Siruvargalukkana Greekka Kadhaigal

'சிறுவர்களுக்கான கிரேக்கக் கதைகள்' ஒரு மொழி பெயர்ப்புக் கதைத் தொகுப்பு. நமது புராணம் போலவே பழைமையும், மேன்மையும் நிறைந்த கதைகள் இவை.

நமது மகாபாரதம், ராமாயணம் போன்றவை, கிரேக்கத்தின் இலியட்டும், ஒடிஸ்ஸியும் - நம்முடைய வியாசனும், வால்மீகியும் போன்றவர்கள் கிரேக்கர்களின் ஹோமர், காளிதாசனைப் போல். கிரேக்க மொழியில் காவியம் படைத்தவர் ஸோஃபோக்லிஸ் இவரது புகழ்பெற்ற நூல் ‘ஈடிப்பஸ்’.

நமது புராணங்களில் உள்ளது போலவே கிரேக்கப் புராணங்களிலும் கதாபாத்திரங்கள் உள்ளன. நமது இந்திரனுக்கு ஒப்பானவர் கிரேக்கர்களின் சேயூஸ். நமது இந்திரனின் ஆயுதமான இடி, மின்னல்தான் அவரது ஆயுதமும். நமக்கு சமுத்திரதேவன் வருணன். அவர்களுக்கு போஸெடோன், முறையே நமது ரதி - ஆஃப்ரோடைரி தேவி, மன்மதன் - ஈரோஸ், பீமன் - ஹெர்குலிஸ், எமதர்மன் - புளூட்டோ தேவன்.

பிறமொழிகளுடன் தொடர்புள்ள நாம், அந்தந்த நாட்டின் பிரமுகர்களை - அந்நிய மொழியிலுள்ள பெயர்களை இன்று நிறையவே தெரிந்து கொண்டிருக்கிறோம். இன்றைய தகவல் பரிமாற்றம். அந்த அளவுக்கு நமது அறிவை விசாலமாக்கி விட்டிருக்கிறது.

உங்களுக்கு நன்கு தெரிந்த பிறநாட்டு அரசியல் தலைவர்கள், ஞானிகள், விஞ்ஞானிகள், சமூக சேவகர்கள், பல்வேறு துறைகளைச் சார்ந்த கலைஞர்கள் ஆகியோரின் பெயர்களைக் கொஞ்சம் நினைவுபடுத்திப் பாருங்கள். உதாரணத்துக்குச் சில: கலிலியோ, சாக்ரடீஸ், ஷேக்ஸ்பியர், ஐன்ஸ்டைன், ஜான் எஃப், கென்னடி, ரூஸ்வெல்ட், சார்லி சாப்ளின், கன்பூஷியஸ், கார்ஸ் மார்க்ஸ், லெனின், ஃபிடல் காஸ்ட்ரோ, நெல்சன் மண்டேலா, கிரஹாம் பெல், மார்க்கோனி, எட்டாவது ஹென்றி, விகடர் ஹியூகோ, அன்னை தெரஸா, தாமஸ் ஆல்வா எடிசன்.

அந்நிய மொழிப் பெயர்கள் என்பதாலேயே இவர்கள் நம் மனதில் தங்காமல் போய்விடவில்லை! ஒரு மனிதன் செயலை வைத்தே, அந்த மனிதனின் பெயர் நம்முள் இடம் பெறுகிறது. அந்த வகையில் இந்தக் கதைகளில் உள்ள பெயர்களும் உங்களைக் கவர்ந்து, உங்கள் மனதில் இடம் பிடிக்கும் என்று நம்புகிறேன்.

- சிவன்

Release date

Ebook: 28 March 2022