App Store

Google Play

is Device Banner Block 894x1036

Stígðu inn í heim af óteljandi sögum

Hlustaðu og lestu

Hallgrímur Thorsteinsson

Skemmtilegir og vandaðir viðtalsþættir sem sannir bókaunnendur ættu ekki að láta fram hjá sér fara..

Segðu mér sögu

Ragnar Jónasson er lögfræðingur að mennt og starfar sem slíkur í fjármálaheiminum. Honum skaut hratt upp á vinsældarlista glæpasagnanna með skáldsögum sínum um þau Ara Þór lögreglumann og Huldu. Fyrsta bókin, Fölsk nóta, kom út árið 2009 og sú nýjasta og 11. í röðinni Þorpið, haustið 2018. Eins hefur Ragnar þýtt fjórtán skáldsögur Agöthu Christie á íslensku en þar á meðal eru bækurnar um Hercule Poirot sem eru væntanlegar á Storytel í lestri Arnar Árnasonar.

Viðtalið var tekið í Iðnó haustið 2018 á glæpasagnahátíðinni Iceland Noir en þar segir Ragnar að hann hafi viljað hvíla seríurnar um Ara og Huldu í nýjustu bókinni og hafa hana staka í höfundarverkinu.

Ferillinn hefur æxlast þannig hjá Ragnari að Frakkland er orðinn hans stærsti markaður. Ragnar segir að nú þurfi hann að fara að læra frönsku, því vinsældunum fylgja auknar kröfur um að hann hitti lesendur sína og kynni bækur sínar þar.

Hallgrímur Thorsteinsson er einn ástsælasti fjölmiðlamaður Íslendinga. Í nýrri hlaðvarpsseríu, Segðu mér sögu með Halla Thorst, kynnir hann hlustendur Storytel fyrir höfundum okkar vinsælustu bóka. Einstaklega skemmtilegir og vandaðir viðtalsþættir sem sannir bókaunnendur ættu ekki að láta fram hjá sér fara.

Ragnar Jónasson

Það eru sjaldnast rólegheit hjá Þórunni E. Clausen. Á milli þess sem hún les inn hjá Storytel glæpasögur sænska metsöluhöfundarins Vivecu Sten (sem vinsælir sjónvarpsþættir hafa verið gerðir eftir) þeytist hún á milli verkefna í leiklistinni og söngnum. En við tölum líka um nýja plötu sem er í smíðum með lögum hennar, sem hún segist loks hafa gefið sér tíma til að hella sér í.

Þórunn Erna Clausen

Margrét Örnólfsdóttir er einn færasti handritshöfundur okkar í dag. Sjónvarpsseríurnar Pressa og Fangar eru nýjastu og bestu dæmin um það. Hún er auk þess margverðlaunaður barnabókahöfundur. En Margrét er líka úrvals tónlistarmaður og tónskáld og var hljómborðsleikari Sykurmolanna sællar minningar. Þessa dagana vinnur hún meðal annars að undirbúningi annarrar þáttaraðar Fanga.

Margrét Örnólfsdóttir

Þegar tveir góðir leggja saman verður útkoman frábær. Þorsteinn Backman er margfaldur Edduverðlaunahafi fyrir stjörnuhlutverk í nokkrum bestu kvikmyndum seinni ára (Vonarstræti, Undir Trénu, Lof mér að falla) og Óskar Guðmundsson er nýjasta stjarnan í íslenska spennusagnaævintýrinu. Þeir eiga það sameiginlegt að undirbúa verk sín í þaula. 

Þorsteinn les þær tvær bækur Óskars sem eru á Storytel, Hilmu og Blóðengill. Í stórskemmtilegu spjalli kemur fram að þriðja bókin með Hilmu er í smíðum og að Þorsteinn er að búa sig undir nýja þáttaseríu. Það rifjaðist líka upp að Hallgrímur gaf Þorsteini fyrsta "breikið" í leiklistinni.

Óskar Guðmundsson og Þorsteinn Bachmann

Yrsa Sigurðardóttir er fyrsti gesturinn í Segðu mér sögu með Halla Thorst. Viðtalið var tekið í Iðnó í haust á glæpasagnahátiðinni Iceland Noir, þar sem Yrsa hefur verið ein helsta driffjöðurin. 

Yrsa hóf feril sinn sem barnabókahöfundur en er nú þekktari sem „glæpasagnadrottning“ Íslendinga. Bækur hennar hafa slegið í gegn bæði hérlendis og úti í heimi, hvort sem það eru bækurnar um Þóru Guðmundsdóttur lögmann sem hafa farið sigurför á heiminn eða hennar nýrri titlar um Huldar og Freyju sem gefa fyrri bókum ekkert eftir.

Yrsa segist ekki þurfa sérstakt næði til skrifa, skrifar oft upp í sófa og finnst best að hafa hryllingsmyndir á skjánum fyrir framan sig. Bók Yrsu, Ég man þig, rataði á hvíta tjaldið 2017 og Sigurjón Sighvatson vinnur nú að með bókina Kuldi frá 2012. Meira af slíku virðist á leiðinni, sem Yrsa segir í viðtalinu að leynd hvíli yfir ennþá. Henni finnst hljóðbókin frábært form, en kýs að láta aðra lesa efni frá henni en nýta frekar tímann sjálf til að semja nýtt efni.

