við manninn minn eftir vægast sagt erfitt hjónaband og nýtt ástarsamband var alls ekki á dagskránni. Það breyttist þó þegar ég fór í sumarbústaðarferð með nokkrum gömlum vinum mínum.“ 

- Sálumessa hjónabands:
„Fyrir tólf árum flutti ég út á land ásamt tveimur börnum mínum. Ég vann mikið, hafði góð laun og var þess fyrir utan vel stæð. Ég var nýskilin og mig grunaði ekki að ég væri að fara úr öskunni í eldinn.“

- Kraftaverkastelpurnar mínar:
„Ég á tvær yndislegar dætur en ekki gekk áfallalaust að koma þeim í heiminn. Báðar fæddust þær í útlöndum, sú eldri í Guatemala og hin í Svíþjóð. Minnstu munaði að yngri telpan lifði fæðinguna ekki af.“

Lífsreynslusögur Vikunnar: 97

Guðrún Óla, blaðamaður hjá Vikunni, les upp lífsreynslusögur sem sendar hafa verið inn í blaðið í gegnum tíðina, en hér er sannleikurinn lyginni líkastur! Ekkert er gefið eftir og sögurnar eru jafn ólíkar og þær eru margar. Í þessum þætti fáum við að heyra eftirfarandi frásagnir:

- Lengi lifir í gömlum glæðum:
„Fyrir mörgum árum fluttum við hjónin á milli hverfa í Reykjavík. Indæl hjón á fimmtugsaldri, sem bjuggu í nýja húsinu, urðu afar góðir vinir okkar. Hjónin mun ég kalla Palla og Rúnu hér en Palli átti eftir að koma öllum mjög á óvart.“

- Óvænt huggun:
„Bróðir minn dó langt fyrir aldur fram og var sárt saknað. Mitt í allri sorginni gerðist nokkuð sem kom okkur ástvinum hans gleðilega á óvart.“
 
- Aðskilin í aldarfjórðung:
„Foreldrar vilja börnum sínum yfirleitt það besta. Í sumum tilfellum gengur sú viðleitni of langt eins og í eftirfarandi sögu þar sem afskipti af ástum ungmenna hafði mikla sorg í för með sér.“ 

- Þoldi ekki sveitalífið:
„Góður vinur minn kvæntist erlendri konu sem olli honum mikilli sorg. Tíu árum síðar kom gleðin inn í líf hans aftur.“

- Hættur leynast í stórum heimi:
„Þegar við ákváðum að flytja með dætur okkar til Bandaríkjanna til að stunda framhaldsnám völdum við gaumgæfilega íbúðahverfi þar sem börnin væru örugg, afgirt leiguíbúðahverfi þar sem einungis íbúar með sérstakan númerakóða komust inn eða gestir sem höfðu verið samþykktir. En það dugði augljóslega ekki til þegar afbrotamaður leyndist rétt utan við girðinguna og annar á efri hæðinni.“

Lífsreynslusögur Vikunnar: 101

Guðrún Óla, blaðamaður hjá Vikunni, les upp lífsreynslusögur sem sendar hafa verið inn í blaðið í gegnum tíðina, en hér er sannleikurinn lyginni líkastur! Ekkert er gefið eftir og sögurnar eru jafn ólíkar og þær eru margar. Í þessum þætti fáum við að heyra eftirfarandi frásagnir:

– Verndarengill Margrétar:
„Sumir segja að flest börn búi yfir dulrænum hæfileikum sem síðan eldist af þeim. Systir mín er sannarlega dæmi um það og einnig varð ég vör við þetta þegar sonur minn var á fyrsta árinu.“ 

– Í skugga dauðadóms:
„Þegar mamma fékk að vita hjá lækni að hún ætti í mesta lagi eftir ár ólifað var það gríðarlegt áfall fyrir okkur fjölskylduna, sérstaklega pabba. Ég var öskureið út í lækninn fyrir að segja henni þetta svona umbúðalaust og taka þar með frá okkur vonina.“ 

 – Óvænt tækifæri – þegar þess var þörf! :
„Ég var á krossgötum í lífi mínu. Var hætt með kærastanum, hafði fallið í skólanum og var mjög óviss um hvaða stefnu ég ætti að taka. Ég hafði þó hugann opinn og ómetanlegt tækifæri bankaði upp á þegar ég átti síst von á því.“

– Ég trúi á karma:
„Ég var nýskriðin yfir tvítugt og að loknu stúdentsprófi ákvað ég að skoða heiminn og reyna að kynnast einhverju öðru en allra nánasta umhverfi. Ég sótti um í virtum listaskóla í Lundúnaborg og sjálfri mér að óvörum komst ég inn. Þótt þetta væri vissulega spennandi þá var líka stórt skref fyrir svona unga stúlku að fara beint úr foreldrahúsum út í óvissuna í hinum stóra heimi. Ég lofaði mömmu að vera varkár en ég var líka staðráðin í að reyna eitthvað nýtt. Nú eru liðin þrjátíu ár en þetta haust rennur mér seint úr minni.“

– Töfrum slungið kvöld:
„Eitt yndislegt vetrarkvöld fyrir nokkrum árum hitti ég elskuna mína, manninn sem ég ætla að giftast núna í sumar. Mikil rómantík hefur greinilega legið í loftinu þarna því að svo skemmtilega vill til að besta vinkona mín kynntist manninum sínum þetta sama kvöld.“

Lífsreynslusögur Vikunnar: 89

Guðrún Óla, blaðamaður hjá Vikunni, les upp lífsreynslusögur sem sendar hafa verið inn í blaðið í gegnum tíðina, en hér er sannleikurinn lyginni líkastur! Ekkert er gefið eftir og sögurnar eru jafn ólíkar og þær eru margar. Í þessum þætti fáum við að heyra eftirfarandi frásagnir:

- Furðulegt stefnumót:
„Fyrir mörgum árum, á meðan ég var ungur og einhleypur, lét ég eftir vinkonu minni að fara á blint stefnumót með ungri konu sem hún vildi endilega að ég kynntist.“ 

- Af hverju?:
„Ég var yfir mig ástfangin af manni sem var stóra ástin mín á þeim tíma. Við vorum sundur og saman í um tvö ár og ég var enn hrifin af honum þegar hann giftist annarri. Við hittumst óvænt að kvöldi brúðkaupsdags hans.“ 

- Áfall við heimkomu:
„Við hjónin bjuggum erlendis í nokkur ár og þegar við fluttum heim aftur hóf sonur okkar nám í átta ára bekk. Ekki átti ég von á öðru en drengurinn fengi góða hjálp í skólanum en sú varð sannarlega ekki raunin og það varð okkur óvænt áfall.“ 

- Falskt öryggi:
„Ég hef búið erlendis árum saman. Skömmu eftir að ég skildi við manninn minn ákvað ég að fá mér öryggiskerfi. Ekki grunaði mig að í tilraun minni til að auka öryggi mitt gerðist algjörlega hið gagnstæða.“

- Dulið ofbeldi:
„Fyrir nokkrum árum var ég beðin um að hjálpa 12 ára bróðurdóttur minni sem stríddi við mikla vanlíðan, ekki síst í skólanum. Eftir að við fundum í sameiningu rót vandans breyttist allt til hins betra.“

Lífsreynslusögur Vikunnar: 18

Hlustaðu og lestu

Other podcasts you might like ...