App Store

Google Play

is Device Banner Block 894x1036

Stígðu inn í heim af óteljandi sögum

Hlustaðu og lestu

Hallgrímur Thorsteinsson

Skemmtilegir og vandaðir viðtalsþættir sem sannir bókaunnendur ættu ekki að láta fram hjá sér fara..

Segðu mér sögu

Ragnar Jónasson er lögfræðingur að mennt og starfar sem slíkur í fjármálaheiminum. Honum skaut hratt upp á vinsældarlista glæpasagnanna með skáldsögum sínum um þau Ara Þór lögreglumann og Huldu. Fyrsta bókin, Fölsk nóta, kom út árið 2009 og sú nýjasta og 11. í röðinni Þorpið, haustið 2018. Eins hefur Ragnar þýtt fjórtán skáldsögur Agöthu Christie á íslensku en þar á meðal eru bækurnar um Hercule Poirot sem eru væntanlegar á Storytel í lestri Arnar Árnasonar.

Viðtalið var tekið í Iðnó haustið 2018 á glæpasagnahátíðinni Iceland Noir en þar segir Ragnar að hann hafi viljað hvíla seríurnar um Ara og Huldu í nýjustu bókinni og hafa hana staka í höfundarverkinu.

Ferillinn hefur æxlast þannig hjá Ragnari að Frakkland er orðinn hans stærsti markaður. Ragnar segir að nú þurfi hann að fara að læra frönsku, því vinsældunum fylgja auknar kröfur um að hann hitti lesendur sína og kynni bækur sínar þar.

Hallgrímur Thorsteinsson er einn ástsælasti fjölmiðlamaður Íslendinga. Í nýrri hlaðvarpsseríu, Segðu mér sögu með Halla Thorst, kynnir hann hlustendur Storytel fyrir höfundum okkar vinsælustu bóka. Einstaklega skemmtilegir og vandaðir viðtalsþættir sem sannir bókaunnendur ættu ekki að láta fram hjá sér fara.

Ragnar Jónasson

Jóhann Sigurðarson er einn af ástsælustu leikurum þjóðarinnar. Frammistaða hans hefur hrifið jafnt gesti Þjóðleikhússins sem og börn heima í stofu sem dolfallin hafa heyrt hann bregða sér í allra kvikinda gervi í talsettu barnaefni. Svo er hann líka góður söngvari. En hér förum við með Jóhann yfir nýjasta afrekið: Frábæran flutning hans á Harry Potter bókunum eftir J.K. Rowling sem finna má hér á Storytel.

Hallgrímur Thorsteinsson er einn ástsælasti fjölmiðlamaður Íslendinga. Í nýrri hlaðvarpsseríu, Segðu mér sögu með Halla Thorst, kynnir hann hlustendur Storytel fyrir höfundum okkar vinsælustu bóka. Einstaklega skemmtilegir og vandaðir viðtalsþættir sem sannir bókaunnendur ættu ekki að láta fram hjá sér fara.

Jóhann Sigurðarson

Bækur Sólveigar Pálsdóttur um Guðgeir lögreglumann hafa slegið í gegn á undanförnum árum, en sú nýjasta, Refurinn, kom út árið 2018 við frábærar undirtektir lesenda, Sólveig les sjálf útgáfuna hér á Storytel. Alls eru bækurnar um Guðgeir orðnar fjórar en áður en Sólveig sneri sér að ritstörfum starfaði hún við útvarps-og sjónvarpsleik, vann við talsetningar og ýmis önnur leiklistartengd störf sem hún grípur enn í. Þá vann Sólveig lengi við dagskrárgerð í útvarpi og að ýmsum menningarmálum. Auk þess var hún framhaldsskólakennari í 17 ár.

Sólveig segir að umfjöllunarefnið í Refnum, innflytjendur í íslensku samfélagi, sé gíðarlega áhugavert en líka viðkvæmt. Hún kynntist lífi innflytjenda í kennarastarfinu þegar hún aðstoðaði útlendinga við að ná tökum á íslenskum veruleika.

Hallgrímur Thorsteinsson er einn ástsælasti fjölmiðlamaður Íslendinga. Í nýrri hlaðvarpsseríu, Segðu mér sögu með Halla Thorst, kynnir hann hlustendur Storytel fyrir höfundum okkar vinsælustu bóka. Einstaklega skemmtilegir og vandaðir viðtalsþættir sem sannir bókaunnendur ættu ekki að láta fram hjá sér fara.

Sólveig Pálsdóttir

Yrsa Sigurðardóttir er fyrsti gesturinn í Segðu mér sögu með Halla Thorst. Viðtalið var tekið í Iðnó í haust á glæpasagnahátiðinni Iceland Noir, þar sem Yrsa hefur verið ein helsta driffjöðurin. 

Yrsa hóf feril sinn sem barnabókahöfundur en er nú þekktari sem „glæpasagnadrottning“ Íslendinga. Bækur hennar hafa slegið í gegn bæði hérlendis og úti í heimi, hvort sem það eru bækurnar um Þóru Guðmundsdóttur lögmann sem hafa farið sigurför á heiminn eða hennar nýrri titlar um Huldar og Freyju sem gefa fyrri bókum ekkert eftir.

Yrsa segist ekki þurfa sérstakt næði til skrifa, skrifar oft upp í sófa og finnst best að hafa hryllingsmyndir á skjánum fyrir framan sig. Bók Yrsu, Ég man þig, rataði á hvíta tjaldið 2017 og Sigurjón Sighvatson vinnur nú að með bókina Kuldi frá 2012. Meira af slíku virðist á leiðinni, sem Yrsa segir í viðtalinu að leynd hvíli yfir ennþá. Henni finnst hljóðbókin frábært form, en kýs að láta aðra lesa efni frá henni en nýta frekar tímann sjálf til að semja nýtt efni.

