Kizhakkey Oru Ulagam

ஏறக்குறைய 24 ஆண்டுகளுக்கு முன்பு பயணம் சென்ற கிழக்கத்திய நாடுகளைப் பற்றி திருமதி வாஸந்தி அவர்கள் இந்நூலில் சுவைபட எழுதியுள்ளார். பயணக்கட்டுரை வெறும் புள்ளி விவரங்களாக இருந்தால் படிப்பவர்களுக்கு சுவாரசியமின்றி போய்விடும். அதே நேரத்தில் வெறும் வர்ணனையாக இருந்தாலும் நூல் பயனுள்ளதாக அமையாது.

ஆனால், ‘கிழக்கே ஓர் உலகம்’ எனும் இந்நூல் வெளிநாடு செல்லும் பயணி புறப்படுவதற்கு முன் செய்ய வேண்டிய வேலைகள், செல்லும் நாட்டில் - தங்கும் நாட்களுக்கு தேவையான ஏற்பாடுகள், அந்நியச் செலாவணி மற்றுமுள்ள முக்கிய சான்றிதழ்கள் ஆகியவையெல்லாம் சரியானபடிக்கு உள்ளதா? என்பது போன்ற குறிப்புகளிலிருந்து - வெளிநாட்டில் பார்த்தவை, மனதில் பதிந்தவை ஆகியவற்றை யெல்லாம் கதை போல பயனுள்ள வகையில் சொல்லியுள்ள பாங்கு ஆகியவை ஆசிரியர் திருமதி வாஸந்தி அவர்களுக்கு உரிய கைவந்த உத்தியாகும்.

இந்நூலில் அவர் கண்டுகளித்த ஃபீஜித் தீவுகள், பாங்காக், தாய்லாந்து, ஸிட்னி, சிங்கப்பூர், ஆகிய நாடுகளைப் பற்றியும் அங்குள்ள பெண்களின் பிரச்சினைகள், வம்சாவழி இந்தியர்களின் நிலை, அவர்களின் எதிர்காலம் என எல்லா விஷயங்களையும் அக்குவேறு ஆணிவேறாக அற்புதமாக வடித்தளித்துள்ளார்.

วันเปิดตัว

อีบุ๊ก: 3 มกราคม 2563