Nína er flutt í nýtt hverfi og byrjuð í nýjum skóla. Þótt krakkarnir í bekknum hafi tekið vel á móti henni þá hefur hún ekki eignast nýja vini því henni finnst erfitt að kynnast nýjum krökkum. Einn daginn stekkur lítill, skrítinn víkingur út úr sögubókinni hennar og Nína lærir að stundum þarf ekki nema smá skammt af hugrekki til að gera lífið dásamlegt.

Sögur fyrir svefninn hafa leitt ótal börn inn í draumalandið og nú er komið annað safn af þessum hugljúfu og hrífandi sögum Evu Rúnar Þorgeirsdóttur. Hún hefur margra ára reynslu af því að skrifa fyrir börn og vinna með þeim. Hún hefur til að mynda kennt þeim hugleiðslu og í þann ríkulega reynslubrunn sækir hún innblástur fyrir sögurnar. Salka Sól glæðir sögurnar lífi með einstökum lestri sínum og leiðir þannig unga hlustendur inn í jákvæðan og uppbyggilegan ævintýraheim fyrir svefninn.

Mynd á kápu: Ninna Þórarinsdóttir

© 2023 Storytel Original (Hljóðbók): 9789180687997
© 2023 Storytel Original (Rafbók): 9789180670210

Útgáfudagur

Hljóðbók: 3 april 2023
Rafbók: 3 april 2023