Hallgrímur Thorsteinsson er einn ástsælasti fjölmiðlamaður Íslendinga. Í nýrri hlaðvarpsseríu, Segðu mér sögu með Halla Thorst, kynnir hann hlustendur Storytel fyrir höfundum okkar vinsælustu bóka. Einstaklega skemmtilegir og vandaðir viðtalsþættir sem sannir bókaunnendur ættu ekki að láta fram hjá sér fara.

Yrsa Sigurðardóttir

Snjólaug Bragadóttir er ein af fáum rithöfundum á Íslandi sem skrifaði ástarsögur af þeirri tegund rómantískra ástarsagna sem hér er ætlunin að fjalla um. Hún gaf út tólf ástarsögur áður en hún hætti að skrifa og snéri sér alfarið að þýðingum. Hún á t.d. heiðurinn að frábærum þýðingum á bókunum um Ísfólkið og hefur löngum verið einn aðalþýðandi Stöðvar 2.

Allar sögur Snjólaugar er að finna á Storytel í frábærum lestri Þórunnar Hjartardóttur.

Snjólaug undirbýr þessa dagana Storytel útgáfur af bókum móður sinnar Guðbjargar Hermansdóttur, sem fór óvænt að dæmi dóttur sinnar á sínum tíma og hóf að semja skáldsögur á miðjum aldri.

Snjólaug Bragadóttir

Jón Páll Björnsson sagnfræðingur, starfar hjá Minjasafni Reykjavíkur. Í frístundum hefur hann verið að spinna saman ævintýraheim, þar sem hinn stórskemmtilegi svikahrappur Lavander leikur aðalhlutverk. Upphaflega bjó Jón Páll til þennan furðuheim, með landakortum og hvaðeina fyrir tvo frændur sína. Lavander öðlaðist sjálfstætt líf og síðan hafa bækurnar komið hver af annarri.

Jón Páll Björnsson

Svandís Dóra Einarsdóttir hefur um árabil verið ein okkar allra uppteknasta leikkona. Þessa dagana býr hún sig undir aðalhlutverk í enn einni sjónvarpsseríunni sem hún segir mjög spennandi verkefni. Þættirnir heita Afturelding og gerast í kvennahandboltanum í Mosfellsbæ. Leikstjóri verður Hafsteinn Gunnar Sigurðsson sem leikstýrði Undir trénu og handritshöfundur með honum Halldór Halldórsson. 

En Svandís hefur jafnframt gefið sér góðan tíma hér hjá Storytel að undanförnu við að að lesa inn bækurnar um Ísfólkið.

Svandís Dóra Einarsdóttir

Davíð Guðbrandsson hefur lesið inn um tvo tugi bóka hér á Storytel, þar á meðal þrjá spennutrylla eftir Stefán Mána. Þar fyrir utan er utan er hann önnum kafinn við leik í sjónvarpsþáttum auk þess að vera eftirsótt rödd í auglýsingum. Hér segir hann okkur meðal annars frá gerð nýrrar norrænnar sjónvarpsþáttaraðar sem hann tekur nú þátt í, þar sem töluð eru fimm tungumál.

Davíð Guðbrandsson

Íris Tanja Flygenring er ein athyglisverðasta leikkona landsins af yngri kynslóðinni. Margir muna eflaust eftir henni átakamiklu hlutverki sem ung móðir í sjónvarpsþáttunum Fangar. Hún segir meðal annars frá því í viðtalinu að undirbúningur að annarri þáttaröð Fanga sé að hefjast og að hlutverk hennar hafi stækkað. 

Hér á Storytel njótum við hæfileika hennar í upplestri magnaðra glæpasagna frá alþjóðlega metsöluhöfundinum Angelu Marsons.

Íris Tanja Flygenring

Berglind Björk Jónasdóttir veit fátt jafn nærandi og að sökkva sér ofan í góða bók. „Það er ekkert sem færir mann nær núvitundinni en að týna sér í upplestri“ segir hún. Við þekkjum Berglindi Björk sem alhliða flytjanda, sem leikkonu, söngkonu og tónlistarmann, kannski einna best sem eina af þríeykinu Borgardætrum, en hér á Storytel sýnir hún á sér nýja hlið og les meðal annars Stúlkurnar á Englandsferjunni eftir danska glæpasagnahöfundinn Lone Theils. 

Hún segir okkur líka frá bókum föður síns, Jónasar Jónassonar útvarpsmanns, sem hún er stolt af að hafa getað fært til útgáfu hjá Storytel. Sú fyrsta af þeim, endurminningarbók Magnúsar Leópoldssonar, Saklaus í klóm réttvísinnar (1996) er væntanleg sem hljóðbók á næstu vikum.

Hallgrímur Thorsteinsson er einn ástsælasti fjölmiðlamaður Íslendinga. Í nýrri hlaðvarpsseríu, Segðu mér sögu með Halla Thorst, kynnir hann hlustendur Storytel fyrir höfundum okkar vinsælustu bóka. Einstaklega skemmtilegir og vandaðir viðtalsþættir sem sannir bókaunnendur ættu ekki að láta fram hjá sér fara.

Berglind Björk Jónasdóttir

Hlustaðu og lestu

Other podcasts you might like ...