Trúðu mér

SÖNN SAKAMÁL 12

Sönn saga af játningamorðingjanum Henry Lee Lucas.

Trúðu mér er áhrifamikil frásögn af einu undarlegasta og hryllilegasta glæpamáli í sögu Bandaríkjanna.

Sumarið 1983 var Henry Lee Lucas handtekinn fyrir óleyfilega byssueign. Lögreglan grunaði hann um aðild að hvarfi tveggja kvenna og notaði tækifærið til að þjarma að honum. Eftir fjögurra daga gæsluvarðhald játaði Lucas að hafa myrt konurnar tvær.

Í kjölfarið játaði hann að hafa myrt, nauðgað og limlest hundruð kvenna til viðbótar með vini sínum og elskhuga meðan hann var undir áhrifum satanísks sértrúarsafnaðar.

Sagði hann satt? Lögreglunnar beið erfitt verk að sannreyna frásagnir hans.

Rétt eins og í fyrri bókum skrifar Ryan Green á kraftmikinn og lifandi hátt eins og í bestu spennusögu.

„Ryan Green er ótrúlegur sagnamaður ... hann segir ekki aðeins söguna eins og hún gerðist heldur gerir lesandann nánast að þátttakanda í henni.“ – Blackbird

* * * * * „Ég get ekki beðið eftir að lesa meira eftir þennan höfund.“ – amazon.com

© 2025 Ugla útgáfa (Hljóðbók): 9789935330925

Þýðendur: Ragnar Hauksson

Útgáfudagur

Hljóðbók: 13 juli 2025