Steinunn Ólína Þorsteinsdóttir

Storytel fagnar því að hafa fengið Steinunn Ólínu Þorsteinsdóttur í raðir flytjenda. Það er ekki bara að þessi magnaða leikkona hafi veitt okkur næma hlutdeild í sigrum og sorgum fólks með persónutúlkun sinni á leiksviðinu, í kvikmyndum og sjónvarpi í gegnum árin, heldur hefur hún að undanförnu deilt opinberlega eigin baráttu og sorgum við ótímabært fráfall eiginmanns hennar Stefáns Karls Stefánssonar með fágætum styrk og reisn.

Steinunn Ólína talar opinskátt um líf sitt í kjölfar fráfallsins, um hinn mikla stuðning sem hún fann frá samfélaginu og um fyrirtækin tvö sem hún stýrir, Kvennablaðinu og Sprettu, gróðurhússins sem Stefán Karl setti í gang til að rækta grænsprettu fyrir veitingageirann. Steinunn segist nú fylgja nákvæmum fyrirmælum Stefáns um vöxt Sprettu og viðgang og sömuleiðis um stofnun leiklistarskóla fyrir börn sem ber nafnið Stefan Karl Academy and Center for the Performing Arts í Sviss. Steinunn er auk þess nýkomin frá Bandaríkjunum þar sem hún talaði fyrir hönd aðstandenda á þingi um þá tegund krabbameins sem lagði Stefán Karl að velli.

Hallgrímur Thorsteinsson er einn ástsælasti fjölmiðlamaður Íslendinga. Í nýrri hlaðvarpsseríu, Segðu mér sögu með Halla Thorst, kynnir hann hlustendur Storytel fyrir höfundum okkar vinsælustu bóka. Einstaklega skemmtilegir og vandaðir viðtalsþættir sem sannir bókaunnendur ættu ekki að láta fram hjá sér fara.