Hallgrímur Thorsteinsson er einn ástsælasti fjölmiðlamaður Íslendinga. Í nýrri hlaðvarpsseríu, Segðu mér sögu með Halla Thorst, kynnir hann hlustendur Storytel fyrir höfundum okkar vinsælustu bóka. Einstaklega skemmtilegir og vandaðir viðtalsþættir sem sannir bókaunnendur ættu ekki að láta fram hjá sér fara.

Yrsa Sigurðardóttir

Snjólaug Bragadóttir er ein af fáum rithöfundum á Íslandi sem skrifaði ástarsögur af þeirri tegund rómantískra ástarsagna sem hér er ætlunin að fjalla um. Hún gaf út tólf ástarsögur áður en hún hætti að skrifa og snéri sér alfarið að þýðingum. Hún á t.d. heiðurinn að frábærum þýðingum á bókunum um Ísfólkið og hefur löngum verið einn aðalþýðandi Stöðvar 2.

Allar sögur Snjólaugar er að finna á Storytel í frábærum lestri Þórunnar Hjartardóttur.

Snjólaug undirbýr þessa dagana Storytel útgáfur af bókum móður sinnar Guðbjargar Hermansdóttur, sem fór óvænt að dæmi dóttur sinnar á sínum tíma og hóf að semja skáldsögur á miðjum aldri.

Snjólaug Bragadóttir

Jón Páll Björnsson sagnfræðingur, starfar hjá Minjasafni Reykjavíkur. Í frístundum hefur hann verið að spinna saman ævintýraheim, þar sem hinn stórskemmtilegi svikahrappur Lavander leikur aðalhlutverk. Upphaflega bjó Jón Páll til þennan furðuheim, með landakortum og hvaðeina fyrir tvo frændur sína. Lavander öðlaðist sjálfstætt líf og síðan hafa bækurnar komið hver af annarri.

Jón Páll Björnsson

Svandís Dóra Einarsdóttir hefur um árabil verið ein okkar allra uppteknasta leikkona. Þessa dagana býr hún sig undir aðalhlutverk í enn einni sjónvarpsseríunni sem hún segir mjög spennandi verkefni. Þættirnir heita Afturelding og gerast í kvennahandboltanum í Mosfellsbæ. Leikstjóri verður Hafsteinn Gunnar Sigurðsson sem leikstýrði Undir trénu og handritshöfundur með honum Halldór Halldórsson. 

En Svandís hefur jafnframt gefið sér góðan tíma hér hjá Storytel að undanförnu við að að lesa inn bækurnar um Ísfólkið.

Svandís Dóra Einarsdóttir

Davíð Guðbrandsson hefur lesið inn um tvo tugi bóka hér á Storytel, þar á meðal þrjá spennutrylla eftir Stefán Mána. Þar fyrir utan er utan er hann önnum kafinn við leik í sjónvarpsþáttum auk þess að vera eftirsótt rödd í auglýsingum. Hér segir hann okkur meðal annars frá gerð nýrrar norrænnar sjónvarpsþáttaraðar sem hann tekur nú þátt í, þar sem töluð eru fimm tungumál.

Davíð Guðbrandsson

Íris Tanja Flygenring er ein athyglisverðasta leikkona landsins af yngri kynslóðinni. Margir muna eflaust eftir henni átakamiklu hlutverki sem ung móðir í sjónvarpsþáttunum Fangar. Hún segir meðal annars frá því í viðtalinu að undirbúningur að annarri þáttaröð Fanga sé að hefjast og að hlutverk hennar hafi stækkað. 

Hér á Storytel njótum við hæfileika hennar í upplestri magnaðra glæpasagna frá alþjóðlega metsöluhöfundinum Angelu Marsons.

Íris Tanja Flygenring

Friðrik Erlingsson er rithöfundur og tónlistarmaður. Hann er jafnframt einn okkar allra besti handritshöfundur og nægir að nefna sögur hans og handrit að tveimur verðlaunateiknimyndum í fullri lengd: Hetjur Valhallar – Þór og Lói: Þú flýgur aldrei einn. Hann er líka höfundur sögunnar um Benjamín dúfu sem hefur hlotið margvísleg verðlaun hér heima og erlendis, bæði bókin og kvikmyndin. Friðrik segir að kvikmyndin sé nú loks að verða aðgengileg á veitunum. Hér á Storytel les Friðrik meðal annars Skálholt eftir Guðmund Kamban. Hann er þaulkunnugur því efni eftir að hann samdi söngtextann (libretto) við margverðlaunuða óperu Gunnars Þórðarsonar, Ragnheiði.

Friðrik Erlingsson

Miðaldasagnaheimur Söndru B. Clausen í seríunni Hjartablóð, ljósblár með sögulegu ívafi, er á ýmsa lund nýstárlegur. En sögur hennar af Magdalenu Ingvarsdóttur, fjölskyldu hennar úr Smálöndum Sviþjóðar, ástum hennar og örlögum fyrir 400 árum, eru um leið kunnuglegar, því hjartalag mannanna hefur lítið breyst. Hjartablóðsserían í flutningi Álfrúnar Helgu Örnólfsdóttur njóta mikilla vinsælda hér á Storytel.

Hallgrímur Thorsteinsson er einn ástsælasti fjölmiðlamaður Íslendinga. Í nýrri hlaðvarpsseríu, Segðu mér sögu með Halla Thorst, kynnir hann hlustendur Storytel fyrir höfundum okkar vinsælustu bóka. Einstaklega skemmtilegir og vandaðir viðtalsþættir sem sannir bókaunnendur ættu ekki að láta fram hjá sér fara.

Sandra B. Clausen

Hlustaðu og lestu

Other podcasts you might like ...