Á flögri: 10

Mamma hennar sagði við hana. „Bíddu bara þangað þú verður 14 ára, þá missirðu áhugann á hestum.“ Hún óttaðist því mjög að verða 14 ára en það breytti engu, ástríðan og áhuginn á hestum breyttist ekkert. Enginn annar í fjölskyldu hennar hafði áhuga á hestum. Hollenska hestakonan kom til Íslands og vildi ekki fara aftur heim. Í fjölskylduboðum heima í Hollandi var líka varað við því að hefja umræður um hross því þá kæmi hún askvaðandi þegar í æsku með myndir af hestum, hrosshár og fleira í þeim dúr að sýna gestunum. Okkar kona er árrisulli en margan grunar enda oft búin að hreyfa nokkur hross áður en aðrir ná að stíga fram úr rúminu.

Þátturinn Á flögri er hugsaður sem notaleg samvera með Íslendingum sem sinna ólíkum störfum og áhugamálum. Allir eiga sögu. Eins og fugl á flögri setjumst við niður og heyrum sögubrot í notalegu spjalli. Hvers vegna lá lífsleiðin í þessa átt en ekki hina og stundum slæðast spurningar um allt annað en aðalstarfið með í spjallið.

Umsjón: Ólöf Rún Skúladóttir. Ljósmyndari fyrir kápu: Eva Lind.