Ævintýraheimur Fáskrúðsfjarðar geymir mikla náttúrufegurð og ógrynni heillandi sagna, bæði með þjóðlegu ívafi og alþjóðlegu, en franskir sæfarendur hafa verið tíðir gestir á staðnum og skilið eitt og annað eftir sig.

Í Förusögum leiðir Sigursteinn Másson hlustendur um landið með sinni einstöku frásagnargáfu og óviðjafnanlegu rödd. Þættirnir byggjast á sönnum sögum frá áhugaverðum stöðum á landinu, sem þó hafa stundum kryddast svolítið á leið sinni.